Pakistan Update: ଇମ୍ରାନଙ୍କୁ ଲାଗିଲା ଶକ୍ତ ଝଟକା ,ନିର୍ବାଚନ ଆୟୋଗ କରିଲେ ଅଯୋଗ୍ୟ ଘୋଷଣା

ନୂଆଦିଲ୍ଲୀ :ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ନିର୍ବାଚନ ଆୟୋଗ ପକ୍ଷରୁ ଏକ ଶକ୍ତ ଝଟକା ଲାଗିଛି। ନିର୍ବାଚନ ଆୟୋଗ ଶୁକ୍ରବାର ଦିନ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଅଯୋଗ୍ୟ ଘୋଷଣା କରିଛନ୍ତି। ସମ୍ପତି ଲୁଚେଇ ଥିବା ଅଭିଯୋଗ ରେ ତାଙ୍କୁ ଅଯୋଗ୍ୟ ଘୋଷଣା କରାଯାଇଛି। ପ୍ରକୃତରେ, ଶାସକ ମିଳିତ ସରକାରର ଆଇନଜୀବୀମାନେ ଅଗଷ୍ଟରେ ପାକିସ୍ତାନର ନିର୍ବାଚନ ଆୟୋଗଙ୍କ ନିକଟରେ ଇମ୍ରାନ ଖାନଙ୍କ ବିରୋଧରେ ମାମଲା ଦାୟର କରିଥିଲେ ଏବଂ ତୋସାଖାନା ନାମକ ରାଜ୍ୟ ଦୋକାନରୁ ରିହାତି ମୂଲ୍ୟରେ କିଣାଯାଇଥିବା ଉପହାର ବିକ୍ରୟରୁ ସେ ଆୟ କରିଥିଲେ ବୋଲି ଦାବି କରିଥିଲେ। ଇସଲାମାବାଦର ଇସିପି ସଚିବାଳୟରେ ଇମ୍ରାନ ଖାନଙ୍କ ବିରୋଧରେ ପାକିସ୍ତାନର ମୁଖ୍ୟ ନିର୍ବାଚନ କମିଶନର ସିକନ୍ଦର ସୁଲତାନ ରାଜାଙ୍କ ନେତୃତ୍ୱରେ ଏକ ଚାରି ଜଣିଆ ବେଞ୍ଚ ଘୋଷଣା ଏହି ନିଷ୍ପତି ଗ୍ରହଣ କରିଛନ୍ତି।