ରାଇନା କରିବେ ଜବରଦସ୍ତ କମବ୍ୟାକ: ଅନସୋଲ୍ଡ ରହିବା ପରେ ଏହି ଭୂମିକାରେ ନଜର ଆସିବେ ମିଷ୍ଟର IPL
ନୂଆଦିଲ୍ଳୀ: IPL ୨୦୨୨ ମେଗା ଅକ୍ସନରେ ଅନସୋଲ୍ଡ ରହିବା ପରେ ରାଇନାଙ୍କୁ ନେଇ ଚାଲିଛି ଆଲୋଚନା । ମିଷ୍ଟର IPL ଆଖ୍ୟା ପାଇଥିବା ରାଇନା ଯେ ଦିନେ ଏହି ଟୁର୍ଣ୍ଣାମେଣ୍ଟରେ ସ୍ଥାନ ପାଇବେନି ତାହା କେହି ବିଶ୍ୱାସ କରି ପାରୁନାହାନ୍ତି । ସେପଟେ ଚଳିତ ସିଜନରେ ତାଙ୍କୁ ପୁଣି ଖରେ ଦେଖିବା ପାଇଁ ଅପେକ୍ଷା କରି ରହିଛନ୍ତି ତାଙ୍କ ପ୍ରଶଂସକ । ତେବେ ଏହି ସମୟରେ ଏକ ଖୁସି ଖବର ଆସିଛି ରାଇନାଙ୍କ କ୍ୟାରିୟରକୁ ନେଇ । ଚଳିତ ସିଜନରେ ଫେରିବେ ମିଷ୍ଟର IPL । କିନ୍ତୁ ଆଉ ଏକ ନୂଆ ରୂପ ଏବଂ ନୂଆ ପରିଚୟରେ । ଟୁର୍ଣ୍ଣାମେଣ୍ଟରେ ସେ କମେଣ୍ଟ୍ରି କରୁଥିବାର ନଜର ଆସି ପାରନ୍ତି ।
ଚେନ୍ନାଇ ସୁପର କିଙ୍ଗସର ପୂର୍ବତନ ସୁପରଷ୍ଟାର ସୁରେଶ ରାଇନା ଚଳିତ ସିଜନ ପାଇଁ ଅନସୋଲ୍ଡ ରହିଛନ୍ତି । ତେଣୁ ଫ୍ୟାନ୍ସମାନେ ଅସନ୍ତୋଷ ପ୍ରକାଶ କରିଥିଲେ ଏବଂ ପୁଣି ଥରେ ତାଙ୍କୁ ଦଳରେ ସାମିଲ କରାଇବାକୁ ଦାବି କରିଥିଲେ । କିନ୍ତୁ ଅନେକ ଖେଳାଳି ବିଭିନ୍ନ କାରଣ ପାଇଁ ଦଳରୁ ବାଦ ପଡିଥିଲେ ମଧ୍ୟ ରାଇନାଙ୍କୁ କେହି ନିଜର କରି ନାହାନ୍ତି । ତେବେ ପ୍ରଶଂସକଙ୍କ ଦାବିକୁ ସମ୍ମାନ ଜଣାଇ ରାଇନାଙ୍କୁ କମବ୍ୟାକ କରାଇଛି ବିସିସିଆଇ । ଜଣେ କମେଣ୍ଟ୍ରେଟର ଭାବରେ ଟୁର୍ଣ୍ଣାମେଣ୍ଟରେ ଭାଗ ନେବେ ମିଷ୍ଟର IPL । କେବଳ ରାଇନା ନୁହେଁ, ଭାରତର ପୂର୍ବତନ କୋଚ ରବି ଶାସ୍ତ୍ରୀ ମଧ୍ୟ ଏହି ସିଜନରେ କମବ୍ୟାକ କରିବାକୁ ଯାଉଛନ୍ତି । ଭାରତୀୟ ଦଳର କୋଚ ପଦରୁ ଇସ୍ତଫା ଦେବା ପରେ ଏବେ IPL ରେ କମେଣ୍ଟ୍ରି କରି ପାରିବେ ରବି ଶାସ୍ତ୍ରୀ ।
