ସଂଶୋଧିତ ୱାକଫ ବିଲ୍‌କୁ ନେଇ ସୁପ୍ରିମକୋର୍ଟଙ୍କ ଦ୍ୱାରସ୍ତ ହେଲେ କଂଗ୍ରେସ ସାଂସଦ, ଦାଖଲ କଲେ ଆବେଦନ

ନୂଆଦିଲ୍ଲୀ: ସଂଶୋଧିତ ୱାକଫ ବିଲ୍ କୁ ନେଇ ସାରା ଦେଶରେ ରାଜନୈତିକ ଚର୍ଚ୍ଚା ଜାରି ରହିଛି। ସଂସଦର ଦୁଇଟି ଗୃହ ଲୋକସଭା ଏବଂ ରାଜ୍ୟସଭାରେ ୱାକଫ ବିଲ୍‌କୁ ପାସ କରି ଦିଆଯାଇଛି। କଂଗ୍ରେସ ସମେତ ଅନ୍ୟ ବିରୋଧୀ ଦଳ ଏବଂ ଅନେକ ମୁସଲିମ ସଂଗଠନ ଏହି ବିଲର ବିରୋଧ କରୁଛନ୍ତି।

ବର୍ତ୍ତମାନ ଏହି ସଂଶୋଧିତ ୱାକଫ ବିଲ୍‌ର ମାମଲା ସୁପ୍ରିମକୋର୍ଟରେ ପହଞ୍ଚିଯାଇଛି। କଂଗ୍ରେସ ସାଂସଦ ମହମ୍ମଦ ଜାଭେଦ ସୁପ୍ରିମକୋର୍ଟରେ ପିଟିସନ ଦାଖଲ କରି ସଂଶୋଧିତ ୱାକଫ ବିଲକୁ ଚ୍ୟାଲେଞ୍ଜ କରିଛନ୍ତି।