କଂଗ୍ରେସ ଛାଡିବା ଉପରେ ରାହୁଲ ଗାନ୍ଧୀଙ୍କ ଟାର୍ଗେଟ, କହିଲେ-‘ଡରୁଥିବା ଲୋକେ ବିଜେପିକୁ ଯିବେ’
ନୂଆଦିଲ୍ଲୀ: ଜଣଙ୍କ ପରେ ଜଣେ କଂଗ୍ରେସର ବରିଷ୍ଠ ନେତା ବିଜେପିରେ ସାମିଲ ହେବାରେ ଲାଗିଛନ୍ତି । ନିକଟରେ କଂଗ୍ରେସ ଛାଡି ବିଜେପିରେ ସାମିଲ ହୋଇଥିବା ନେତାଙ୍କୁ ମୋଦୀ କ୍ୟାବିନେଟରେ ସାମିଲ କରିବା ପରେ ରାଜନୀତି ଜୋର୍ ଧରିଛି । ଏହାରି ମଧ୍ୟରେ ଦଳ ଛାଡୁଥିବା ନେତାଙ୍କୁ କଂଗ୍ରେସ ନେତା ରାହୁଲ ଗାନ୍ଧୀ ଟାର୍ଗେଟ କରିଛନ୍ତି । ଡରୁଥିବା ଲୋକ ହିଁ ବିଜେପିକୁ ଯିବେ ବୋଲି ସୋସିଆଲ ମିଡିଆ କାର୍ଯ୍ୟକର୍ତ୍ତାଙ୍କୁ ଏକ ବୈଠକରେ କହିଛନ୍ତି ରାହୁଲ । ଶୁକ୍ରବାର ଭର୍ଚୁଆଲ ବୈଠକରେ ୱାୟନାଡ଼ ସାଂସଦ କହିଛନ୍ତି ଯେ, ‘ଡରୁଥିବା ଲୋକେ ବିଜେପିକୁ ଯିବେ । ବିଜେପି ଡର ଦେଖାଇ ନେତାଙ୍କୁ ନିଜ ଦଳକୁ ନେଉଛି ।’
ସୂତ୍ର ହିସାବରେ ରାହୁଲ ପୁଣି ଥରେ ଜ୍ୟୋତିରାଦିତ୍ୟ ସିନ୍ଧିଆଙ୍କ ଉପରେ ଟାର୍ଗେଟ କରି କହିଛନ୍ତି ଯେ, ‘ସିନ୍ଧିଆ ଡରିଗଲେ ବୋଲି ଆରଏସଏସର ହୋଇଗଲେ । ସିନ୍ଧିଆ ଡରିଗଲେ କି ବିଜେପି ମୋର ମଣ୍ଡଳ ନେଇଯିବ, ଘର ନେଇଯିବ, ସେଥିପାଇଁ ସେ ବିଜେପିରେ ସାମିଲ ହୋଇଗଲେ । ଯେଉଁମାନେ ଡରିଗଲେ ସେମାନେ ବିଜେପିକୁ ଚାଲିଯିବେ, କିନ୍ତୁ ଯେଉଁମାନେ ନଡରିବେ ସେମାନେ କଂଗ୍ରେସରେ ରହିବେ ।
ତେବେ ସିନ୍ଧିଆଙ୍କ ବ୍ୟତୀତ ଜିତିନ ପ୍ରସାଦ କଂଗ୍ରେସକୁ ଛାଡି ବିଜେପିରେ ସାମିଲ ହୋଇଥିଲେ । ରାହୁଲ କହିଥିଲେ କି, ଆମକୁ ଡରୁ ନଥିବା ଲୋକେ ଦରକାର । ଯେଉଁମାନେ ଭୟ କରୁଛନ୍ତି ସେମାନଙ୍କୁ କୁହ, ‘ଯାଅ ଚାଲିଯାଅ, ଦରକାର ନାହିଁ । ଅନ୍ୟଦଳରେ ଯେଉଁମାନେ ଡରୁ ନାହାନ୍ତି, ସେମାନେ ଆମର, ସେମାନଙ୍କୁ ଆଣ ବୋଲି ରାହୁଲ କହିଛନ୍ତି ।
कांग्रेस नेता @RahulGandhi ने कहा ,"हमें निडर लोग चाहिए. जो डर रहे हैं उन्हें कहो, "जाओ भागो, नहीं चाहिए."
राहुल ने कहा कि दूसरी पार्टी में जो निडर लोग हैं, वो हमारे हैं. उन्हें ले कर आओ. pic.twitter.com/S6Xevu5g1E
— Arun Kumar Singh (@arunsingh4775) July 16, 2021
