ମାଲାମାଲ୍ ହେବେ ଏହି ସରକାରୀ ବ୍ୟାଙ୍କର ଗ୍ରାହକ : ମାତ୍ର ୨ ବର୍ଷର FD ଉପରେ ମିଳିବ ୭% ସୁଧ
ନୂଆଦିଲ୍ଲୀ : ଯେତେବେଳେ ବି ସେଭିଂ ବିଷୟରେ କଥାବାର୍ତ୍ତା ହୁଏ, ଫିକ୍ସଡ ଡିପୋଜିଟ (ଏଫଡି) ର ନାମ ନିଶ୍ଚିତ ଭାବରେ ଆସେ । ଫିକ୍ସଡ ଡିପୋଜିଟରେ ଆପଣଙ୍କର ନିବେଶ ସୁରକ୍ଷିତ ଏବଂ ଆପଣ ନିଶ୍ଚିତ ରିଟର୍ଣ୍ଣ ମଧ୍ୟ ପାଇବେ ।
ଯଦି ଆପଣ ମଧ୍ୟ ଏଫଡିରେ ନିବେଶ କରିବାକୁ ଚାହୁଁଛନ୍ତି ତେବେ ଏହା ଆପଣଙ୍କ ପାଇଁ ଗୁରୁତ୍ୱପୂର୍ଣ୍ଣ ଖବର । ତେବେ ନିଜ ପ୍ରତିଷ୍ଠାର ୧୧୩ ବର୍ଷ ପୂରଣ କରିସାରିଥିବା ବୃହତ ସାର୍ବଜନୀନ କ୍ଷେତ୍ର ଋଣ ପ୍ରଦାନକାରୀ ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ ୨ କୋଟିରୁ କମ୍ ଏଫଡି ଉପରେ ସୁଧ ହାରରେ ପରିବର୍ତ୍ତନ କରିଛି ।
ସୁଧ ହାରରେ ଏହି ପରିବର୍ତ୍ତନ ପରେ ବ୍ୟାଙ୍କ ଏହାର ସାଧାରଣ ଗ୍ରାହକଙ୍କୁ ୭ ଦିନରୁ ୧୦ ବର୍ଷ ପର୍ଯ୍ୟନ୍ତ ଏଫଡି ଉପରେ ୩.୫ ପ୍ରତିଶତରୁ ୭ ପ୍ରତିଶତ ସୁଧ ଦେବ । ଏହି ସମୟରେ ବ୍ୟାଙ୍କ ଏହାର ବରିଷ୍ଠ ନାଗରିକ ଗ୍ରାହକଙ୍କୁ ୪ ପ୍ରତିଶତରୁ ୭.୫୦ ପ୍ରତିଶତ ସୁଧ ପ୍ରଦାନ କରିବ ।
ଜାନୁଆରୀ ୧୦ ରୁ ନୂଆ ସୁଧ ହାର କାର୍ଯ୍ୟକାରୀ ହୋଇଛି :-
ସୁଧ ହାରରେ ଏହି ପରିବର୍ତ୍ତନ ପରେ ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ ନିଜର ସାଧାରଣ ଗ୍ରାହକଙ୍କୁ ୨ ବର୍ଷରୁ ୩ ବର୍ଷରୁ କମ୍ ଏଫଡି ଉପରେ ସର୍ବାଧିକ ୭ ପ୍ରତିଶତ ସୁଧ ପ୍ରଦାନ କରୁଥିବାବେଳେ ବ୍ୟାଙ୍କ ସେହି ସମୟରେ ନିଜ ବରିଷ୍ଠ ନାଗରିକ ଗ୍ରାହକଙ୍କୁ ୭.୫୦ ପ୍ରତିଶତ ସୁଧ ଦେବ । ବ୍ୟାଙ୍କର ଅଫିସିଆଲ୍ ୱେବସାଇଟରୁ ମିଳିଥିବା ସୂଚନା ଅନୁଯାୟୀ, ବୃଦ୍ଧି ହୋଇଥିବା ନୂଆ ସୁଧ ହାର ୧୦ ଜାନୁଆରୀ ୨୦୨୪ ରୁ ଲାଗୁ ହୋଇସାରିଛି ।