କେନ୍ଦ୍ରର ବଡ଼ ନିଷ୍ପତ୍ତି: ମାଗଣା ରାସନକୁ ନେଇ ସାରାଦେଶରେ ନୂଆ ନିୟମ ଲାଗୁ!

ନୂଆଦିଲ୍ଲୀ: ରାସନ କାର୍ଡଧାରୀଙ୍କ ପାଇଁ ଆସିଛି ବଡ଼ ଖୁସିଖବର । କେନ୍ଦ୍ର ସରକାର ରାସନ ନିୟମରେ ବଡ଼ ପରିବର୍ତ୍ତନ କରିଛନ୍ତି, ଯାହାର ଫାଇଦା କୋଟି କୋଟି ହିତାଧିକାରୀଙ୍କୁ ମିଳିବ । ସାରା ଦେଶରେ ମାଗଣା ରାସନ ଯୋଗାଇବା ସହ ସରକାର ପୋର୍ଟେବଲ୍ ରାସନ କାର୍ଡର ସୁବିଧା ମଧ୍ୟ ଆରମ୍ଭ କରିଛନ୍ତି । ଏହି ସୁବିଧା ବର୍ତ୍ତମାନ ଅନେକ ରାଜ୍ୟରେ ଆରମ୍ଭ ହୋଇଛି, କିନ୍ତୁ ଖୁବ୍ ଶୀଘ୍ର ଏହାକୁ ସାରା ଦେଶରେ ଆରମ୍ଭ କରିବାକୁ ଯୋଜନା ଚାଲିଛି ।

ପୋର୍ଟେବଲ୍ ରାସନ କାର୍ଡର ସୁବିଧା ଲାଗୁ ହେବା ପରେ ଆପଣ ଦେଶର ଯେକୌଣସି ସ୍ଥାନରୁ ସହଜରେ ରାସନର ନେଇପାଇବେ । ଏଥିପାଇଁ ଆପଣଙ୍କୁ କୌଣସି ଅଲଗା କାର୍ଡ କରିବାକୁ ପଡିବ ନାହିଁ । ଏହା ସହିତ ଆପଣଙ୍କୁ ନିଜ ପୁରୁଣା ରାସନ କାର୍ଡରେ ସୁବିଧା ପାଇପାରିବେ ।

କେନ୍ଦ୍ର ସରକାରଙ୍କ ପକ୍ଷରୁ ମାଗଣା ରାସନର ସୁବିଧା ଡିସେମ୍ବର ପର୍ଯ୍ୟନ୍ତ ଦିଆଯିବ । ଜାତୀୟ ଖାଦ୍ୟ ସୁରକ୍ଷା ଅଧିନିୟମ ଅନୁଯାୟୀ ସରକାର ଯୋଗ୍ୟ ହିତାଧିକାରୀଙ୍କୁ ମାସକୁ ଦୁଇଥର ରାସନ କୋଟା ଯୋଗାଉଛନ୍ତି, ଯାହାର ଫାଇଦା ଦେଶର କୋଟି କୋଟି ଲୋକ ଉଠାଉଛନ୍ତି । ଥରେ ରାସନର ବିତରଣ ନିର୍ଦ୍ଧାରିତ ମୂଲ୍ୟରେ କରାଯାଏ ଓ ଦ୍ୱିତୀୟ ଥର ଗରୀବ କଲ୍ୟାଣ ଅନ୍ନ ଯୋଜନା ଅଧିନରେ ମାଗଣା ଯୋଗାଇଦିଆଯାଏ ।

ପିଏମ ଗରିବ କଲ୍ୟାଣ ଅନ୍ନ ଯୋଜନା ଅଧୀନରେ ମାଗଣା ରାସନ ସୁବିଧା ଯୋଗାଇ ଦିଆଯାଇଛି । ଏଥିରେ ଗହମ ଏବଂ ଚାଉଳ ବ୍ୟତୀତ ତେଲ, ଲୁଣ ଏବଂ ଚିନି ମଧ୍ୟ ଅନେକ ରାଜ୍ୟରେ ଦିଆଯାଉଛି । ଏହା ସହିତ ଅନେକ ରାଜ୍ୟରେ ୧୨ କିଲୋଗ୍ରାମ ଅଟା ଏବଂ ୫୦୦ ଗ୍ରାମ ଚିନି ମଧ୍ୟ ଦିଆଯାଉଛି ବୋଲି ସୂଚନା ରହିଛି ।

Get real time updates directly on you device, subscribe now.