ଏସିଆନ୍ ପାରା ଗେମ୍ସରେ ଅବନୀ ଲେଖରାଙ୍କ ଯାଦୁ: ସୁଟିଂରେ ଜିତିଲେ ସ୍ୱର୍ଣ୍ଣ ପଦକ
ହାଙ୍ଗଜୋ: ଚୀନର ହାଙ୍ଗଜୋରେ ପାରା ଏସିଆନ୍ ଗେମ୍ସ ୨୦୨୩ ଆରମ୍ଭ ହୋଇଛି । ଏହି ବଡ ଇଭେଣ୍ଟରେ ମଧ୍ୟ ଭାରତୀୟଙ୍କ ଉତ୍ସାହ ଦେଖିବାକୁ ମିଳୁଛି । ହାଇ ଜମ୍ପରେ ଶିଲେଶ କୁମାର ସ୍ୱର୍ଣ୍ଣ ପଦକ ଜିତିବା ପରେ ବର୍ତ୍ତମାନ ଅବନୀ ଲେଖରା ମଧ୍ୟ ସୁଟିଂରେ ସ୍ୱର୍ଣ୍ଣ ପଦକ ଜିତିଛନ୍ତି । ସେ ୧୦ ମିଟର ଏୟାର ରାଇଫଲ ଏସଏଚ୧ ରେ ସ୍ୱର୍ଣ୍ଣ ପଦକ ଜିତିଛନ୍ତି ।
ସେ ୨୪୯.୬ ମାର୍କ ସହିତ ଟପରେ ରହିଛନ୍ତି । ଚଳିତ ବର୍ଷର ଏସୀୟ ପାରା ଗେମ୍ସରେ ଏହା ଭାରତର ଚତୁର୍ଥ ସ୍ୱର୍ଣ୍ଣ ପଦକ ଥିଲା । ଭାରତୀୟ ପାରା ଆଥଲେଟମାନେ ୨୦୧୮ ରେ ଇଣ୍ଡୋନେସିଆରେ ଶେଷ ହୋଇଥିବା ଏସିଆନ୍ ପାରା ଗେମ୍ସର ରେକର୍ଡ ଭାଙ୍ଗିବାକୁ ଚାହାଁନ୍ତି । ୨୦୧୮ ରେ ଭାରତ ୭୨ ଟି ପଦକ ଜିତିଥିଲା, ଯେଉଁଥିରେ ୧୫ ଟି ସ୍ୱର୍ଣ୍ଣ, ୨୪ ଟି ରୌପ୍ୟ ଏବଂ ୩୩ ଟି ବ୍ରୋଞ୍ଜ ପଦକ ଥିଲା । ଏଥର ଭାରତ ରେକର୍ଡ ଭାଙ୍ଗିବାକୁ ଏବଂ ଏହାଠାରୁ ଅଧିକ ପଦକ ଆଣିବାକୁ ଚାହୁଁଛି ।