ଆଜି ଚେନ୍ନାଇ ବାଙ୍ଗାଲୋର ମୁହାଁମୁହିଁ

ନୂଆ ଦିଲ୍ଲୀ, ୨୫/୦୪: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ୨୦୨୧ ରେ ଚେନ୍ନାଇ ସୁପର କିଙ୍ଗ୍ସ (ସିଏସକେ) ଆଜି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ସହିତ ମୁହାଁମୁହିଁ ହେବାକୁ ଯାଉଛି । ଉଭୟ ଦଳ ଏପର୍ୟ୍ୟନ୍ତ ବହୁତ ଭଲ ଫର୍ମରେ ଅଛନ୍ତି । ଆରସିବି ଏହାର ପ୍ରଥମ ଚାରିଟି ମ୍ୟାଚ୍ ଜିତିଥିବାବେଳେ ଚେନ୍ନାଇ ଏହାର  ପ୍ରଥମ ମ୍ୟାଚ୍ ହାରିଯିବା ପରେ ମଧ୍ୟ ଜିତିବାର ହ୍ୟାଟ୍ରିକ୍ ସ୍କୋର କରିଛି । ପଏଣ୍ଟ ଟେବୁଲ ବିଷୟରେ କହିବାକୁ ଗଲେ ଆରସିବି ଶୀର୍ଷରେ ଥିବାବେଳେ ସିଏସକେ ଦ୍ୱିତୀୟ ସ୍ଥାନରେ ଅଛି । ମହେନ୍ଦ୍ର ସିଂ ଧୋନିଙ୍କ ସିଏସକେ ଏବଂ ବିରାଟ କୋହଲିଙ୍କ ଆରସିବି ମଧ୍ୟରେ ମ୍ୟାଚକୁ ପ୍ରଶଂସକମାନେ ମଧ୍ୟ ଉତ୍ସାହର ସହିତ ଅପେକ୍ଷା କରିଛନ୍ତି।

ଦୁଇ ଦଳ ମଧ୍ୟରେ ମୋଟ ୨୬ ଟି ମ୍ୟାଚ୍ ଖେଳାଯାଇଛି, ସେଥିମଧ୍ୟରୁ ସିଏସକେ ୧୬ ଟି ଏବଂ ଆରସିବି ୯ ଟି ମ୍ୟାଚ୍ ଜିତିଛି । ଆଇପିଏଲର ଏହି ସଂସ୍କରଣରେ ଆରସିବି ହେଉଛି ଏକମାତ୍ର ଦଳ ଯିଏକି ଏପର୍ୟ୍ୟନ୍ତ ଗୋଟିଏ ମ୍ୟାଚ୍ ହାରିନାହିଁ ।  ଯଦି ସିଏସକେ ଆରସିବି ର ବିଜୟ ରଥକୁ ବନ୍ଦ କରିଦିଏ,ତାହେଲେ ସିଏସକେ ପଏଣ୍ଟ ଟେବୁଲରେ ମଧ୍ୟ ଶୀର୍ଷରେ ପହଞ୍ଚିବ ।

ଏହି ମ୍ୟାଚ୍ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଖେଳାଯିବ। କମ୍ ସ୍କୋରିଂ ଥିବା ସମାନ ଗ୍ରାଉଣ୍ଡରେ ଏପ୍ରିଲ୍ ୨୪ ରେ କୋଲକାତା ନାଇଟ୍ ରାଇଡର୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ମ୍ୟାଚ୍ ଖେଳାଯାଇଥିଲା । ତେବେ ଆଜିର ମ୍ୟାଚରେ କ’ଣ ହେଉଛି ତହା ଦେଖିବାକୁ ପଡିବ  । ଯଦି ଦିନରେ ମ୍ୟାଚ୍ ଖେଳାଯିବ, ତେବେ କାକରର ଚିନ୍ତା ନାହିଁ ।

ହୁଏତ  ଉଭୟ ଦଳ ସେମାନଙ୍କର ବିଜୟ କମ୍ବିନେସନକୁ ପରିବର୍ତ୍ତନ କରିପାରନ୍ତି । ଗ୍ଲେନ୍ ମ୍ୟାକ୍ସୱେଲ ଚଳିତ ବର୍ଷ ଆରସିବି ସହିତ ଜଡିତ ଥିବାବେଳେ ଚମତ୍କାର ପ୍ରଦର୍ଶନ ଜାରି ରଖିଛନ୍ତି । ସେହିଭଳି ଚଳିତ ବର୍ଷ ଏପର୍ୟ୍ୟନ୍ତ ଚମତ୍କାର ପ୍ରଦର୍ଶନ କରିଥିବା ମୋଏନ୍ ଅଲିଙ୍କ ଉପରେ ସିଏସକେ ମଧ୍ୟ ଭରଷା ରଖିଛି ।

 

ସମ୍ଭାବିତ ପ୍ଲେଇଙ୍ଗ ଇଲେଭେନ:

ସିଏସକେ:

ରିତୁରାଜ ଗାଇକୱାଡ, ଫାଫ ଡୁ ପ୍ଲେସି, ମୋଇନ୍ ଅଲି, ସୁରେଶ ରାଇନା, ଅମ୍ବାତି ରାୟୁଡୁ, ମହେନ୍ଦ୍ର ସିଂ ଧୋନି (କ୍ୟାପଟେନ), ସାମ୍ କରଣ, ରବିନ୍ଦ୍ର ଜାଡେଜା, ଦୀପକ ଚହର, ଶାର୍ଦ୍ଦୁଲ ଠାକୁର, ଲୁଙ୍ଗି ଏଙ୍ଗିଡି ।

ଆରସିବି:

ଦେବଦତ୍ତ ପାଦିକଲ, ବିରାଟ କୋହଲି (ଅଧିନାୟକ), ଶାହାବାଜ ଅହମ୍ମଦ, ଗ୍ଲେନ ମ୍ୟାକ୍ସୱେଲ, ଏବି ଡି ଭିଲିୟର୍ସ, ୱାଶିଂଟନ ସୁନ୍ଦର, କାଇଲ ଜେମସନ, କେନ ରିଚାର୍ଡସନ, ହର୍ଷଲ ପଟେଲ, ମହମ୍ମଦ ସିରାଜ, ୟୁଜଭେନ୍ଦ୍ର ଚହଲ।