ପଏଣ୍ଟ ଟେବୁଲର ଶୀର୍ଷ ସ୍ଥାନ ପାଇଁ ହେବ ବଡ ଲଢେଇ: ମୁହାଁମୁହିଁ ହେବେ ହାର୍ଦ୍ଦିକ ଏବଂ ରାହୁଲ

ମୁମ୍ବାଇ: ଚଳିତ ବର୍ଷ ପ୍ରଥମ ସିଜନରେ ହିଁ ଧମାକାଦାର ପ୍ରଦର୍ଶନ ଜାରି ରଖିଛନ୍ତି ଗୁଜୁରାଟ ଟାଇଟନ୍ସ ଏବଂ ଲକ୍ଷ୍ନୌ ସୁପର ଜିଆଣ୍ଟସ । ୧୧ଟି ମ୍ୟାଚରୁ ୮ଟି ଲେଖାଏଁ ମ୍ୟାଚ ଜିତି ପଏଣ୍ଟ ଟେବୁଲର ଶୀର୍ଷ ଦୁଇଟି ସ୍ଥାନ କବଜା କରିଛନ୍ତି ଏହି ଦୁଇ ଟିମ । ତେବେ ଆଜି ମୁମ୍ବାଇର ଡି ୱାଇ ପାଟିଲ ଷ୍ଟାଡିୟମରେ ଏହି ଦୁଇ ଦଳ ମଧ୍ୟରେ ଲଢେଇ ହେବାକୁ ଯାଉଛି । ଏହି ମ୍ୟାଚରେ ବିଜୟ ହାସଲ କରିବା ସହ ପ୍ଲେଅଫରେ ନିଜ ସ୍ଥାନ ପକ୍କା କରିବା ପାଇଁ ଚେଷ୍ଟା କରିବେ ଉଭୟ ଦଳ । ଦୀର୍ଘ ଦିନରୁ ପ୍ରଥମ ସ୍ଥାନରେ କବଜା କରିଥିବା ଗୁଜୁରାଟ ଗତ ଦୁଇଟି ମ୍ୟାଚରେ ପରାଜୟ ବରଣ କରି ଏବେ ଦୁଇ ନମ୍ବରକୁ ଖସିଆସିଛି । ତେବେ ଏହାର ଫାଇଦା ଉଠାଇ ଏକ ନମ୍ବରରେ ପହଞ୍ଚି ଯାଇଛି ଲକ୍ଷ୍ନୌ ସୁପର ଜିଆଣ୍ଟସ । ତେବେ ଆଜିର ମ୍ୟାଚରେ ସିଜନର ପ୍ରଥମ କ୍ୱାଲିଫାୟର ମିଳିବ ।

ସିଜନ ଆରମ୍ଭରୁ ଦମଦାର ପ୍ରଦର୍ଶନ କରୁଥିବା ଗୁଜୁରାଟ ନିଜର ଶେଷ ୨ଟି ମ୍ୟାଚରେ ଫେଲ ମାରିଛି । ପ୍ରଥମେ ପଞ୍ଜାବ ଏବଂ ପରେ ମୁମ୍ବାଇଠୁ ପରାସ୍ତ ହୋଇଛି ହାର୍ଦ୍ଦିକଙ୍କ ଟିମ । ସେପଟେ ରାହୁଲ ଦଳର ଶେଷ ୪ଟି ମ୍ୟାଚରେ ବିଜୟ ହାସଲ କରିଛନ୍ତି । ସିଜନରେ ଏହି ଦଳ ଖୁବ ସନ୍ତୁଳିତ ମନେ ହେଉଛି । ଦମଦାର ବ୍ୟାଟିଂ ସହ ପ୍ରଭାବଶାଳୀ ବୋଲିଂ ମଧ୍ୟ ଜାରି ରଖିଛନ୍ତି ଦଳର ଷ୍ଟାର କ୍ରିକେଟର । ଅନ୍ୟ ପକ୍ଷରେ ଗୁଜୁରାଟ ନିକଟରେ ମଧ୍ୟ ଅନେକ ମ୍ୟାଚ ୱିନର ରହିଛନ୍ତି । କିନ୍ତୁ ଗତ କିଛିଟା ମ୍ୟାଚରେ ଦଳ ପାଇଁ ବ୍ୟାଟିଂ କ୍ଷେତ୍ରରେ ସାମାନ୍ୟ ଦୁର୍ବଳ ହୋଇ ପଡିଛି । ତେବ ଖୁବ ଶୀଘ୍ର ଏତିରେ ନିରନ୍ତରତା ଆଣିବାକୁ ଚେଷ୍ଟା କରିବେ ଅଧିନାୟକ ହାର୍ଦ୍ଦିକ ପାଣ୍ଡ୍ୟା । ଟପ ଅର୍ଡର ବ୍ୟାଟ୍ସମ୍ୟାନ ଲମ୍ବା ପାଳି ଖେଳିବା ସହ ମଧ୍ୟକ୍ରମରେ ଦଳକୁ ଅଧିକ ଗୁରୁତ୍ୱ ଦେବାକୁ ପଡିବ । ଏହି ସମୟରେ ଲୟ ହରାଇବା ଗୁଜୁରାଟ ପାଇଁ ଖୁବ ମହଙ୍ଗା ପଡିପାରେ ।

ତେବେ ଆସନ୍ତୁ ଜାଣିବା କଣ ରହିପାରେ ଆଜିର ଉଭୟ ଦଳର ପ୍ଲେଇଙ୍ଗ ୧୧

ଗୁଜୁରାଟ ଟାଇଟନ୍ସ:

ଶୁଭମନ ଗିଲ, ରିଦ୍ଧିମାନ ସାହା, ହାର୍ଦ୍ଦିକ ପାଣ୍ଡ୍ୟା, ଅଭିନବ ମନୋହର/ ବି ସାଇ ସୁଦର୍ଶନ, ଡାଭିଡ ମିଲର, ରାହୁଲ ତେୱାତିଆ, ରାଶିଦ ଖାନ, ଅଲଜୋରୀ ଜୋସେଫ, ପ୍ରଦୀପ ସାଙ୍ଗୱାନ, ଲକି ଫର୍ଗୁସନ, ମହମ୍ମଦ ସାମୀ

ଲକ୍ଷ୍ନୌ ସୁପର ଜିଆଣ୍ଟସ:

କ୍ୱିଣ୍ଟନ ଡି କକ୍, କେ.ଏଲ ରାହୁଲ, ଆୟୁଶ ବଦୋନୀ, ଦୀପକ ହୁଡ୍ଡା, ମାର୍କସ ଷ୍ଟୋଇନିସ, କ୍ରୁନାଲ ପାଣ୍ଡ୍ୟା, ଜେସନ ହୋଲ୍ଡର, ଦୁଷ୍ମନ୍ଥା ଚମୀରା, ରବି ବିଷ୍ଣୋଇ, ମହସିନ ଖାନ, ଆବେଶ ଖାନ