‘ସୁଶାନ୍ତ ଯଦି କରିପାରିଲେ, ମୁଁ କାହିଁକି ନୁହେଁ’ ଲେଖି ଆତ୍ମହତ୍ୟା କଲେ ପ୍ରତିଭାବାନ୍ ଛାତ୍ର

0 1,925

ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ଘଟଣାକୁ ନେଇ ସାରା ଦେଶ ଚକିତ କରିଥିବା ବେଳେ ସେ କାହିଁ ଏପରି କଲେ ବୋଲି ସମସ୍ତଙ୍କ ମନରେ ପ୍ରଶ୍ନ ଉଠୁଛି । ଏବେ ଉତ୍ତରପ୍ରଦେଶ ବରେଲିରେ ପଢୁଥିବା ଜଣେ ଛାତ୍ର ସୁଶାନ୍ତଙ୍କ ମୃତ୍ୟୁର ଖବର ଟିଭିରେ ଦେଖିସାରିବା ପରେ ନିଜକୁ ଫାଶୀରେ ଝୁଲାଇ ଜୀବନ ଦେଇଛନ୍ତି । ଛାତ୍ର ଜଣକ ନିଜର ଆତ୍ମହତ୍ୟା ନୋଟରେ ଲେଖିଛନ୍ତି ଯେ, ‘ଯଦି ସୁଶାନ୍ତ ସିଂ ଆତ୍ମହତ୍ୟା କରିପାରିଲେ, ତ ମୁଁ କାହିଁକି ନୁହେଁ ।’

ତେବେ ଦଶମ ଶ୍ରେଣୀରେ ପଢୁଥିବା ସେହି ଛାତ୍ର ଜଣକ ଆତ୍ମହତ୍ୟା ନୋଟରେ ଏପରି କରିବାର କାରଣ ମଧ୍ୟ ଲେଖିଛନ୍ତି । ମରିବା ପୂର୍ବରୁ ଛାତ୍ର ଜଣକ ଲେଖିଛନ୍ତି ଯେ, ତାଙ୍କୁ ନପୁଂସକ ଭଳି ଲକ୍ଷଣ ଥିଲା ଓ ତାଙ୍କ ମୁଁହ ବା ଚେହେରା ମଧ୍ୟ ଝିଅମାନଙ୍କ ପରି ଥିଲା । ଯେଉଁ କାରଣରୁ ଲୋକମାନେ ତାକୁ ଥଟ୍ଟା ପରିହାସ କରୁଥିଲେ । ଏପରିକି ଛାତ୍ରକୁ ବି ଲାଗୁଥିଲା କି ସେ କିନ୍ନର ବୋଲି । ଏଥିପାଇଁ ଆତ୍ମହତ୍ୟା ବ୍ୟତିତ ଅନ୍ୟ କିଛି ଉପାୟ ନାହିଁ ବୋଲି ଲେଖିବା ପରେ ଛାତ୍ର ଜଣକ ଜୀବନ ହାରିଥିଲେ ।

ଏହା ସହିତ ଛାତ୍ର ଜଣକ ଲେଖିଥିଲେ ଯେ, ‘ଯଦି ଆତ୍ମହତ୍ୟା ନକରିବି , ତେବେ କିନ୍ନର ହେବାର ଲକ୍ଷଣ ଯୋଗୁଁ ବାପାଙ୍କ ଜୀବନରେ ଚନ୍ଦ୍ରଗ୍ରହଣ ଲାଗିଯିବ । ତେଣୁ ମରିବା ଆବଶ୍ୟକ । ଅନ୍ତିମ ସଂସ୍କାରରେ ଯେଉଁମାନେ ମୋତେ ଘୃଣା କରୁଥିବା ଲୋକଙ୍କୁ ଡାକିବା ଦରକାର । ମୋ ମୃତ୍ୟୁ ପାଇଁ କେହି ଦାୟୀ ନୁହଁନ୍ତି ।’ଛାତ୍ର ଜଣକ ଗାୟକ ଥିବା ବେଳେ ସେ ପିଲାମାନଙ୍କୁ କଳା ଶିକ୍ଷାଇବାକୁ ଚାହୁଁଥିଲେ ବୋଲି ନୋଟରେ ଲେଖିଥିଲେ । ପୋଲିସକୁ ଏହି ଆତ୍ମହତ୍ୟାର ଅଭିଯୋଗ ମିଳିବା ପରେ ସେ ତଦନ୍ତ ଜାରି ରଖିଛି । ତେବେ ଆତ୍ମହତ୍ୟା କରିଥିବା ଛାତ୍ରଙ୍କ ବାପା ଏକ ମୋବାଇଲ ମରାମତି ଦୋକାନ ଚଳାଉଥିବା ବେଳେ ବହୁବର୍ଷ ପୂର୍ବରୁ ମାଆଙ୍କର ମୃତ୍ୟୁ ହୋଇସାରିଛି । ପୁଅ ଏତେ ଭଲ ଚିତ୍ର ଆଙ୍କୁଥିଲେ ଯେ ସ୍କୁଲ ଶିକ୍ଷକମାନେ ପ୍ରଶଂସା କରୁଥିଲେ ବୋଲି ଭାବପ୍ରବଣ ହୋଇ ମୃତ ଛାତ୍ରଙ୍କ ପିତା କହିଛନ୍ତି ।

Leave A Reply

Your email address will not be published.