ଅନଲାଇନରେ ଘୁରିବୁଲିଲାଣି ‘ପୁଷ୍ପା-୨’ ଦେଖିବା ମାତ୍ରକେ ଡାଉନଲୋଡ୍ କରିପକାଉଛନ୍ତି…. ବକ୍ସଅଫିସ କଲେକ୍ସନରେ ପଡ଼ିବ କି ପ୍ରଭାବ!

ନୂଆଦିଲ୍ଲୀ: ରିଲିଜ୍ର କେଇଟା ଘଣ୍ଟା ପରେ ଅନଲାଇନରେ ଲିକ୍ ହୋଇଯାଇଛି ବହୁ ପ୍ରତିକ୍ଷୀତ ପାନ୍ ଇଣ୍ଡିଆନ୍ ଫିଲ୍ମ ପୁଷ୍ପା-୨ ଦ ରୁଲ୍ । ଫିଲ୍ମଟି ଆଜି ବେଶ୍ ଧମାକେଦାର୍ ଅନ୍ଦାଜରେ ରିଲିଜ୍ ହୋଇଛି । କିନ୍ତୁ ରିଲିଜ ହେବାର କିଛି ସମୟ ଭିତରେ ଫିଲ୍ମଟି ପାଇରେସିର ଶିକାର ହୋଇଛି । ଯାହାଫଳରେ ୩ଘଣ୍ଟା ୧୫ ମିନିଟର ଏହି ଫିଲ୍ମ ଏବେ ଅନଲାଇନରେ ଘୁରିବୁଲିବା ଆରମ୍ଭ କଲାଣି । ଫିଲ୍ମକୁ ଏବେ ଅଲଗା ଅଲଗା ଭାଷାରେ ବି ଡାଉନଲୋଡ୍ କରାଯାଇପାରିବ ।

ଗୋଟିଏପଟେ ଫିଲ୍ମ ଟିକେଟ ଆକାଶଛୁଆଁ ହୋଇଥିବାବେଳେ ଏବେ ବିଭିନ୍ନ ସାଇଟରେ ଏହି ଫିଲ୍ମଟି ବୁଲିବା ଆରମ୍ଭ କଲାଣି । ଅନଲାଇନରେ ଯାହାକୁ ଫିଲ୍ମ ମିଳିଯାଉଛି ସେ ତୁରନ୍ତ ତାକୁ ଡାଉନ ଲୋଡ୍ କରିଦେଉଛି ନଚେତ୍ ଶେୟାର କରିବାର ମଉକା ଛାଡ଼ୁନି । ଟ୍ରେଡ୍ ଏକ୍ସପର୍ଟଙ୍କ ମତରେ ଫିଲ୍ମର ଅନଲାଇନ୍ ଲିକ୍ ଉପରେ ଏହାର କୌଣସି ପ୍ରଅଭାବ ପଡ଼ିବ ନାହିଁ । ଫିଲ୍ମ ରିଲିଜ ପୂର୍ବରୁ ଫିଲ୍ମ କୋଟି କୋଟି ଟଙ୍କା ରୋଜଗାର କରିସାରିଛି । ଫିଲ୍ମ ରିଲିଜର ପ୍ରଥମ ସପ୍ତାହ ଅଧିକ ଗୁରୁତ୍ୱପୂର୍ଣ୍ଣ । ଦର୍ଶକଙ୍କ ରେସ୍ପନ୍ସ ମୁତାବକ ଅନଲାଇନ୍ ଲିକ୍ର କୌଣସି ପ୍ରଭାବ ଫିଲ୍ମ ଉପରେ ପଡ଼ିବ ନାହିଁ ।