ମୋଦୀ ସରକାର କୃଷକଙ୍କ ପାଇଁ ଆରମ୍ଭ କଲେ ଏହି ସୁବିଧା, ଏବେ ପୂର୍ବରୁ ସହଜ ହେବ ଏହି କାମ
ନୂଆଦିଲ୍ଲୀ : କୃଷକଙ୍କ ପାଇଁ ଆସିଛି ଖୁସି ଖବର! ସରକର ଏବେ କୃଷକଙ୍କ ପାଇଁ ଏକ ନୂଆ ସୁବିଧା ଆରମ୍ଭ ହୋଇଛି । କେନ୍ଦ୍ରୀୟ କୃଷି ଏବଂ କିସାନ କଲ୍ୟାଣ ରାଜ୍ୟ ମନ୍ତ୍ରୀ କୈଲାଶ ଚୌଧରୀ ମିଶି ପିଏମ କିସାନ ଇ-ମିତ୍ର ଲଞ୍ଚ କରିଛନ୍ତି । ଏଥିରେ କୃଷକଙ୍କୁ ଅନେକ ଫାଇଦା ମିଳିବ । ଏହାକୁ ଲଞ୍ଚ କରିବାରେ କୃଷି ସଚିବ ମନୋଜ ଆହୁଜା ଏବଂ ଅତିରିକ୍ତ କୃଷି ସଚିବ ପ୍ରମୋଦ ମେହରଦାଙ୍କର ମଧ୍ୟ ଉପସ୍ଥିତି ରହିଛି ।
ମେହରଦା କିସାନ ଇ-ମିତ୍ରର ବୈଶିଷ୍ଟ୍ୟ ବିଷୟରେ ବିସ୍ତୃତ କରିଛନ୍ତି । ଏହା ସହିତ କୃଷି ମନ୍ତ୍ରଣାଳୟ ପକ୍ଷରୁ ଦିଆଯାଇଥିବା ବିବୃତ୍ତିରେ କୁହାଯାଇଛି ଯେ, ପିଏମ କିସାନ ଯୋଜନାର ଦକ୍ଷତା ବଢାଇବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଅଟେ । କୃଷକ ମାନଙ୍କୁ ସେମାନଙ୍କର ପ୍ରଶ୍ନର ଶୀଘ୍ର, ସ୍ୱଚ୍ଛ ଏବଂ ସଠିକ ଉତ୍ତର ଦେବ । ଏଆଇ ଚାଟବୋଟକୁ ଗୋଟିଏ ପାଦ ଫାଉଣ୍ଡେସନ ଏବଂ ଭାଷିନୀ ସାହାର୍ଯ୍ୟରେ ବିକଶିତ କରାଯାଇଛି ।
ପିଏମ କିସାନ ଅଭିଯୋଗ ପରିଚାଳନା ବ୍ୟବସ୍ଥାରେ ଏଆଇ ଚାଟବୋଟ ଉପଭୋକ୍ତାଙ୍କୁ ଅନୁକୂଳ ଏବଂ ସୁଳଭ ମଞ୍ଚ ସହ ସଶକ୍ତ କରିବାକୁ ଲକ୍ଷ ରଖିଛି । ପ୍ରଥମେ ଏଆଇ କୃଷକଙ୍କୁ ସେମାନଙ୍କର ଆବେଦନ ସ୍ଥିତି, ଦେୟ ବିବରଣୀ, ଅଯୋଗ୍ୟତା ସ୍ଥତି ଏବଂ ଅନ୍ୟାନ୍ୟ ଯୋଜନା ସମ୍ବନ୍ଧୀୟ ଅପଡେଟ ସୂଚନା ପ୍ରଦାନ କରିବ । ଏହି ଏଆଇ ଚାଟବୋଟଟି ପିଏମ କିସାନ ମୋବାଇଲ ଆପ୍ଲିକେସନ ମାଧ୍ୟମରେ ଉପଲବ୍ଧ ଅଟେ ।
ଏହା କେବଳ ଉନ୍ନତ ଜ୍ଞାନକୌଶଳର ଏକୀକରଣ ସ୍ୱଚ୍ଛତା ବୃଦ୍ଧି କରିବ ନାହିଁ ବରଂ କୃଷକମାନଙ୍କୁ ସୂଚନାପୂର୍ଣ୍ଣ ନିଷ୍ପତି ନେବାରେ ସାହାଯ୍ୟ କରିବ । ସୂଚନାଯୋଗ୍ୟ ଯେ, ଏହି ଚାଟବଟ ବର୍ତ୍ତମାନ କେବଳ ଇଂରାଜୀ, ହିନ୍ଦୀ, ବଙ୍ଗଳା, ଓଡିଆ ଏବଂ ତାମିଲ ଭାହାରେ ଉପଲବ୍ଧ ଅଛି । ଖୁବ ଶୀଘ୍ର ଏଥିରେ ଦେଶର ସମସ୍ତ ଭାଷଅକୁ ଉପଲବ୍ଧ କରାଯିବ ।