ଫ୍ରୀ କୋଭିଡ୍ ୧୯ ହେଲ୍ପ ଲଞ୍ଚ କଲେ ସୋନୁ
ମୁମ୍ବାଇ, ୨୮ା୪ (ଓଡିଶା ଭାସ୍କର) : ଦେଶରେ କରୋନା ମହାମାରୀ ପ୍ରଥମେ ଆରମ୍ଭ ହେବା ସମୟରେ ଯେତେବେଳେ ଲୋକେ ନିଜ ନିଜ ଘରକୁ ଫେରିପାରୁ ନଥିଲେ । ସେତେବେଳେ ଅଭିନେତା ସୋନୁ ସୁଦ ଲୋକଙ୍କୁ ସେମାନଙ୍କ ଘରେ ପହଞ୍ଚାଇବା ଠାରୁ ଆରମ୍ଭ କରି ସେମାନଙ୍କ ସୁବିଧା ଅସୁବିଧା କଥା ବୁଝିଥିଲେ । ସେବେଠାରୁ ସେ ଏହି କାମ ଜାରି ରଖିଛନ୍ତି । ସୋନୁ ଅନେକଙ୍କ ପାଇଁ ରୋଜଗାରର ବ୍ୟବସ୍ଥା ମଧ୍ୟ କରିଛନ୍ତି । ବର୍ତ୍ତମାନ ପୁଣି ଥରେ କରୋନା ସଙ୍କଟ ଦେଖାଦେଇଛି । ରୋଗୀ ବେଡ୍ ମିଳୁନି କି ଅମ୍ଳଜାନ ମଧ୍ୟ ମିଳିପାରୁନି । ଆଉ ଏହି ସମୟରେ ଲୋକଙ୍କୁ ସାହାଯ୍ୟ କରିବା ପାଇଁ ଆଗେଇ ଆସିଛନ୍ତି ସୋନୁ ସୁଦ । ଏବେ ସେ ଏକ ଫ୍ରୀ କୋଭିଡ୍ ୧୯ ହେଲ୍ପ ଲଞ୍ଚ କରିଛନ୍ତି । ଯାହା ମାଧ୍ୟମରେ ରୋଗୀ ମାନଙ୍କୁ ସିଧାସଳଖ ଡାକ୍ତରଙ୍କ ସହ ଯୋଗାଯୋଗ କରାଇପାରିବେ ଏବଂ ଲୋକେ ମାଗଣା କୋଭିଡ୍ ଟେଷ୍ଟ କରିପାରିବେ ।
You, take REST.
Let me handle the TEST.Launching FREE COVID HELP with @HealWell24 @Krsnaa_D@SoodFoundation pic.twitter.com/TXDEp5jRAc
— sonu sood (@SonuSood) April 27, 2021
ସୋନୁ ନିଜ ଟୁଇଟର୍ ହ୍ୟାଣ୍ଡଲରେ ଏନେଇ ସୁଚନା ଦେଇ କହିଛନ୍ତି ଯେ, ‘ଆପଣ ଆରାମ କରନ୍ତୁ, ମୋତେ ଟେଷ୍ଟିଂ ପ୍ରକ୍ରିୟା ସମ୍ଭାଳିବାକୁ ଦିଅନ୍ତୁ । ଫ୍ରି କୋଭିଡ୍ ହେଲ୍ପ ଲଞ୍ଚ ।‘ ଏହି ଫ୍ରୀ କୋଭିଡ୍ ହେଲ୍ପରେ ସେ ଏକ ନମ୍ବର ଜାରି କରିଛନ୍ତି । ଯେଉଁଥିରେ ଲୋକ ମାନେ ଯୋଗାଯୋଗ କରି ମାଗଣା କୋଭିଡ୍ ଟେଷ୍ଟି କରିପାରିବେ । ଏଥିସହିତ ମାଗଣାରେ ବିଭିନ୍ନ ଡାକ୍ତରଙ୍କ ପରାମର୍ଶ ନେଇପାରିବେ । ଏହି କାର୍ଯ୍ୟ ପାଇଁ ସୋନୁ ଫାଉଣ୍ଡେସନ୍, ହିଲ୍ ୱେଲ୨୪ ଏବଂ କ୍ରସନା ଡାଇଗ୍ନୋଷ୍ଟିକ୍ ଯୋଗ ଦେଇଛନ୍ତି । ଏନେଇ ସେ ଏକ ହ୍ୱାଟସଆପ୍ ନମ୍ବର ଜାରି କରିଛନ୍ତି । ଯେଉଁଥିରେ କୋଭିଡ୍ ସମ୍ପନ୍ଧୀୟ ସମସ୍ତ ତଥ୍ୟ ଉପଲବ୍ଧ ହେବ ।
In the middle of night,after making numerous calls if u r able to get beds for needy, oxygen for some people n save few lives, I swear..it's million times more satisfying than being a part of any 100cr film. We can't sleep when people are infront of hospitals waiting for a bed.
— sonu sood (@SonuSood) April 27, 2021
ଆଉ ଏକ ଟୁଇଟ୍ ରେ ସୋନୁ କହିଛନ୍ତି ଯେ, “ମଧ୍ୟରାତ୍ରିରେ ଅନେକ ଥର କଲ କରିବା ପରେ ଆପଣ ଅଭାବୀ ଲୋକମାନଙ୍କ ପାଇଁ ବେଡ୍ ପାଇବାରେ ସକ୍ଷମ ହୁଅନ୍ତି, ତାପରେ କିଛି ଲୋକଙ୍କ ପାଇଁ ଅମ୍ଳଜାନ ପାଇପାରିବେ, ଯାହା ସେମାନଙ୍କ ଜୀବନ ରକ୍ଷା କରିପାରିବ । ମୁଁ ଶପଥ କରୁଛି ଯେ ୧୦୦ କୋଟି ଫିଲ୍ମର ଅଂଶ ହେବା ଅପେକ୍ଷା ଏହା ଅଧିକ ସନ୍ତୋଷଜନକ । ମୁଁ ଶୋଇପାରିବି ନାହିଁ ଯେପର୍ୟ୍ୟନ୍ତ ଲୋକମାନେ ହସ୍ପିଟାଲ୍ ବାହାରେ ବେଡକୁ ଅପେକ୍ଷା କରୁଥିବେ” ।
