ଭିକି କୌଶଲ ଓ କଟ୍ରିନା କୈଫଙ୍କର ଆଜି ହେଉଛି ରେଜିଷ୍ଟର୍ ମ୍ୟାରେଜ୍! ୯ରେ ହେବ ରାଜକୀୟ ବିବାହ
ମୁମ୍ବାଇ: ବଲିଉଡ୍ ର ବାର୍ବିଗର୍ଲ କଟ୍ରିନା କୈଫ୍ ଓ ଭିକି କୌଶଲଙ୍କ ବିବାହ ଖବର ଏବେ ଚର୍ଚ୍ଚାରେ ରହିଛି । ଆଉ ଏକ ଗୁରୁତ୍ୱପୂର୍ଣ୍ଣ ଖବର ହେଲା ଆଜି କଟ୍ରିନା ଓ ଭିକି ଆଇନ ଅନୁସାରେ ବିବାହ କରୁଛନ୍ତି । ଅର୍ଥାତ୍ ଆଜି ସେମାନେ ସ୍ୱତନ୍ତ୍ର ବିବାହ ଅଧିନିୟମ ୧୯୫୪ ଆଧାରରେ ରେଜିଷ୍ଟାର୍ ମ୍ୟାରେଜ୍ କରୁଛନ୍ତି । ଏନେଇ ଜାତୀୟ ମିଡିଆ ରିପୋର୍ଟରେ ପ୍ରକାଶ ପାଇଛି । ତେବେ ଆଜି ଏହି ଦୁଇ ଦମ୍ପତି ରେଜିଷ୍ଟାର୍ ମ୍ୟାରେଜ୍ କରିବା ପରେ ଡିସେମ୍ବର ୯ ତାରିଖରେ ପାରମ୍ପରିକ ରୀତିନୀତି ଅନୁସାରେ ରାଜସ୍ଥାନର ଏକ ରିସୋର୍ଟରେ ବିବାହ କରିବେ ।
ମିଡିଆ ରିପୋର୍ଟ ଅନୁସାରେ, “ଭିକି-କ୍ୟାଟ୍ ତିନିଜଣ ସାକ୍ଷୀଙ୍କ ଉପସ୍ଥିତିରେ ବିବାହ ରେଜିଷ୍ଟ୍ରାରଙ୍କ ଉପସ୍ଥିତିରେ ଏକ ଘୋଷଣାପତ୍ରରେ ଦସ୍ତଖତ କରିବେ ଏବଂ ସେମାନଙ୍କର ବିବାହକୁ ଆନୁଷ୍ଠାନିକ କରିବେ। କୋର୍ଟ ବିବାହ ପରେ ଭିକି-କ୍ୟାଟ୍ ସପ୍ତାହକ ମଧ୍ୟରେ ସେମାନଙ୍କ ପରିବାରବର୍ଗଙ୍କ ଉପସ୍ଥିତିରେ ରାଜସ୍ଥାନ ରେ ବିବାହ କରିବେ” ।
ତେବେ ଭିକି ଓ କ୍ୟାଟ୍ ରାଜସ୍ଥାନର ବିଳାସପୂର୍ଣ୍ଣ ହୋଟେଲ ସିକ୍ସ ସେନ୍ସ ଦୁର୍ଗରେ ବିବାହ କରିବେ। ଏହି ଗ୍ରାଣ୍ଡ ହୋଟେଲ ରାଜସ୍ଥାନର ସାୱାଇ ମାଧୋପୁର ଜିଲ୍ଲାରେ ଅବସ୍ଥିତ। ଡିସେମ୍ବର ୭-୧୦ ରୁ ବିବାହ ସମାରୋହ ଅନୁଷ୍ଠିତ ହେବ, କିନ୍ତୁ ଏଥିପାଇଁ ଡିସେମ୍ବର ୪ ରୁ ୧୧ ପର୍ୟ୍ୟନ୍ତ ହୋଟେଲ ବୁକ୍ କରାଯାଇଛି। ବିବାହର ଆୟୋଜନ ପାଇଁ ଅନେକ ଇଭେଣ୍ଟ କମ୍ପାନୀ କାର୍ୟ୍ୟ କରୁଛନ୍ତି। ବିବାହରେ ମୋବାଇଲ୍ ଫୋନ୍ ନିଷେଧ। ମାସ୍କ ବିନା ବିବାହରେ ପ୍ରବେଶ ନିଷେଧ।
