OJEE-୨୦୨୨ ପାଇଁ ପ୍ରକାଶ ପାଇଲା ବିଜ୍ଞପ୍ତି: ଜାଣନ୍ତୁ କେବେ ଆବେଦନର ଶେଷ ତାରିଖ
OJEE-୨୦୨୨ ପାଇଁ ବିଜ୍ଞପ୍ତି ପ୍ରକାଶ ପାଇଛି । ୧୪ ମାର୍ଚ୍ଚ ୨୦୨୨ ରେ ରାଜ୍ୟ ସ୍ତରୀୟ ପ୍ରବେଶିକା ପରୀକ୍ଷା ପାଇଁ ଓଜେଇଇ ୨୦୨୨ ଆବେଦନ ଫର୍ମ ପ୍ରକାଶ ପାଇଛି । ଅଫିସିଆଲ ୱେବସାଇଟରେ ଆଗାମୀ ରାଜ୍ୟ ସ୍ତରୀୟ ପରୀକ୍ଷା ପାଇଁ ଓଡିଶା ଜଏଣ୍ଟ୍ ସେଲ୍ ଆନୁଷ୍ଠାନିକ ଭାବେ ଓଡିଶା ମିଳିତ ପ୍ରବେଶିକା ପରୀକ୍ଷା – ଓଜେଇଇ ୨୦୨୨ ଆବେଦନ ଫର୍ମ ପ୍ରକାଶ କରିଛି ।
ଓଜେଇଇ ୨୦୨୨ ଆବେଦନ ଫର୍ମ ଆଜି ପ୍ରକାଶ ପାଇଛି ଏବଂ ୧୩ ଏପ୍ରିଲ ୨୦୨୨ ପର୍ଯ୍ୟନ୍ତ ଅନଲାଇନ୍ ରେଜିଷ୍ଟ୍ରେସନ୍ ଜାରି ରହିବ । ଯେଉଁ ପ୍ରାର୍ଥୀମାନେ ଓଜେଇଇ ୨୦୨୨ ପରୀକ୍ଷା ଦେବାକୁ ଆଗ୍ରହୀ ଅଟନ୍ତି, ସେମାନେ ଅଫିସିଆଲ୍ ୱେବସାଇଟ୍ ojee.nic.in ମାଧ୍ୟମରେ ଅନଲାଇନ୍ ପଞ୍ଜୀକୃତ କରିପାରିବେ ।
ଓଜେଇଇ ୨୦୨୨ ପରୀକ୍ଷା ପାଇଁ ଆବେଦନ ଆରମ୍ଭ ହୋଇଛି, ଛାତ୍ରଛାତ୍ରୀଙ୍କୁ ପରୀକ୍ଷାର ଗୁରୁତ୍ୱପୂର୍ଣ୍ଣ ତାରିଖ ଗୁଡ଼ିକ ବିଷୟରେ ଜାଣିବା ଦରକାର । ସମୟସୀମା ଅନୁଯାୟୀ, ଓଜେଇଇ ୨୦୨୨ ପଞ୍ଜୀକରଣ ପ୍ରକ୍ରିୟା ୧୪ ମାର୍ଚ୍ଚ ୨୦୨୨ ରୁ ଆରମ୍ଭ ହୋଇ ୧୩ ଏପ୍ରିଲ ୨୦୨୨ ପର୍ଯ୍ୟନ୍ତ ଜାରି ରହିବ । ବର୍ତ୍ତମାନ ସୁଦ୍ଧା ପରୀକ୍ଷା କର୍ତ୍ତୃପକ୍ଷ ଓଜେଇଇ ୨୦୨୨ ପରୀକ୍ଷା ତାରିଖ ନେଇ ଜଣାଇ ନାହାଁନ୍ତି କିନ୍ତୁ ଏହା ଜୁନ୍ ୨୦୨୨ର ପ୍ରଥମ କିମ୍ବା ଦ୍ୱିତୀୟରେ ସପ୍ତାହରେ ହେବ ବୋଲି ଆଶା କରାଯାଉଛି ।