ବିବାହରେ ଭଣଜାକୁ ଉପହାର ଦେଲେ ମାମୁଁ ; ୨.୨୧ କୋଟି ନଗଦ କ୍ୟାସ୍, କେଜିଏ ସୁନା ଓ ୧୪ କିଲୋ ଚାନ୍ଦି… ୧୦୦ ବିଗା ଜମି
ନୂଆଦିଲ୍ଲୀ : ବିବାହ ଓ ବ୍ରତଘର ଆଦିରେ ମାମୁଁ ଭଣଜାକୁ ଉପହାର ଦେବାର ପରମ୍ପରା ରହିଛି । ନିଜ ନିଜ ବଳକୁ ଚାହିଁ ମାମୁଁ ଉପହାର ଦେଇଥାଏ । କେହି କେହି ସୁନା, ଚାନ୍ଦି ଅଳଙ୍କାର , ତ ଅନ୍ୟ କେହି ପୋଷାକ ଉପହାର ସ୍ୱରୂପ ଦେଇଥାଏ । କିନ୍ତୁ ରାଜସ୍ଥାନରେ ଜଣେ ଭଣଜାକୁ ମାମୁଁମାନେ ଏଭଳି ଉପହାର ଦେଇଛନ୍ତି ଯାହା ସ୍ୱର୍ଣ୍ଣିମ ଅକ୍ଷରରେ ଲିପିବନ୍ଧ ହୋଇ ରହିବ । ପୂର୍ବରୁ କେହି ଏଭଳି ଉପହାର ଦେଇଥିବା କେବେ ଶୁଣି ନଥିବେ ।
ରାଜସ୍ଥନର ଏହି ଘଟଣା । ଭଣଜା ବିବାହରେ ୮ କୋଟି ଟଙ୍କାର ଉପହାର ଦେଇ ସମସ୍ତ ରେକର୍ଡ ଭାଙ୍ଗିଛନ୍ତି । ସ୍ଥାନୀୟ ଅଞ୍ଚଳରେ ଏହାକୁ ମାୟରା ବୋଲି କୁହାଯାଏ । ଏହି ଖବର ସୋସିଆଲ ମିଡିଆରେ ଭାଇରାଲ ହୋଇଛି ।
ମିଳିଥିବା ସୂଚନା ଅନୁଯାୟୀ, ୬ ମାମୁଁ ୩୦ କିଲୋମିଟର ଦୂରରେ ଥିବା ଶିବପୁରା ଗ୍ରାମରେ ରହୁଥିବା ଭଣଜା ବିବାହରେ ଉପହାର ଦେବା ପାଇଁ ପହଞ୍ଚିଥିଲେ । ଛଅ ଜଣ ମାମୁ ଯେତେବେଳେ ଉପହାର ନେଇ ଭଣଜା ଘରକୁ ବାହାରିଥିଲେ, ସେତେବେଳେ ସାଙ୍ଗରେ ୨ କୋଟି ୨୧ ଲକ୍ଷ ନଗଦ ଟଙ୍କା, ଏକ କେଜି ସୁନା ଏବଂ ୧୪ କେଜିି ଚାନ୍ଦି ନେଇଥିଲେ । ଏହା ସହ ଭଣଜାକୁ ୧୦୦ ବିଗା ଜମି ଅର୍ଥାତ୍ ପ୍ରାୟ ୧୫ ଗୁଣ୍ଠ ଜମି ଉପହାର ସ୍ୱରୂପ ପ୍ରଦାନ କରିଥିଲେ । ବଳଦ ଗାଡି ଠାରୁ ଆରମ୍ଭ କରି ବାଇକ୍ , ଟ୍ରାକ୍ଟର ଏବଂ ଭଳିକି ଭଳି ସୌଖିନ କାର ନେଇ ଭଣଜା ଘରେ ପହଞ୍ଚିଥିଲେ । ପ୍ରାୟ ୧୦୦୦ ଗାଡି ଏହି ଶୋଭାଯାତ୍ରାରେ ସାମିଲ ହୋଇଥିଲା । ଏହି ବିରାଟ ଶୋଭାଯାତ୍ରାରେ ପ୍ରାୟ ୫ ହଜାର ଲୋକ ସାମିଲ ହୋଇଥିଲେ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ଏଥିରେ ସାମିଲ ହୋଇଥିବା ଲୋକଙ୍କୁ ଗୋଟିଏ ଲେଖାଏଁ ରୂପା ମୁଦ୍ରା ଦିଆଯାଇଥିଲା । ଏହା ଫଟୋ ଓ ଭିଡିଓ ଏବେ ଭାଇରାଲ ହେବାରେ ଲାଗିଛି ।
कल्चर ऑफ मायरालैंड जाटलैंड (जायल- नागौर) में आज फिर ऐतिहासिक 8 करोड़ का मायरा।
मेहरिया (जाट )परिवार अपनी बहिन रायधनु के मायरा भरा 2 करोड़ 21 लाख 31 हजार रुपया रोकड़ी,,,,,एक ट्रैक्टर ट्रॉली ,,,100 बिगा जमीन,,,1 किलो सोना,14 किलो चांदी,,,समस्त ग्राम वासियों को 800चांदी के सिक्के pic.twitter.com/PRqYBJaI14— Hanuman Choudhary (@thehanumanchdry) March 26, 2023
ଏହି ପ୍ରସଙ୍ଗ ସାମ୍ନାକୁ ଆସିବା ପରେ ଲୋକମାନେ ଏହା ଉପରେ ଭିନ୍ନ ମନ୍ତବ୍ୟ ଦେଉଛନ୍ତି। କେହି କେହି ଏହାକୁ ଭଉଣୀ ପ୍ରତି ଭାଇର ପ୍ରେମ ବୋଲି କହୁଥିବା ବେଳେ କେହି କେହି ଏହାକୁ ଶୋ ଅଫ୍ ବୋଲି କହୁଛନ୍ତି ।
