ଏଣିକି ସ୍କୁଲରେ ଲାଗିବ ‘ଅଏଲ୍ ବୋର୍ଡ’,ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟକୁ ନେଇ CBSEର ବଡ଼ ପଦକ୍ଷେପ

ନୂଆଦିଲ୍ଲୀ: CBSEର ବଡ଼ ପଦକ୍ଷେପ। ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟଗତ ସମସ୍ୟାକୁ ନେଇ ଏକ ବଡ଼ ପଦକ୍ଷେପ ଗ୍ରହଣ କରିଛି କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ।

ଛାତ୍ରଛାତ୍ରୀମାନଙ୍କ ମଧ୍ୟରେ ବଢୁଥିବା ମୋଟାପଣ ସମସ୍ୟାକୁ ଗମ୍ଭୀରତାର ସହ ନେଇ ସମସ୍ତ ସହବନ୍ଧିତ ବିଦ୍ୟାଳୟଗୁଡ଼ିକୁ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଜାରି କରିଛି।

ଏହି ପଦକ୍ଷେପର ଲକ୍ଷ୍ୟ ହେଉଛି ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟକୁ ଶିକ୍ଷା ପରି ପ୍ରାଥମିକତା ଦେବା, ଯାହା ଦ୍ଵାରା ଏକ ସୁସ୍ଥ ଏବଂ ସକ୍ରିୟ ଜୀବନଶୈଳୀକୁ ପ୍ରୋତ୍ସାହିତ କରାଯାଇପାରିବ।

CBSEର ବଡ଼ ପଦକ୍ଷେପ: CBSEର ନୂଆ ନିର୍ଦ୍ଦେଶାବଳୀ ଅନୁଯାୟୀ, ଏବେ ସମସ୍ତ ସ୍କୁଲରେ ‘ତେଲ ବୋର୍ଡ’ ଲଗାଯିବ। ଏହି ବୋର୍ଡ ଗୁଡ଼ିକର ମୁଖ୍ୟ ଉଦ୍ଦେଶ୍ୟ ହେଉଛି ଖାଦ୍ୟରେ ତେଲର ପରିମାଣ ବିଷୟରେ ଛାତ୍ରଛାତ୍ରୀମାନଙ୍କ ମଧ୍ୟରେ ସଚେତନତା ବୃଦ୍ଧି କରିବା।

ସ୍କୁଲଗୁଡ଼ିକ ସେମାନଙ୍କର ସୁବିଧା ଏବଂ ସୃଜନଶୀଳତା ଅନୁସାରେ ଏହି ବୋର୍ଡଗୁଡିକୁ ଡିଜାଇନ୍ କରିପାରିବେ। ଯାହାଦ୍ୱାରା ପିଲାମାନେ ସହଜରେ ବୁଝିପାରିବେ ଯେ ସୁସ୍ଥ ଖାଦ୍ୟ କାହିଁକି ସ୍ୱାସ୍ଥ୍ୟ ପ୍ରତି ଗୁରୁତ୍ୱପୂର୍ଣ୍ଣ।

CBSEର ନୂତନ ନିର୍ଦ୍ଦେଶନାମା: 

ଏବେ ସ୍କୁଲଗୁଡ଼ିକରେ ‘ତେଲ ବୋର୍ଡ’ ଲଗାଯିବ। ଯାହା ଦ୍ଵାରା ପିଲାମାନେ ଖାଦ୍ୟରେ ତେଲର ପରିମାଣ ବିଷୟରେ ଅଧିକ ସଚେତନ ହେବେ।

ଏବେ ସମସ୍ତ ସରକାରୀ ଡକ୍ୟୁମେଣ୍ଟରେ ମୋଟାପଣ ହ୍ରାସ ସମ୍ପର୍କିତ ବାର୍ତ୍ତା ଉଲ୍ଲେଖ ରହିବ।

ଜଙ୍କଫୁଡ୍ ଅପେକ୍ଷା ପୁଷ୍ଟିକର ଖାଦ୍ୟକୁ ପ୍ରାଥମିକତା ଦିଆଯିବ ଏବଂ ନିୟମିତ ବ୍ୟାୟାମକୁ ପ୍ରୋତ୍ସାହିତ କରାଯିବ।

ଛାତ୍ରମାନଙ୍କୁ ଲିଫ୍ଟ ବଦଳରେ ଚାଲିବା ଏବଂ ସିଡ଼ି ବ୍ୟବହାର କରିବାକୁ ଉତ୍ସାହିତ କରାଯିବ।

ସ୍କୁଲଗୁଡ଼ିକ ସେମାନଙ୍କ ସୁବିଧା ଅନୁସାରେ ‘ତେଲ ବୋର୍ଡ’ ଡିଜାଇନ୍ କରିପାରିବେ।

ସରକାରଙ୍କ ପରାମର୍ଶ: ପୂର୍ବରୁ ସରକାରଙ୍କ ଦ୍ୱାରା ସମୋସା, ଜଲେବି ଏବଂ ଲଡୁ ଖାଇବା ସମ୍ପର୍କରେ ଏକ ବିବୃତ୍ତି ଜାରି କରାଯାଇଥିଲା। କେନ୍ଦ୍ର ସରକାର କହିଥିଲେ ଯେ, ସେମାନେ ଏ ବିଷୟରେ କୌଣସି ପରାମର୍ଶ ଜାରି କରିନାହାନ୍ତି।

କେବଳ ସୁସ୍ଥ ଖାଦ୍ୟ ଖାଇବା ଏବଂ ଚିନି, ତେଲ ଏଡାଇବାକୁ ପରାମର୍ଶ ଦେଇଛନ୍ତି।  ସୋମବାର ହିଁ ଖବର ଆସିଥିଲା ଯେ ସରକାର ଜଲେବି ଏବଂ ସମୋସା ସମେତ ଅନେକ ଭାରତୀୟ ଖାଦ୍ୟକୁ ଅସ୍ୱାସ୍ଥ୍ୟକର ଘୋଷଣା କରିଛନ୍ତି।

ସେହି ସମୟରେ, ଆଜି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ଏପରି କୌଣସି ପରାମର୍ଶ ଜାରି କରାଯାଇ ନାହିଁ। କେବଳ ଭାରତୀୟ ଖାଦ୍ୟକୁ ଟାର୍ଗେଟ କରିବା ଭୁଲ।

ସ୍ୱାସ୍ଥ୍ୟ ସଚିବଙ୍କ ଦ୍ୱାରା ଜାରି କରାଯାଇଥିବା ଚିଠିରେ କୁହାଯାଇଛି ଯେ ସରକାର କେବଳ ଲୋକଙ୍କୁ ସୁସ୍ଥ ଖାଦ୍ୟ ଖାଇବାକୁ ପରାମର୍ଶ ଦେଇଛନ୍ତି। କାରଣ ମୋଟାପଣ ଏକ ବଡ଼ ସମସ୍ୟା ହୋଇପଡୁଛି। ବିଶେଷକରି ସହରଗୁଡ଼ିକରେ ଲୋକମାନେ ମୋଟାପାରେ ଅଧିକ ପୀଡିତ ହେଉଛନ୍ତି।