Breaking: କଲେଜ ନୁହେଁ ଏବେ ସ୍କୁଲରେ ଚାଲିଛି ରାଗିଂ, ନବମ ପିଲାଙ୍କୁ ଦଶମ ପିଲା ରାଗିଂ ସହ ମାଡ଼ ମାରିଥିବା ଅଭିଯୋଗ

ନୀଳଗିରି: କଲେଜ ପରେ ସ୍କୁଲରେ ରାଗିଂ। ଆପଣମାନେ ତ ଅନେକ ସମୟରେ ଶୁଣିଥିବେ ବା ଦେଖିଥିବେ କଲେଜ ମାନଙ୍କରେ ସିନିୟରମାନେ ଜୁନିୟରମାନଙ୍କୁ ରାଗିଂ କରିବା, ଡରେଇବା, ମାଡ ମାରିବା ଘଟଣା।

ହେଲେ ଏବେ ସ୍କୁଲରୁ ମଧ୍ୟ ଆସିଛି ଏଭଳି କିଛି ଅଭିଯୋଗ। କି ସ୍କୁଲରେ ନବମ ଶ୍ରେଣୀ ଛାତ୍ରଙ୍କୁ ସଂଘବଦ୍ଧ ଭାବରେ ରାଗିଂ ହୋଇଛି। ଏନେଇ ଅଭିଯୋଗ କରିଛନ୍ତି ରାଗିଂର ଶିକାର ହୋଇଥିବା ଛାତ୍ରଙ୍କ ଅଭିଭାବକ।

ଆଉ ଏହି ଘଟଣା ଟି କୌଣସି ବାହାର ରାଜ୍ୟରେ ଘଟିନାହିଁ। ବରଂ ଆମ ଓଡ଼ିଶାର ନୀଳଗିରିରେ ଥିବା ବଣଭୂଇଁ ଆଶ୍ରମ ସ୍କୁଲରେ ଘଟିଛି। ଯେଉଁଠାରେ ପାଖାପାଖି ୨୦ରୁ ଅଧିକ ନବମ ଶ୍ରେଣୀ ପିଲାଙ୍କୁ ଠେଙ୍ଗାରେ ଆକ୍ରମଣ ହୋଇଥିବା ଅଭିଯୋଗ ହୋଇଛି।

ନବମ ପିଲାଙ୍କୁ ଦଶମ ଶ୍ରେଣୀ ପିଲା ସ୍କୁଲରେ ରାଗିଂ କରିବା ସହ ସଂଘବଦ୍ଧ ଆକ୍ରମଣ କରିଥିବା ଅଭିଯୋଗ ହୋଇଛି। ସଫେଇ କାମ ପାଇଁ ମନା କରିବାରୁ ନବମ ଶ୍ରେଣୀ ଛାତ୍ରଙ୍କୁ ମାଡ ମାରିଛନ୍ତି ଦଶମ ଶ୍ରେଣୀ ଛାତ୍ର।

ଏହି ଘଟଣା ଅଭିଭାବକମାନେ ଜାଣି ସାରିବା ପରେ ସ୍କୁଲର ପ୍ରଧାନଶିକ୍ଷୟତ୍ରୀଙ୍କ ନିକଟରେ ଫେରାଦ ଦେଇଥିଲେ। ହେଲେ ଘଟଣା ସମ୍ପର୍କରେ ପ୍ରଧାନଶିକ୍ଷୟତ୍ରୀ ବୁଝିବା ବଦଳରେ ରୋକଠୋକ ଏହି ଅଭିଯୋଗକୁ ଖଣ୍ଡନ କରିଦେଇଥିଲେ।

ପରେ ସ୍କୁଲରେ ଉତ୍ତେଜନା ଦେଖାଦେଇଥିଲା। ଅଭିଯୋଗକୁ ପ୍ରଧାନ ଶିକ୍ଷୟତ୍ରୀଙ୍କ ଖଣ୍ଡନ ପରେ ସ୍କୁଲରେ WEO ପହଞ୍ଚିଥିବା ସୂଚନା। କିଛି ପିଲାଙ୍କୁ ଅଭିଭାବକ ହଷ୍ଟେଲରୁ ନେଇ ଆସିଥିବା ମଧ୍ୟ ସୂଚନା ମିଳିଛି।