ଫିଲ୍ମରେ ଏଣ୍ଟ୍ରୀ ପୂର୍ବରୁ ଫେମସ ହେଲେ ଶାହରୁଖ ଖାନଙ୍କ ଝିଅ, ହେଲେ ଏହି ବ୍ରାଣ୍ଡର ଆମ୍ବାସେଡର
ମୁମ୍ବାଇ: ଶାହରୁଖ ଖାନଙ୍କ ଝିଅ ସୁହାନା ଖାନ ଫିଲ୍ମକୁ ଆସିବା ପୂର୍ବରୁ ସୋସିଆଲ ମିଡିଆରେ ଷ୍ଟାର ହୋଇଯାଇଛନ୍ତି । ଇନଷ୍ଟାଗ୍ରାମରେ ତାଙ୍କ ପ୍ରଶଂସକମାନେ ବହୁତ ଭଲପାଇବା ମଧ୍ୟ ଦେଉଛନ୍ତି । ସେ ଖୁବ ଶିଘ୍ର ଜୋୟା ଅଖତରଙ୍କ ନେଟଫ୍ଲିକ୍ସରେ ରିଲିଜ ଫିଲ୍ମ ‘ଦ ଆର୍ଚୀଜ’ ରେ ବଲିଉଡ ଏଣ୍ଟ୍ରୀ ମାରିବାକୁ ଯାଉଛନ୍ତି । ଯେଉଁଥିରେ ବୋନୀ କପୂରଙ୍କ ଝିଅ ଏବଂ ଅମିତାଭ ବଚନଙ୍କ ନାତୀ ଅଗସ୍ତ୍ୟ ନନ୍ଦା ମଧ୍ୟ ନଜର ଆସିବେ ।
ବର୍ତ୍ତମାନ ସୁହାନା ଖାନଙ୍କୁ ଆକ୍ଟିଙ୍ଗରେ ନିଜର ପ୍ରତିଭା ଦେଖାଇବା ପୂର୍ବରୁ ଏକ ବଡ ମୌକା ମିଳିଛି । ସେ ଫେମସ ବ୍ୟୁଟି ବ୍ରାଣ୍ଡର ଆମ୍ବାସେଡର ହୋଇଯାଇଛନ୍ତି । ତେବେ ୨୨ ବର୍ଷୀୟ ସୁହାନା ନିଜ ସାହସିକ ଶୈଳୀକୁ ସୌନ୍ଦର୍ଯ୍ୟ ସହିତ ଛୋଟ ବୟସରେ ଦେଖାଇବାକୁ କେବେ ବି ପଛଘୁଞ୍ଚା ଦେଇ ନାହାଁନ୍ତି ଏବଂ ସେହି ସମାନ ଘଟଣା ପୁଣି ଥରେ ଦେଖାଦେଇଛି। ନ୍ୟୁୟର୍କ ଭିତ୍ତିକ ସୌନ୍ଦର୍ଯ୍ୟ ବ୍ରାଣ୍ଡର ନୂଆ ଚେହେରା ଭାବରେ ସୁହାନାଙ୍କୁ ନିଆଯାଇଛି। ନିକଟରେ ଏହାର ଏକ ଇଭେଣ୍ଟ ମଧ୍ୟ ହୋଇଥିଲା, ଯାହାର ଫଟୋ ଏବଂ ଭିଡିଓ ଇଣ୍ଟରନେଟରେ ଭାଇରାଲ ହୋଇଛି।
ଏହି ଇଭେଣ୍ଟରେ ସେ ଚାଟ୍କିଲି ଲାଲ୍ ପ୍ୟାଣ୍ଟ ସହିତ ଏକ କ୍ରାପ ଜ୍ୟାକେଟରେ ନଜର ଆସିଥିଲେ। ବିୟୁଟି ବ୍ରାଣ୍ଡର ନୂଆ ଚେହେରା ହୋଇଥିବାରୁ ସେ ଖୁସି ବ୍ୟକ୍ତ କରିଛନ୍ତି। ତାଙ୍କର ଗୋଟିଏ ଝଲକ ପ୍ରଶଂସକଙ୍କୁ ଏତେ ପ୍ରଭାବିତ କରିଥିଲା ଯେ, ସେମାନେ ସୁହାନା ଖାନଙ୍କୁ ବଲିଉଡର ପରବର୍ତ୍ତୀ ଦୀପିକା ପାଦୁକୋନ ବୋଲି କହିଥିଲେ। ବ୍ରାଣ୍ଡର ଏକ ଅଂଶ ହୋଇଥିବାରୁ ପ୍ରଶଂସକମାନେ ସୁହାନା ଖାନଙ୍କୁ ଅଭିନନ୍ଦନ ଜଣାଇଛନ୍ତି। ତାଙ୍କ ଭିଡିଓ ଉପରେ ମନ୍ତବ୍ୟ ଦେଇ ଜଣେ ଉପଭୋକ୍ତା ଲେଖିଛନ୍ତି, ‘ସେ ବହୁତ ସୁନ୍ଦର ଏବଂ ମୁଁ ସୁହାନାଙ୍କୁ ଦେଖି ବହୁତ ଉତ୍ସାହିତ ଅଛି’। ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, ‘ସୁହାନା ଖାନ୍ ହେଉଛନ୍ତି ପରବର୍ତ୍ତୀ ଦୀପିକା ପାଦୁକୋନ୍’।
ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, ‘ସୁନ୍ଦର ସୁହାନା, ତୁମେ ଆଗକୁ ଯାଅ, ଘୃଣାକାରୀଙ୍କୁ ଅଣଦେଖା କର’। ଭିଡିଓ ଉପରେ ମନ୍ତବ୍ୟ ଦେବାବେଳେ କେହି କେହି ତାଙ୍କ କ୍ରସ୍ କହୁଥିବାବେଳେ କେହି ଜଣେ ତାଙ୍କ ଜୀବନ ବିଷୟରେ କହୁଛନ୍ତି। ମଞ୍ଚରେ ସୁହାନା ଖାନ ନିଜର ଖୁସି ବ୍ୟକ୍ତ କରିଥିଲେ ଏବଂ ବ୍ରାଣ୍ଡର ଏକ ଅଂଶ ହେବା ବିଷୟରେ କଥା ହେବା ପରେ ଲୋକମାନେ ତାଙ୍କ ଆତ୍ମବିଶ୍ୱାସକୁ ପ୍ରଶଂସା କରିବା ବନ୍ଦ କରିନଥିଲେ। ନିକଟରେ ସୁହାନା କେକେଆର ମ୍ୟାଚ୍ ପାଇଁ ତାଙ୍କ ପିତାଙ୍କ ସହ କୋଲକାତାରେ ପହଞ୍ଚିଥିଲେ, ଯେଉଁଠାରେ ଅନେକ ଫଟୋ ଇଣ୍ଟରନେଟରେ ଭାଇରାଲ ହୋଇଥିଲା।
