fbpx
BSKY SKY
BSKY SKY

ମୋଦୀଙ୍କ ‘ମନ୍ କି ବାତ୍’, କହିଲେ-ଖୋଲିଲା ଦେଶ, ଏବେ ଅଧିକ ସାବଧାନ୍

BSKY

ନୂଆଦିଲ୍ଲୀ,୩୧ ।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜର ରେଡ଼ିଓ କାର୍ଯ୍ୟକ୍ରମ ‘ମନ୍ କି ବାତ୍’ର ୬୫ତମ ସଂସ୍କରଣରେ ଦେଶବାସୀଙ୍କୁ ସମ୍ବୋଧିତ କରିଛନ୍ତି । କରୋନା ଯୋଦ୍ଧାଙ୍କ ସମର୍ପିତ ସେବାର ଭୂୟସୀ ପ୍ରଂଶସା କରିଛନ୍ତି ପ୍ରଧାନମନ୍ତ୍ରୀ । ଦେଶକୁ ସମ୍ବୋଧିତ କରି ମୋଦୀ କହିଛନ୍ତି ଯେ, ପୂର୍ବ ଥର ଯେବେ ମନତ କି ବାତ୍ କହିଥିଲି, ସେବେ ଟ୍ରେନ୍, ବସ୍ ବିମାନ ବନ୍ଦ ଥିବା ବେଳେ ଏବେ ବହୁତ କିଛି ଖୋଲିସାରିଲାଣି । ଶ୍ରମିକମାନଙ୍କ ପାଇଁ ସ୍ୱତନ୍ତ୍ର ଟ୍ରେନ୍ ଚାଲୁଛି । ଅନେକ କଟକଣା ସହ ବିମାନ ଓ ଶିଳ୍ପ କାରଖାନା ଗୁଡିକ ଆରମ୍ଭ ହୋଇଛି । ଅର୍ଥବ୍ୟବସ୍ଥାର ଏକ ବଡ ଅଂଶ ମଧ୍ୟ ଖୋଲିସାରିଛି । ଏଥିପାଇଁ ଆମକୁ ଏବେ ଅଧିକ ସତର୍କ ରହିବାକୁ ପଡିବ ।’

ଏହା ସହ ମୋଦୀ କହିଛନ୍ତି ଯେ, ‘ଦୁଃଖରୁ ମୁକ୍ତିର ବାଟ ହେଉଛି ସେବା କରିବା । ବିଶ୍ୱରେ ଯେଉଁ ବେଗରେ କରୋନା ବ୍ୟାପିଛି, ଭାରତରେ ତାହା ହୋଇନାହିଁ । ମାସ୍କ ପିନ୍ଧିବା ସହ ସାମାଜିକ ଦୂରତା ରକ୍ଷା କଲେ ହିଁ ଆମେ କରୋନାକୁ ହରାଇପାରିବା । ଦେଶର ଅର୍ଥ ବ୍ୟବସ୍ଥା ଧୀରେ ଧୀରେ ସ୍ୱାଭାବିକ ହେଉଛି । କରୋନା ଲଢେଇ ସମୟରେ ଅନେକ ପ୍ରତିବନ୍ଧକ ଆସିଛି । କରୋନା ସଙ୍କଟର ପ୍ରଭାବ ଶ୍ରମିକମାନଙ୍କ ଉପରେ ସବୁଠୁ ବେଶୀ ପଡିଛି । ଆତ୍ମନିର୍ଭର ଭାରତ ଗଠନ ପାଇଁ ବିଭିନ୍ନ ସ୍ତରରେ ଉଦ୍ୟମ ଆରମ୍ଭ ହୋଇଛି । ଯୋଗ ଦ୍ଵାରା ଶରୀରର ଶ୍ୱସନ ବ୍ୟବସ୍ଥାକୁ ନିରୋଗ କରିହେବ । ଦିନରାତି କାର୍ଯ୍ୟରତ ରେଳ କର୍ମଚାରୀ ମଧ୍ୟ ଅଗ୍ରଣୀ କୋରୋନା ଯୋଦ୍ଧା । ଲୋକେ ସ୍ବଦେଶୀ ବ୍ୟବହାର କରି ମେକ୍ ଇନ୍‌ ଇଣ୍ଡିଆକୁ ଉତ୍ସାହ ଦେଉଛନ୍ତି । ଡାକ୍ତର, ନର୍ସ, ସ୍ବାସ୍ଥ୍ୟ କର୍ମଚାରୀଙ୍କୁ କୃତଜ୍ଞତା ଜଣାଇଲେ ମୋଦି । ଦେଶର କୋଟିଏରୁ ଅଧିକ ପରିବାର ଆୟୁଷ୍ମାନ ଭାରତରେ ଯୋଡ଼ି ହୋଇଛନ୍ତି । ଆୟୁଷ୍ମାନ ଭାରତ ହିତାଧିକାରୀଙ୍କ ମଧ୍ୟରୁ ୮୦% ପରିବାର ଗ୍ରାମାଞ୍ଚଳର ରହିଛନ୍ତି ।’

Get real time updates directly on you device, subscribe now.