ସମୁଦ୍ର ମଝିରେ ସ୍ୱାମୀଙ୍କ ସହିତ ପ୍ରିୟଙ୍କା ଚୋପ୍ରା: ରୋମାଣ୍ଟିକ ତରିକାରେ ପାଳିଲେ ନୂଆବର୍ଷ, ଦେଖନ୍ତୁ ଫଟୋ

ମୁମ୍ବାଇ: ବିବାହ ପରେ ବଲିଉଡରୁ ଦୂରେଇ ଯାଇଥିବା ପ୍ରିୟଙ୍କା ଚୋପ୍ରା ପୁଣି ଥରେ ଚର୍ଚ୍ଚାରେ ରହିଛନ୍ତି । ତେବେ ନିୟମିତ ଭାବରେ ସୋସିଆଲ ମିଡିଆରେ ଆକ୍ଟିଭ ରହୁଥିବା ପ୍ରିୟଙ୍କାଙ୍କ ଗୋଟିଏ ଫଟୋ ଏବେ ବେଶ ଭାଇରାଲ ହେବାରେ ଲାଗିଛି । ପ୍ରିୟଙ୍କା ନିଜ ସ୍ୱାମୀ ନିକ୍ ଜୋନାସଙ୍କ ସହିତ ନିଆରା ଅନ୍ଦାଜରେ ମନାଇଛନ୍ତି ନୂଆବର୍ଷ । ସମୁଦ୍ର ମଧ୍ୟରେ ସମ୍ପୂର୍ଣ୍ଣ ରୋମାଣ୍ଟିକ ଅନ୍ଦାଜରେ ନୂଆ ବର୍ଷ ମନାଇଥିବା ବେଳେ ଫଟୋ ମଧ୍ୟ ଶେୟାର କରିଛନ୍ତି । ନିକଟରେ ମ୍ୟାଟ୍ରିକ୍ସର ଶୁଟିଂ ସାରିଥିବା ବେଳେ ରିଲାକ୍ସ ନଜର ଆସୁଛନ୍ତି ପ୍ରିୟଙ୍କା ।

ସମୁଦ୍ର ମଝିରେ ଏକ ବୋଟରେ ଏହି ଦମ୍ପତ୍ତି ସମ୍ପୂର୍ଣ୍ଣ ରୋମାଣ୍ଟିକ ଅନ୍ଦାଜରେ ବସିଥିଲେ । ନିକଙ୍କ କୋଳରେ ମୁଣ୍ଡ ରଖି ପ୍ରିୟଙ୍କା ଶୋଇଥିବା ବେଳେ ଆଉ ଏକ ଫଟୋରେ ଏକ ପ୍ରିୟଙ୍କା ମେରୁନ୍ ବିକିନିରେ ନଜର ଆସିଛନ୍ତି । ମ୍ୟାଟ୍ରିକ୍ସ-ଦ ରିସରେକ୍ସନ ଡିସେମ୍ବର ୧୬ ତାରିଖରେ ରିଲିଜ ହୋଇଥିବା ବେଳେ ପ୍ରିୟଙ୍କା ଅଭିନୟକୁ ସମସ୍ତେ ପ୍ରଶଂସା କରିଛନ୍ତି । ତେବେ କୋଭିଡ କାରଣରୁ ବକ୍ସ ଅଫିସରେ ଫିଲ୍ମ ଏତେଟା ସଫଳ ହୋଇନାହିଁ ।