ଖୁସି ଖବର; ଆଜିଠୁ କମିଲା ପେଟ୍ରୋଲ-ଡିଜେଲ ଦର: ଲିଟର ପିଛା ଏତିକି ଟଙ୍କା ଶସ୍ତାରେ ପାଇବେ ଗ୍ରାହକ

ଭୁବନେଶ୍ୱର: ଆଜିଠାରୁ ସାରା ଦେଶରେ ପେଟ୍ରୋଲ-ଡିଜେଲ ଦରରେ ହ୍ରାସ ହୋଇଛି । ଲିଟର ପିଛା ୨ ଟଙ୍କା ଲେଖାଏଁ ଶସ୍ତାରେ ପେଟ୍ରୋଲ-ଡିଜେଲ ପାଇବେ ଦେଶବାସୀ । ଆଜି ସକାଳ ୬ଟାରୁ ଏହି ନୂଆ ଦର ଲାଗୁ କରାଯାଇଛି । ଗତକାଲି କେନ୍ଦ୍ର ସରକାର ଏ ନେଇ ଘୋଷଣା କରିବା ପରେ ଆଜି ସକାଳ ୬ଟାରୁ ନୂଆ ଦରରେ ମିଳିପାରିଛି ପେଟ୍ରୋଲ-ଡିଜେଲ । ଦୀର୍ଘ ଦିନରୁ ସ୍ଥିର ରହିଥିବା ତୈଳଦରରେ ପରିବର୍ତ୍ତନ କରାଇଛନ୍ତି ମୋଦୀ ସରକାର । ନିର୍ବାଚନ ପୂର୍ବରୁ ପେଟ୍ରୋଲ ଏବଂ ଡିଜେଲ ଦର ହ୍ରାସ କରି ଦେଶବାସୀଙ୍କୁ ବଡ଼ ଉପହାର ଭେଟି ଦେଇଛନ୍ତି ।

ପେଟ୍ରୋଲିୟମ୍ ଏବଂ ପ୍ରାକୃତିକ ଗ୍ୟାସ ମନ୍ତ୍ରାଳୟ ଅନୁସାରେ, ଦେଶବ୍ୟାପୀ ପେଟ୍ରୋଲ ଏବଂ ଡିଜେଲ ଦରରେ ୨ ଟଙ୍କା ହ୍ରାସ କରାଯାଇଛି । ଆଜି ସକାଳ ୬ଟାରୁ ନୂଆ ଦରରେ ବିକ୍ରି ହୋଇଛି ପେଟ୍ରୋଲ ଏବଂ ଡିଜେଲ । ଏହି ମୂଲହ୍ରାସ ଗ୍ରାହକଙ୍କ ଖର୍ଚ୍ଚ ବୃଦ୍ଧି ହେବ ଏବଂ ୫୮ ଲକ୍ଷରୁ ଅଧିକ ଭାରୀ ସାମଗ୍ରୀ ଯାନ, ୬ କୋଟି କାର ଏବଂ ଡିଜେଲରେ ଚାଲୁଥିବା ୨୭ କୋଟି ଦୁଇ ଚକିଆ ଯାନ ଖର୍ଚ୍ଚ ହ୍ରାସ ପାଇବ। କେନ୍ଦ୍ର ସରକାରଙ୍କ ଏହି ନିଷ୍ପତ୍ତି ଦେଶବାସୀଙ୍କ ପାଇଁ ଏକ ବଡ଼ ଉପହାର ହୋଇଛି, ଯାହାଦ୍ୱାରା ସଞ୍ଚୟ ବୃଦ୍ଧି ହୋଇପାରିବ ।

ଏହା ପର୍ୟ୍ୟଟନ ଏବଂ ଭ୍ରମଣ ଶିଳ୍ପକୁ ବୃଦ୍ଧି କରିବା ସହ ମୁଦ୍ରାସ୍ଫୀତି ଉପରେ ମଧ୍ୟ ନିୟନ୍ତ୍ରଣ କରିହେବ । ପରିବହନ ଉପରେ ନିର୍ଭରଶୀଳ ବ୍ୟବସାୟ ପାଇଁ ଏହା ଖର୍ଚ୍ଚ ହ୍ରାସ କରିବ । ବିଶେଷ କରି ଲଜିଷ୍ଟିକ୍ସ, ଉତ୍ପାଦନ ଏବଂ ଖୁଚୁରା କ୍ଷେତ୍ରର ଲାଭ ବୃଦ୍ଧି ପାଇବ ବୋଲି ଆଶା କରାଯାଉଛି । ସେହିପରି ଚାଷୀଙ୍କ ପାଇଁ ଟ୍ରାକ୍ଟର ଏବଂ ପମ୍ପ ସେଟ୍ ଚଳାଇବାରେ କମ୍ ଖର୍ଚ୍ଚ ହେବ । ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ପେଟ୍ରୋଲ ଏବଂ ଡିଜେଲ ମୂଲ୍ୟ ଗତ ଏପ୍ରିଲ ୬, ୨୦୨୨ ରେ ସଂଶୋଧିତ ହୋଇ ଉଭୟ ଲିଟର ପିଛା ୮୦ ପଇସା ବୃଦ୍ଧି କରାଯାଇଥିଲା। ଏହାପରେ ଆଜି ଏହି ମୂଲ୍ୟରେ ୨ଟଙ୍କା ହ୍ରାସ କରିଛନ୍ତି କେନ୍ଦ୍ର ସରକାର ।