ମନେ ପଡନ୍ତି ବିଜୁବାବୁ
ଭୁବନେଶ୍ୱର,୫ ।୩(ଓଡିଶା ଭାସ୍କର): ଓଡିଶାର ପୁର୍ବତନ ମୁଖ୍ୟମନ୍ତ୍ରୀ ବା ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଆଜି ୧୦୪ତମ ଜୟନ୍ତୀ । ଏହି ଅବସରରେ ଗୁରୁବାର ସକାଳେ ଭୁବନେଶ୍ୱରରେ ବିଜୁବାବୁଙ୍କ ଉଦ୍ଦେଶ୍ୟରେ ଏକ ମିନି ମାରାଥନ ଅନୁଷ୍ଠିତ ହୋଇଯାଇଛି । ବିଜୁବାବୁଙ୍କ ଶ୍ରଦ୍ଧାଞ୍ଜଳି ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏହା ସହ ମୋଦୀ ୧୯୪୫ ମସିହାର ଏକ ଦସ୍ତାବିଜ୍ ଟ୍ୱିଟ୍ କରି ଲେଖିଛନ୍ତି ଯେ, ଆତ୍ମଗୋପନ କରିଥିବା ଲୋହିଆଙ୍କୁ ବିମାନରେ ନେଇଥିଲେ ବିଜୁବାବୁ ।’ ତତକାଳୀନ ଗୁଇନ୍ଦା ବିଭାଗର ଏସମ୍ପର୍କିତ ଚିଠିକୁ ଟ୍ୱିଟ୍ କରି ଓଡିଶାର ବିକାଶ ଓ ଦେଶର ପ୍ରଗତି ପାଇଁ ବିଜୁଙ୍କ ଉଦ୍ୟମକୁ ପ୍ରଂଶସା କରିଛନ୍ତି ମୋଦୀ ।
Remembering Biju Babu on his Jayanti. This document from the pages of history (dated 1945) gives a glimpse of his courage (flying Dr. Lohia, who was then underground) and excellence.
Biju Babu worked tirelessly for India’s progress and pioneered the development of Odisha. pic.twitter.com/XLEjzOFEiQ
— Narendra Modi (@narendramodi) March 5, 2020
ସେହିପରି ମହାନ ଜନନାୟକ ବିଜୁବାବୁଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେ କହିଛନ୍ତି ଯେ, ଦେଶର ସ୍ୱାଧୀନତାରେ ତାଙ୍କ ଅବଦାନ ସର୍ବଦା ସ୍ମରଣୀୟ ହୋଇ ରହିବ । ବିଜୁଙ୍କ ଆଦର୍ଶରେ ନୂଆ ଓଡିଶା ଗଠନ ପାଇଁ ଆମେ ପ୍ରତିଶ୍ରୁତିବଦ୍ଧ ।’
ଓଡ଼ିଆ ସ୍ଵାଭିମାନର ପ୍ରତୀକ, ଆଧୁନିକ ଓଡ଼ିଶାର ସ୍ରଷ୍ଟା, ମହାନ ଜନନାୟକ ତଥା ପୂର୍ବତନ ମୁଖ୍ୟମନ୍ତ୍ରୀ ବିଜୁ ବାବୁଙ୍କ ଜୟନ୍ତୀରେ ବିନମ୍ର ଶ୍ରଦ୍ଧାଞ୍ଜଳି। ଦେଶର ସ୍ଵାଧୀନତାରେ ତାଙ୍କ ଅବଦାନ ସର୍ବଦା ସ୍ମରଣୀୟ। ତାଙ୍କ ଓଡ଼ିଆ ସ୍ଵାଭିମାନ, ରାଜନୈତିକ ମୂଲ୍ୟବୋଧ ଓ ନୀତିଆଦର୍ଶକୁ ପାଥେୟ କରି ନୂଆ ଓଡ଼ିଶା ଗଠନ ପାଇଁ ଆମେ ପ୍ରତିଶ୍ରୁତିବଦ୍ଧ। pic.twitter.com/dzYKpT1sCh
— Naveen Patnaik (@Naveen_Odisha) March 5, 2020
ଏହା ସହ ନବୀନ କହିଛନ୍ତି ଯେ, ଆମ ସରକାର ଓଡିଆବାସୀଙ୍କ ସେବାରେ ୨୦ ବର୍ଷ ପୂରଣ କରିଛି । କୋଟି କୋଟି ଓଡିଆ ସମର୍ଥନ ପାଇଁ ଆମେ ସେମାନଙ୍କ ନିକଟରେ ଋଣୀ । ଏହି ଧାରାରେ ନୂଆ ଓଡିଶା ଗଠନ ପାଇଁ ଅଗ୍ରସର ହେବାକୁ ସେ ଆହ୍ୱାନ ଦେଇଛନ୍ତି ।
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଜୁବାବୁଙ୍କ ଶ୍ରଦ୍ଧାଞ୍ଚଳି ଜଣାଇଛନ୍ତି ।
