Raksha Bandhan 2023 : ରାକ୍ଷୀର ୩ଟି ଗଣ୍ଠି ସହିତ ତ୍ରିଦେବଙ୍କର କ’ଣ ରହିଛି ସମ୍ପର୍କ, ଜାଣନ୍ତୁ
ରକ୍ଷାବନ୍ଧନ ହେଉଛି ଭାଇ ଓ ଭଉଣୀଙ୍କ ମଧ୍ୟରେ ଥିବା ପବିତ୍ର ସମ୍ପର୍କର ସବୁଠାରୁ ବଡ ପର୍ବ । ଏହି ଦିନ ଭଉଣୀମାନେ ନିଜ ଭାଇଙ୍କ ହାତରେ ରାକ୍ଷୀ ବାନ୍ଧି ତାଙ୍କର ସୁଖମୟ ଜୀବନ କାମନା କରନ୍ତି । ଭାଇ ତାଙ୍କ ଭଉଣୀକୁ ତାଙ୍କ ଜୀବନ ରକ୍ଷା କରିବାକୁ ପ୍ରତିଜ୍ଞା କରନ୍ତି । ଏହା ପ୍ରତିବର୍ଷ ଶ୍ରାବଣ ମାସର ଶୁକ୍ଲ ପକ୍ଷର ପୂର୍ଣ୍ଣିମା ଦିନ ପାଳନ କରାଯାଏ । ହିନ୍ଦୁ କ୍ୟାଲେଣ୍ଡର ଅନୁଯାୟୀ, ଚଳିତ ବର୍ଷ ୩୦ ଓ ୩୧ ରେ ଦୁଇ ଦିନ ରକ୍ଷାବନ୍ଧନ ପାଳନ କରିବାକୁ ଦ୍ୱନ୍ଦ୍ୱ ରହିଛି ।
ତେବେ ଚଳିତବର୍ଷ ରାକ୍ଷୀ ପୂର୍ଣ୍ଣିମା ୩୦ ଏବଂ ୩୧ ଅଗଷ୍ଟରେ ପାଳନ କରାଯିବ । ବୈଦିକ ଜ୍ୟୋତିଷ ଶାସ୍ତ୍ର ଅନୁସାରେ ରାକ୍ଷୀ ପୂର୍ଣ୍ଣିମାର ପର୍ବ ସବୁବେଳେ ଭଦ୍ରା କାଳରେ ପାଳନ ହୋଇଥାଏ । ଏହି ବର୍ଷ ଭଦ୍ରା ଛାୟା ରହୁଛି । ହିନ୍ଦୁ ପାଞ୍ଜି ଗଣନା ଅନୁସାରେ ଚଳିତ ବର୍ଷ ଅଗଷ୍ଟ ୩୦ ତାରିଖରେ ଶ୍ରାବଣର ପୂର୍ଣ୍ଣିମା ତିଥି ସହିତ ଭଦ୍ରାକାଳ ମଧ୍ୟ ଆରମ୍ଭ ହୋଇଯାଉଛି । ୩୦ ଅଗଷ୍ଟ ରାତି ୯.୦୨ ମିନିଟ ପର୍ୟ୍ୟନ୍ତ ଏହି ଭଦ୍ରାକାଳ ରହିବ । ଶାସ୍ତ୍ର ଅନୁସାରେ ୩୦ ଅଗଷ୍ଟରେ ରାକ୍ଷୀ ପୂର୍ଣ୍ଣିମା ପାଳନ କରାଯିବ ନାହିଁ । ରାକ୍ଷୀ ସବୁବେଳେ ସଠିକ ସମୟ ଏବଂ ଠିକ ମୁହୂର୍ତ୍ତରେ ବାନ୍ଧିବା ଶୁଭ ହୋଇଥାଏ । ତେବେ ରାକ୍ଷୀ ବାନ୍ଧିବା ପାଇଁ ଶ୍ରାବଣର ମଧ୍ୟାହ୍ନ ସମୟ ସବୁଠାରୁ ଉଚିତ୍ ହୋଇଥାଏ ବା ଶୁଭ ବୋଲି କୁହାଯାଏ । କିନ୍ତୁ ଏହି ବର୍ଷ ଭଦ୍ରାକାଳ ରହୁଥିବାରୁ ଏହି ଦିନ ସାରା ଶୁଭ ସମୟ ନାହିଁ, ତେଣୁ ରାତି ୯.୦୨ ମିନିଟ ପରେ ଭାଈଙ୍କ ହାତରେ ଭଉଣୀମାନେ ରାକ୍ଷୀ ବାନ୍ଧି ପାରିବେ ।
ରାକ୍ଷୀରେ ତିନୋଟି ଗଣ୍ଠି ବାନ୍ଧିବାର ମହତ୍ତ୍ୱ :-
ରକ୍ଷାବନ୍ଧନ ଦିନ ଯେତେବେଳେ ଭଉଣୀ ତାଙ୍କ ଭାଇଙ୍କ ହାତରେ ରାକ୍ଷୀ ବାନ୍ଧିଥାଏ, ସେତେବେଳେ ସେ ରକ୍ଷା ସୂତ୍ର ଉପରେ ତିନୋଟି ଗଣ୍ଠି କରନ୍ତି ।ଧାର୍ମିକ ବିଶ୍ୱାସ ଅନୁଯାୟୀ, ରାକ୍ଷୀ ବାନ୍ଧିବାବେଳେ ତିନୋଟି ଗଣ୍ଠି ବାନ୍ଧିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ । କାରଣ ତିନୋଟି ଗଣ୍ଠି ତ୍ରିଦେବ ଯଥା ବ୍ରହ୍ମା, ବିଷ୍ଣୁ ଏବଂ ମହେଶ ସହିତ ଜଡିତ ।
ରାକ୍ଷୀର ପ୍ରଥମ ଗଣ୍ଠି :-
ରାକ୍ଷୀର ପ୍ରଥମ ଗଣ୍ଠି ଭାଇଙ୍କ ଜୀବନ ପାଇଁ ବନ୍ଧାଯାଏ । କୁହାଯାଏ ଭାଇଙ୍କ ଆୟୁ ଲମ୍ବା ହୋଇଥାଏ ।
ରାକ୍ଷୀର ଦ୍ୱିତୀୟ ଗଣ୍ଠି :-
ରାକ୍ଷୀର ଦ୍ୱିତୀୟ ଗଣ୍ଠି ଭଉଣୀର ଦୀର୍ଘ ଜୀବନ ପାଇଁ ବିବେଚନା କରାଯାଏ । ଏହା ଏକ ବିଶ୍ୱାସ ଯେ, ଯେତେବେଳେ ଭଉଣୀମାନେ ଭାଇକୁ ରାକ୍ଷୀ ବାନ୍ଧନ୍ତି, ସେତେବେଳେ ରାକ୍ଷୀର ଦ୍ୱିତୀୟ ଗଣ୍ଠି ନିଜ ବୟସ ପାଇଁ ବିବେଚନା କରାଯାଏ । ଏହା ସହିତ ତ୍ରିଦେବଙ୍କ କୃପା ମଧ୍ୟ ମିଳିଥାଏ ।
ରାକ୍ଷୀର ତୃତୀୟ ଗଣ୍ଠି :-
ରାଖୀର ତୃତୀୟ ଗଣ୍ଠି ଭାଇ ଏବଂ ଭଉଣୀଙ୍କ ମଧ୍ୟରେ ମଧୁରତା ଏବଂ ସୁରକ୍ଷା ଆଣିବ ବୋଲି ବିଶ୍ୱାସ କରାଯାଏ । ଏହା ଉଭୟଙ୍କ ପବିତ୍ର ସମ୍ପର୍କକୁ ମଜଭୁତ୍ ରଖେ ।
