(Video) ମାଙ୍କଡର ବୁମେରାଂ ଦେଖିଲେ ନହସି ରହିପାରିବେନି, ଏମିତି ଡେଇଁଲା ଯେ କାର୍ ସନରୁଫ୍ ପୁରା ଗୁଣ୍ଡ
ନୂଆଦିଲ୍ଲୀ: ଉତ୍ତରପ୍ରଦେଶର ବାରଣାସୀରୁ ଏକ ବିଚିତ୍ର ଘଟଣା ସାମ୍ନାକୁ ଆସିଛି । ମାଙ୍କଡଟି ଏଭଳି ଭାବେ କାର୍ ଉପରକୁ ଡେଇଁଲା ଯେ, ଗାଡିର ସନରୁଫ୍ ପୁରା ଭାଙ୍ଗିଯାଇଛି । କାର୍ ଭିତରକୁ ଗଳି ପଡି ପୁଣି ଉପରକୁ ଉଠି ଦୌଡିଲା ମାଙ୍କଡ । ତେବେ ମାଙ୍କଡର ଏଭଳି ହରକତ୍ ବୁମେରାଂ ଭଳି ମନେହେଉଛି । ମଙ୍ଗଳବାର ହୋଇଥିବା ଏହି ଘଟଣା ସିସିଟିଭି କ୍ୟାମେରାରେ କଏଦ ହୋଇଥିବା ବେଳେ ଏହା ଇଣ୍ଟରନେଟରେ ଭାଇରାଲ ହେବାରେ ଲାଗିଛି । ମିଡିଆ ରିପୋର୍ଟ ଅନୁସାରେ, ଏହି ଭିଡିଓ ବାରଣାସୀର ବିଶ୍ବେଶ୍ବରଗଞ୍ଜ ଅଞ୍ଚଳର ବୋଲି ଜଣାପ଼ଡିଛି ।
ଭିଡିଓ ଦେଖିଲେ ନହସି ରହି ହେବନି । 10ସେକେଣ୍ଡର ଏହି ଭିଡିଓକୁ ଦେଖି ଭିନ୍ନ ଭିନ୍ନ ୟୁଜର୍ସ ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି । କିଛି ଜଣ ମାଙ୍କଡର ସ୍ବାସ୍ଥ୍ୟବସ୍ଥାକୁ ନେଇ ଚିନ୍ତିତ ରହିଥିବା ବେଳେ କିଛିଜଣ କାର୍ ମାଲିକର ଅବସ୍ଥାକୁ ନେଇ ପୋଷ୍ଟ କରିଛନ୍ତି । ମାଙ୍କଡ ଯେଉଁଭଳି ଭାବେ ବୁମେରାଂ ମାରିଲା ଦେହରେ ଆଘାତ ଲାଗିଥାଇପାରେ । ଅନ୍ୟ କିଛି ଜଣ କାର୍ ମାଲିକର ଇନ୍ସୋରାନ୍ସକୁ ନେଇ ମଧ୍ୟ ଚିନ୍ତା ଜତାଇଛନ୍ତି । ମାଙ୍କଡ ରହିଥିବା ବେଳେ ସନରୁଫ୍ ଗାଡି କିଣିବାର ପରିମାଣ ଏଥିରୁ ସ୍ପଷ୍ଟ ବାରି ହୋଇ ପଡୁଛି ବୋଲି କିଛି ୟୁଜର୍ସ ଲେଖିଛନ୍ତି । ତେବେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଅନେକ ପ୍ରତିକ୍ରିୟା ସାମ୍ନାକୁ ଆସୁଛି ।
ले बे ये गया तेरा सन रूफ 😭😭 pic.twitter.com/n82LOoJKO4
— Raja Babu (@GaurangBhardwa1) November 19, 2024
