ଶ୍ରୀମନ୍ଦିର ପ୍ରଶାସନକୁ ଜମି ହସ୍ତାନ୍ତର କଲେ ରାଜ୍ୟ ସରକାର
ପୁରୀ,୫ ।୨(ଓଡିଶା ଭାସ୍କର): ଶ୍ରୀମନ୍ଦିର ଚାରିପଟୁ ୭୫ ମିଟର ଜମି ଉଚ୍ଛେଦ ପ୍ରସଙ୍ଗରେ ଅଧିଗ୍ରହଣ ହୋଇଥିବା ଜମିକୁ ଆଜି ଶ୍ରୀମନ୍ଦିର ପ୍ରଶାସନକୁ ଦେଇଛନ୍ତି ରାଜ୍ୟ ସରକାର । ଉଚ୍ଛେଦ ଜମିର ମାଲିକାନା ଏବେ ଶ୍ରୀମନ୍ଦିର ପ୍ରଶାସନ ହାତରେ ରହିବ । ପରିଚାଳନା କମିଟି ବୈଠକ ପରେ ଏନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକ ସୂଚନା ଦେଇଛନ୍ତି ।
ସେ କହିଛନ୍ତି ଯେ, ‘ଶ୍ରୀମନ୍ଦିର ସମସ୍ତ ପର୍ବର ଚିଠା ବିଧାନସଭାର ଅନୁମୋଦନ ପାଇଁ ପଠାଯିବ । ଗଜପତିଙ୍କ ଦସ୍ତଖତରେ ଏହି ଚିଠା ପଠାଯିବ ।’ ଏହା ସହ ଘରୋଇ ବ୍ୟାଙ୍କରେ ଶ୍ରୀମନ୍ଦିର ଟଙ୍କା ରଖିବା ପ୍ରସଙ୍ଗରେ ମୁଖ୍ୟ ପ୍ରଶାସକ ନିଜର ପ୍ରତିକ୍ରିୟା ପ୍ରକାଶ କରି କହିଛନ୍ତି ଯେ, ଏବେ ହୁଣ୍ଡି ଟଙ୍କା ସରକାରୀ ବ୍ୟାଙ୍କରେ ରଖାଯିବ ।’
