ପହଲଗାମ୍ ହମଲାରେ ସାହସିକତା ଦେଖାଇଲେ ୨ ନାବାଳିକା, ନ ଡରି ପର୍ଯ୍ୟଟକଙ୍କୁ ନିଜ ଘରେ ଦେଲେ ଆଶ୍ରୟ 

ଶ୍ରୀନଗର: ପହଲଗାମ୍  ଆତଙ୍କବରଦୀ ଆକ୍ରମଣର  ଦୃଶ୍ୟ ପ୍ରତ୍ୟେକ ଭାରତୀୟ ମନରେ ଛପିଯାଇଛି ।  ସରକାରଙ୍କଠାରୁ ଆରମ୍ଭ କରି ସାଧାରଣ ନାଗରିକ ଆତଙ୍କବାଦୀଙ୍କଠାରୁ ଏହାର ବଦଲା ନେବା ପାଇଁ ସୁଯୋଗ ଖୋଜୁଛନ୍ତି ।

ହେଲେ ଏ ଭିତରେ ପହଲଗାମ ଆତଙ୍କବାଦୀ ଆକ୍ରମଣରେ ପର୍ଯ୍ୟଟକଙ୍କ ଜୀବନ ବଞ୍ଚାଇଥିବା  କଶ୍ମୀରୀ  ଲୋକଙ୍କ  ସମ୍ପର୍କରେ ଖବର ପ୍ରକାଶ ପାଇବାରେ ଲାଗିଛି ।

ଏବେ ୨ ଭଉଣୀ ସାମ୍ନାକୁ ଆସିଛନ୍ତି, ଯେଉଁମାନେ ୨୨ ତାରିଖ ଦିନ ଅନେକ  ପର୍ଯ୍ୟଟକଙ୍କ ପାଇଁ  ରକ୍ଷକ ଭାବେ କାର୍ଯ୍ୟ କରିଥିଲେ । ଆତଙ୍କବାଦୀମାନେ ଯେତେବେଳେ  ଲଗାତର ଗୁଳି ମାଡ଼ କରିଚାଲିଥଇଲେ, ସେତେବେଳେ  ଲୋକମାନେ ଜୀବନବିକଳରେ ଏଣେତେଣେ ଦୌଡ଼ିବାକୁ ଲାଗିଲେ ।

ଠିକ୍ ଏତିକି ବେଳେ  ପର୍ଯ୍ୟଟକଙ୍କୁ  ଆଶ୍ରୟ ଦେଲେ ଏହି ୨ ନାବାଳିକା ଭଉଣୀ । ରୁବିନା (୧୪) ମୁମତାଜା(୧୬)ତାଙ୍କ କାଦୁଅ ଲିପା ଘରେ  ପର୍ଯ୍ୟଟକଙ୍କୁ ଆଶ୍ରୟ ଦେଇଥିଲେ ।

ମୁମତାଜ ପର୍ଯ୍ୟଟକଙ୍କ ସାଙ୍ଗରେ ଥିବା ଛୋଟ ପିଲାଙ୍କୁ ସୁରକ୍ଷିତ ଭାବେ ନିଜ ସହ ଲୁଚାଇଥିବାବେଳେ  ରୁବିନା ଚେନ୍ନାଇର ଏକ କପୁଲକୁ  ଆଶ୍ରୟ ଦେବା ସହ ଅନେକ ପର୍ଯ୍ୟଟକଙ୍କୁ  ଗାଇଡ୍ ମଧ୍ୟ କରିଥିଲେ ।

ସୁରକ୍ଷିତ ଭାବେ ପର୍ଯ୍ୟଯକଙ୍କୁ ଆଶ୍ରୟ ଦେବା ପରେ  ଆତଙ୍କବାଦୀମାନେ ଚାଲିଯିବା ପରେ  ସେମାନେ ହୋଟେଲକୁ ଫେରିଯାଇଥିଲେ ।  ଗତ ୨୨ ତାରିଖରେ  ପହଲଗାମରେ ପର୍ଯ୍ୟଟକଙ୍କ ଉପରକୁ ଆତଙ୍କବାଦୀ ଆକ୍ରମଣ କରିଥିଲେ ।

ଏହି ଆକ୍ରମଣରେ ୨୬ ଜଣ ପ୍ରାଣ ହରାଇଥିବାବେଳେ  ଗୁରୁତର ଅବସ୍ଥାରେ ଏବେ ବି ଅନେକ ଚିକିତ୍ସିତ ହେଉଛନ୍ତି ।