Video: କେଦାରନାଥ ଧାମ ଯାତ୍ରା ସମୟରେ ଘୋଡ଼ାକୁ ଜବରଦସ୍ତ ବିଡ଼ି ଟଣାଇଲେ ଯୁବକ, ଯନ୍ତ୍ରଣାରେ ଛଟପଟ ହେଉଥିବା ଘୋଡ଼ାର ଭିଡିଓ ଭାଇରାଲ

ନୂଆଦିଲ୍ଲୀ: ଉତ୍ତରାଖଣ୍ଡରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। କେଦାରନାଥ ଧାମ ଯାତ୍ରା ସମୟରେ ଦୁଇଜଣ ବ୍ୟକ୍ତି ଜୋରଜବରଦସ୍ତ ଏକ ଘୋଡାକୁ ବିଡି ଟଣାଇବାକୁ ଚେଷ୍ଟା କରିଛନ୍ତି। ଏହି ଘଟଣାର ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହେବାରେ ଲାଗିଛି। ଭିଡିଓରେ ଏହା ଦେଖିବାକୁ ମିଳେ ଯେ ଦୁଇଜଣ ଯୁବକ ଘୋଡାର ପାଟିକୁ ଜୋରରେ ଧରିଛନ୍ତି ଏବଂ ଏହାର ଗୋଟିଏ ନାକ ଉପରେ ହାତ ରଖି ଏହାକୁ ବନ୍ଦ କରି ଦେଇଛନ୍ତି। ଅନ୍ୟ ନାକରୁ ବିଡି ଖାଇବାକୁ ଚେଷ୍ଟା ବାଧ୍ୟ କରୁଛନ୍ତି। ଏହି ପୁରା ଘଟଣା ସମୟରେ ଘୋଡାଟି ଅତ୍ୟନ୍ତ କଷ୍ଟ ଅନୁଭବ କରୁଥିବାର ଦେଖିବାକୁ ମିଳିଥିଲା, କିନ୍ତୁ ଯୁବକମାନେ ସେମାନଙ୍କ କାର୍ଯ୍ୟ ଜାରି ରଖିଥିଲେ।

କୁହାଯାଉଛି ଯେ ଏହି ଭିଡିଓ କେଦାରନାଥ ଧାମ ଯାତ୍ରା ସମୟରେ ଅଟେ। ଏହି ଭିଡିଓ ଦେଖି ଲୋକମାନେ ମିଡିଆରେ ଏହି ଘଟଣାକୁ ଦୃଢ ନିନ୍ଦା କରିଛନ୍ତି ଏବଂ ଶୀଘ୍ର ଅଭିଯୁକ୍ତକୁ ଗିରଫ କରିବାକୁ ଦାବି କରିଛନ୍ତି। ଏହି ଘଟଣାଟି ଅତ୍ୟନ୍ତ ଚିନ୍ତାଜନକ କାରଣ ହଜାର ହଜାର ଲୋକ କେଦାରନାଥରେ ପହଞ୍ଚିବା ପାଇଁ ଘୋଡା ଭଡାରେ କରନ୍ତି। ଯେତେବେଳେ ଘୋଡାମାନଙ୍କୁ ସେମାନଙ୍କ ମାଲିକମାନେ ନିଶାଦ୍ରବ୍ୟ ଖାଇବାକୁ ଦିଅନ୍ତି ଏବଂ ସେମାନଙ୍କ ସହିତ ଅମାନୁଷିକ ଭାବେ ବ୍ୟବହାର କରନ୍ତି। ଏପରି ପରିସ୍ଥିତିରେ, ଯଦି ଲୋକମାନେ ଏପରି ଘୋଡା ଚଢି କେଦାରନାଥ ଯାତ୍ରା କରନ୍ତି, ତେବେ ସେମାନଙ୍କ ପାଇଁ ମଧ୍ୟ ଗୁରୁତର ଦୁର୍ଘଟଣା ହୋଇପାରେ।

ଏହି ପ୍ରକାର ନିଷ୍ଠୁରତା ଘୋଡାମାନଙ୍କର ସ୍ୱାସ୍ଥ୍ୟକୁ ମଧ୍ୟ ଖରାପ କରିପାରେ। ଗତ କିଛି ଦିନ ମଧ୍ୟରେ ଏହିପରି ଅନେକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ପଶୁମାନଙ୍କ ପ୍ରତି ନିର୍ଦ୍ଦୟତାର ଦୃଶ୍ୟ ଦେଖିବାକୁ ମିଳିଛି। ଅନେକ ମାଲିକ କେଦାରନାଥ ମନ୍ଦିର ରାସ୍ତାରେ ଘୋଡା ସହିତ ଅତ୍ୟାଚାର କରୁଥିବା ଦେଖାଯାଏ। ସେମାନଙ୍କୁ ଶୋଷଣ କରି ସେମାନଙ୍କୁ ମାଡ଼ ମଧ୍ୟ ମାରିଥାନ୍ତି। ମାଲିକମାନଙ୍କର ଏହି ସମସ୍ତ ଭୁଲ ଯୋଗୁଁ ଅନେକ ଘୋଡାଙ୍କୁ ଜୀବନ ହରାଇବାକୁ ପଡେ।

ତେବେ ଏହି ଭିଡିଓରେ ଘୋଡାକୁ ଜବରଦସ୍ତ ବିଡିକୁ ଖାଇବାକୁ ଦେବା ଘଟଣାର ସଂଜ୍ଞାନ ନେଇଛି ଉତ୍ତରାଖଣ୍ଡ ପୋଲିସ। ଭିଡିଓ ପ୍ରସଙ୍ଗରେ ଜବାବ ରଖି ପୋଲିସ ଟୁଇଟ୍ କରି କହିଛନ୍ତି, ‘ଆମେ ଭାଇରାଲ୍ ଭିଡିଓ ବିଷୟରେ ସଂଜ୍ଞାନ ନେଇଛୁ, ଯେଉଁଥିରେ ଘୋଡାକୁ ଜବରଦସ୍ତ ଧୂମପାନ କରାଯାଉଛି। ଆମେ ଭିଡିଓରେ ଦେଖାଯାଇଥିବା ଲୋକଙ୍କୁ ଚିହ୍ନଟ କରିବାକୁ ଚେଷ୍ଟା କରୁଛୁ। ଏଭଳି ଘଟଣାଗୁଡ଼ିକ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ନିକଟସ୍ଥ ଡ୍ୟୁଟି ପୋଲିସ କିମ୍ବା ୧୧୨ କୁ ଜଣାଇବାକୁ ପୋଲିସ କହିଛି।