(Video): ଯାତ୍ରୀଙ୍କୁ ଟେକିଲେ, ଟ୍ରେନରେ ଛାଡ଼ିଲେ… ଦେଖନ୍ତୁ ଯାତ୍ରୀଙ୍କୁ ଭିଡ଼ରୁ କିପରି ସାହାଯ୍ୟ କଲେ କୁଲି
ଓଡ଼ିଶା ଭାସ୍କର: ଭାରତରେ ଅଧିକାଂଶ ବ୍ୟକ୍ତି ରେଳଯାତ୍ରା କରିଥାନ୍ତି । ବେଳେ ବେଳେ ଅଧିକ ଜିନିଷ ଥିଲେ କିଛି ବ୍ୟକ୍ତି କୁଲିଙ୍କ ସହଯୋଗ ଲୋଡ଼ିଥାନ୍ତି । ଜଣେ କୁଲି ସୁରକ୍ଷିତ ଭାବେ ଜିନିଷ ଗୁଡ଼ିକ ଟ୍ରେନରେ ରଖିବାରେ ସହଯୋଗ କରିଥାଏ । ସାଧାରଣତଃ ଷ୍ଟେସନରେ ପିକ୍ ସମୟରେ ଲୋକାଲ ଟ୍ରେନରେ ଭିଡ଼ ଦେଖିବାକୁ ମିଳିଥାଏ । ସିଟ୍ ପାଇଁ ଯାତ୍ରୀମାନେ ଝଗଡ଼ା କରିବାକୁ ବି ପଛାଇନଥାନ୍ତି । ଏହି ଧାଁ ଦୌଡ଼ରେ ବେଳେ ବେଳେ ଯାତ୍ରୀ ଦୁର୍ଘଟଣାର ଶିକାର ହୋଇଥାନ୍ତି । ବର୍ତ୍ତମାନ ସୋସିଆଲ ମିଡିଆରେ ଏଭଳି ଏକ ଭିଡିଓ ଭାଇରାଲ ହେଉଛି ଯାହା ଆପଣଙ୍କୁ ଚକିତ କରିବ ।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ ଦର୍ଶାଯାଇଛି କି ଟ୍ରେନ ଦ୍ୱାରରେ ଚଢ଼ିବା ପାଇଁ ଯାତ୍ରୀଙ୍କ ଭିଡ଼ ଦେଖିବାକୁ ମିଳିଛି । ଏହି ସମୟରେ ଜଣେ କୁଲି ଜରୁରୀକାଳୀନ ଝରକାରୁ କିଛି ଯାତ୍ରୀଙ୍କୁ ଟ୍ରେନ୍ ଭିତରକୁ ଛାଡ଼ୁଥିଲେ । ଏହା ପରେ ତାଙ୍କ ଯାତ୍ରୀଙ୍କ ଜିନିଷ ମଧ୍ୟ ଜରୁରୀକାଳୀନ ଝରକା ଦ୍ୱାର ଦେଇ ଭିତରେ ଠେଲୁଥିଲେ । କୁଲି ଜଣଙ୍କ ଏତେ ଶୀଘ୍ର ଶୀଘ୍ର ଏହି କାମ କରୁଥିଲେ କି ସେଠାରେ ଉପସ୍ଥିତ ସମସ୍ତେ ଚକିତ ହୋଇଥିଲେ । ଏହି ଭିଡିଓକୁ @HasnaZarooriHai ନାମକ ଜଣେ ଆକାଉଣ୍ଟଧାରୀ ‘ଏକ୍ସ’ରେ ଶେୟାର କରି କ୍ୟାପସନରେ ଲେଖିଛନ୍ତି, ‘କୁଲି ନମ୍ବର ୧’ । ଏହି ଭିଡିଓକୁ ୨ ମିଲିୟନରୁ ଅଧିକ ୟୁଜର ଦେଖିଥିବା ବେଳେ ଅନେକ କମେଣ୍ଟ ମଧ୍ୟ କରିଛନ୍ତି । ଜଣେ ୟୁଜର ଲେଖିଛନ୍ତି, ‘ବଦଳୁଥିବା ସମୟ ଅନୁଯାୟୀ ସେ କିଛି ନୂଆ କରିବା ପାଇଁ ନିଜକୁ ବଦଳାଇଦେଇଛନ୍ତି’ । ଅନ୍ୟ ଜଣେ ଲେଖିଛନ୍ତି ଝରକା ମାଧ୍ୟମରେ ଏକ ସର୍ଟକଟ୍ କରିଛନ୍ତି ।
Coolie No. 1️⃣ 😲👏🫡 pic.twitter.com/iPKytdonAE
— HasnaZarooriHai🇮🇳 (@HasnaZaruriHai) November 16, 2024
