ଜୟ ଶ୍ରୀରାମ କୁହ….ଛାତ୍ରମାନଙ୍କୁ ଏଭଳି କହି ବିବାଦରେ ରାଜ୍ୟପାଳ

ନୂଆଦିଲ୍ଲୀ: ତାମିଲନାଡୁର ରାଜ୍ୟପାଳ ଆର.ଏନ. ରବି ଏବେ ଆଉ ଏକ ବିବାଦରେ ଫସିଛନ୍ତି । ମଦୁରାଇର ଏକ ଘରୋଇ କଲେଜରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇଥିବା ରାଜ୍ୟପାଳ ଛାତ୍ରମାନଙ୍କୁ ‘ଜୟ ଶ୍ରୀ ରାମ’ ସ୍ଲୋଗାନ ଦେଇ ଏକ ବଡ଼ ହଙ୍ଗାମା ସୃଷ୍ଟି କରିଥିଲେ । ବିଲ୍ ଉପରେ ସ୍ଥଗିତାଦେଶ ଲଗାଇବା ପ୍ରସଙ୍ଗରେ ସୁପ୍ରିମକୋର୍ଟଙ୍କ କ୍ରୋଧର ସମ୍ମୁଖୀନ ହୋଇସାରିଥିବା ରବି କହିଛନ୍ତି ଯେ ସେ ଏହି ମାମଲାରେ ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ଅପେକ୍ଷା କରିଛନ୍ତି ।

ଶନିବାର ଦିନ ମାଦୁରାଇ ତ୍ୟାଗରାଜ ଇଞ୍ଜିନିୟରିଂ କଲେଜରେ ‘ଶିକ୍ଷାନୁଷ୍ଠାନରେ କାମ୍ବର’ ଶୀର୍ଷକ ଏକ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ତାମିଲନାଡୁର ରାଜ୍ୟପାଳ ଆର.ଏନ. ରବି ଏକ ସ୍ୱତନ୍ତ୍ର ଅତିଥି ଭାବରେ ଯୋଗ ଦେଇଥିଲେ ଏବଂ ରାଜ୍ୟସ୍ତରୀୟ ବକ୍ତୃତା ପ୍ରତିଯୋଗିତାରେ ବିଜୟୀ ଛାତ୍ରଛାତ୍ରୀମାନଙ୍କୁ ପୁରସ୍କାର ପ୍ରଦାନ କରିଥିଲେ ।

ଏହି କାର୍ଯ୍ୟକ୍ରମରେ ଉଦବୋଧନ ଦେଇ ସେ ତାମିଲ କବି କମ୍ବର ଏବଂ ତାଙ୍କ ରାମାୟଣର ସଂସ୍କରଣ – କାମ୍ବା ରାମାୟଣର ସାଂସ୍କୃତିକ ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ । ସେ କହିଥିଲେ ଯେ କାମ୍ବରକୁ ଭୁଲିଯିବା ଅର୍ଥ ଆମର ସଂସ୍କୃତି ଏବଂ ମୂଲ୍ୟବୋଧକୁ ଭୁଲିଯିବା।

ଯଦି ଆମେ ଭୁଲିଯାଉ, ତେବେ ଏହା ଆମର ସଂସ୍କୃତି ଏବଂ ସାଂସ୍କୃତିକ ମୂଲ୍ୟବୋଧକୁ ଭୁଲିଯିବା ସହିତ ସମାନ । କାମ୍ବର ରାମାୟଣରେ ଆମକୁ ଅନେକ ଭଲ ଜିନିଷ ଶିଖାଇଛନ୍ତି । ବିଶେଷକରି, ସେ ଆମକୁ ମହିଳାମାନଙ୍କୁ ସମ୍ମାନ କରିବାକୁ ଶିଖାଇଛନ୍ତି ।

ତେବେ ‘ଜୟ ଶ୍ରୀରାମ’ ନାରାକୁ ନେଇ ଡିଏମକେ ରାଜ୍ୟପାଳଙ୍କ ଉପରେ ବର୍ଷିଛି । ଧରିଣୀଧରନ କହିଛନ୍ତି, ଆରଏସଏସର ମୁଖପାତ୍ର ଭଳି ବ୍ୟବହାର କରି ରାଜ୍ୟପାଳ ଆର.ଏନ୍ ରବି ବାରମ୍ବାର ସମ୍ବିଧାନର ଧର୍ମ ନିରପେକ୍ଷ ମୂଲ୍ୟବୋଧକୁ ଉଲ୍ଲଘଂନ କରୁଛନ୍ତି । ତେଣୁ ଇସ୍ତଫା ଦେଇଦେବା ଆବଶ୍ୟକ ।