ICCର ଘୋଷଣା: ତେନ୍ଦୁଲକର ହେଲେ ଦିନିକିଆ ବିଶ୍ୱକପ ୨୦୨୩ର ଗ୍ଲୋବାଲ ଆମ୍ବାସଡର
ନୂଆଦିଲ୍ଲୀ: ଆସନ୍ତା ୫ ତାରିଖରୁ ଭାରତରେ ଦିନିକିଆ ବିଶ୍ୱକପ ୨୦୨୩ ଶୁଭାରମ୍ଭ ହେବ । ସେଥିପାଇଁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ପକ୍ଷରୁ ସମସ୍ତ ପ୍ରକାରର ପ୍ରସ୍ତୁତି ସରିଛି । ଡିଫେଣ୍ଡିଂ ଚାମ୍ପିୟନ ଇଂଲଣ୍ଡ ଓ ରନର୍ସ ଅପ୍ ନ୍ୟୁଜିଲାଣ୍ଡ ମଧ୍ୟରେ ଉଦଘାଟନୀ ମ୍ୟାଚ ଖେଳାଯିବ । ତେବେ ଏହା ମଧ୍ୟରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲଙ୍କରକୁ ବିଶ୍ୱକପରେ ଏକ ବଡ଼ ଦାୟିତ୍ୱ ମିଳିଛି ।
ସୂଚନା ମୁତାବକ, ଭାରତରେ ଆୟୋଜିତ ହେବାକୁ ଥିବା ଦିନିକିଆ ବିଶ୍ୱକପ ୨୦୨୩ ପାଇଁ ତେନ୍ଦୁଲକରଙ୍କୁ ଗ୍ଲୋବାଲ ଆମ୍ବାସଡର ଭାବେ ଘୋଷଣା କରାଯାଇଛି । ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ପକ୍ଷରୁ ଏନେଇ ଘୋଷଣା କରାଯାଇଛି । ଏ ବାବଦରେ ସଚିନ ନିଜେ ସୂଚନା ଦେଇଛନ୍ତି । ବିଶ୍ୱକୁ ଜିତିବାର ତାଙ୍କର ସ୍ୱପ୍ନ ପୂରଣ ହୋଇଛି ଓ ବିଶ୍ୱକପର ସେହି ଗୌରବମୟ ମୁହୂର୍ତ୍ତକୁ ସେ ଅପେକ୍ଷା କରି ରହିଛନ୍ତି ବୋଲି ସଚିନ କହିଛନ୍ତି ।
ଗତ ୧୯୮୭ ମସିହାଠାରୁ ୨୦୧୧ ମସିହା ପର୍ଯ୍ୟନ୍ତ ସଚିନ ଅନ୍ତର୍ଜାତୀୟ କ୍ରିକେଟରେ ସକ୍ରିୟ ରହିଥିଲେ । ଏହି ଅବସରରେ ସେ ବିଶ୍ୱକପର ୬ଟି ସଂସ୍କରଣରେ ସାମିଲ ରହିଥିଲେ । ଶେଷରେ ୨୦୧୧ ବିଶ୍ୱକପରେ ଭାରତ ବିଶ୍ୱବିଜୟୀ ହୋଇଥିବା ବେଳେ ସେ ବିଶ୍ୱ ଚାମ୍ପିୟନ ଟିମର ଜଣେ ସଦସ୍ୟ ହେବାର ସୌଭାଗ୍ୟ ଲାଭ କରିଥିଲେ । ସଚିନଙ୍କର ଏକାଧିକ ବିଶ୍ୱ କୀର୍ତ୍ତିମାନ ଆଜି ବି ଅତୁଟ ରହିଛି । ଉଭୟ ଦିନିକିଆ ଓ ଟେଷ୍ଟରେ ସର୍ବାଧିକ ଟେଷ୍ଟ ଶତକ, ସର୍ବାଧିକ ରନ୍ ସଚିନଙ୍କ ନାମରେ ରହିଛି ।
Sachin Tendulkar named ICC Global Ambassador for Men’s Cricket World Cup 2023 @ICC announces Indian legend and Bharat Ratna Sachin Tendulkar as the Global Ambassador for the Men’s Cricket World Cup 2023 with just two days to go until the pinnacle event of the one-day game gets… pic.twitter.com/m4pRpldw9y
— DD News (@DDNewslive) October 3, 2023
