ରମାଦେବୀ କଲେଜରେ ରାଗିଂ : ଗଣଶିକ୍ଷା ବିଭାଗ ଘଟଣାର ତଦନ୍ତ କରୁଛି
ଭୁବନେଶ୍ୱର : ଓଡ଼ିଶାର ରାଜଧାନୀରେ ଥିବା ରମାଦେବୀ ଜୁନିୟର କଲେଜରେ ଜଣେ ଛାତ୍ରୀଙ୍କୁ ରାଗିଂ କରିବାର ଅଭିଯୋଗ ଆସିଛି । ଯୁକ୍ତ ଦୁଇର ପ୍ରଥମ ବର୍ଷର ଛାତ୍ରୀ ଏନେଇ ଅଭିଯୋଗ ଆଣିଛନ୍ତି ।
ସୂଚନା ଅନୁସାରେ, ରମାଦେବୀ କଲେଜରେ ପଢୁଥିବା ଯୁକ୍ତ ଦୁଇ ପ୍ରଥମ ବର୍ଷର ଛାତ୍ରୀ ଜଣକ କଲେଜରେ ରାଗିଂ ହୋଇଥିବାର ଅଭିଯୋଗ ଆଣିଛନ୍ତି । ଏହା ବ୍ୟତୀତ ସେ କହିଛନ୍ତି ଯେ, ରାଗିଂ ବିଷୟ ନେଇ ଚାତ୍ରୀ ଜଣକ ପ୍ରଥମେ କଲେଜ କର୍ତ୍ତୃପକ୍ଷଙ୍କୁ ଜଣାଇଥିଲେ । କିନ୍ତୁ ଏହାକୁ ଗୁରୁତ୍ୱ ଦେଇନଥିଲା କିମ୍ବା କୌଣସି କାର୍ଯ୍ୟାନୁଷ୍ଠାନ ନେଇନଥିଲେ । ତେବେ ଏହାପରେ ଛାତ୍ରୀ ଜଣକ ଗଣଶିକ୍ଷା ବିଭାଗକୁ ଏ ସମସ୍ତ ବିଷୟରେ ଜଣାଇଥିଲେ ।
ଏ ସମସ୍ତ ବିଷୟ ଜାଣିବା ପରେ ଗଣଶିକ୍ଷା ବିଭାଗ ଘଟଣାର ତଦନ୍ତ ନିର୍ଦ୍ଦେଶ ଦେଇଛି । ଗଣଶିକ୍ଷା ବିଭାଗ ଘଟଣାର ତଦନ୍ତ ପାଇଁ ଉଚ୍ଚ ମାଧ୍ୟମିକ ଶିକ୍ଷାକୁ ନିର୍ଦ୍ଦେଶ ଦେଇଛନ୍ତି ।
