WAR-STREE ମହାମିଳନ! ହ୍ରିତିକଙ୍କ ସିନେମାରେ ଏଣ୍ଟ୍ରି କରିବେ ଶ୍ରଦ୍ଧା, War II କରିବ ଧମାକା…

ଓଡ଼ିଶା ଭାସ୍କର: ବଲିଉଡରେ ଧମାକା କରିବାକୁ ଯାଉଛି ୟଶ ରାଜ ଫିଲ୍ମସ । ସ୍ପାଏ ୟୁନିଭର୍ସକୁ ନେଇ ପ୍ଲାନ କରୁଛି ୨ଟି ବଡ଼ ବଡ଼ ଖତରନାକ ସିନେମା । ହ୍ରିତିକ ରୋଶନଙ୍କ ‘ୱାର-୨’ ସହିତ ‘ଅଲଫା’ ଖୁବଶୀଘ୍ର ବଡ଼ ପରଦାରେ ଏଣ୍ଟ୍ରି କରିବ ବୋଳି ଜାଣିବାକୁ ମିଳିଛି । ଏହାଭିତରେ ୱାର-୨କୁ ନେଇ ଆସିଛି ଏକ ବଡ଼ ଅପଡେଟ । ଏହି ଫିଲ୍ମରେ ଡାନ୍ସିଙ୍ଗ ଷ୍ଟାର ହ୍ରିତିକ ରୋଶନ୍ ଏବଂ ଜୁନିୟର ଏନଟିଆରଙ୍କ ମଧ୍ୟରେ ଫେସ୍-ଅଫ୍ ଦେଖିବାକୁ ମିଳିବ । କିନ୍ତୁ ଏହାସହିତ ଆଉ ଏକ ସରପ୍ରାଇଜକୁ ନେଇ ଜୋରଦାର ପ୍ଲାନିଙ୍ଗ ଚାଳିଛି । ‘ୱାର-୨’ରେ ‘ସ୍ତ୍ରୀ’ ଏଣ୍ଟ୍ରି କରିବେ ବୋଲି ଚର୍ଚ୍ଚା ଜୋର ଧରିଛି ।

ହ୍ରିତିକ ଏବଂ ଏନଟିଆର ଉଭୟଙ୍କ ଡାନ୍ସରେ ସାରା ଦୁନିଆ ଦିୱାନା ପାଲଟି ଯାଇଛି । ପ୍ରଥମ ଥର ପାଇଁ ଦେଶର ୨ ବେଷ୍ଟ ଡାନ୍ସରଙ୍କୁ ଏକାଠି ଦେଖିବେ ଦର୍ଶକ । ଏଥିପାଇଁ ଦର୍ଶକ ବେଶ୍ ଉତ୍ସାହିତ ଥିବା ବେଳେ ଏହି ଉତ୍ସାହକୁ ଦ୍ୱିଗୁଣିତ କରିଛି ୟଶ୍ ରାଜ୍ ଫିଲ୍ମସ । ହ୍ରିତିକ ଏବଂ ଏନଟିଆରଙ୍କ ସହ ‘ସ୍ତ୍ରୀ’ ଫେମ୍ ଶ୍ରଦ୍ଧା କପୁରଙ୍କୁ ମଧ୍ୟ ଏଣ୍ଟ୍ରି ମିଳିଛି । ସିନେମାରେ ଏକ ଡାନ୍ସ ନମ୍ବର ପାଇଁ ଫିଲ୍ମ ମେକର୍ସ ଶ୍ରଦ୍ଧାଙ୍କୁ ଫାଇନାଲ କରିଥିବା ଜାଣିବାକୁ ମିଳୁଛି । ଏହି ଗୀତର ଶୁଟିଙ୍ଗ ଖୁବଶୀଘ୍ର ଆରମ୍ଭ ହେବ ବୋଲି କୁହାଯାଇଛି । ଏହାପୂର୍ବରୁ ହ୍ରିତିକ ଏବଂ କିଆରା ଆଡଭାନୀଙ୍କୁ ନେଇ ଏକ ଗୀତ ଶୁଟ୍ ହୋଇସାରିଛି ।

ୱାର-୨ ଶୁଟିଙ୍ଗ କରିବା ପାଇଁ ମୁମ୍ବାଇରେ ପହଞ୍ଚି ସାରିଛନ୍ତି ଜୁନିୟର ଏନଟିଆର । ଫିଲ୍ମରେ ହ୍ରିତିକଙ୍କ ସହ ସିକ୍ୱେନ୍ସ ଦେବା ପାଇଁ ସେ ଦମଦାର ଟ୍ରାନ୍ସଫରମେସନ କରିବେ । କିଛି ଦିନ ତଳେ ଜାଣିବାକୁ ମିଳିଥିଲା ଯେ, ହ୍ରିତିକ ଏବଂ ଜୁନିୟର ଏନଟିଆରଙ୍କ ମଧ୍ୟରେ ଏକ ଡାନ୍ସ ଫେସ୍-ଅଫ୍ ଦେଖିବାକୁ ମିଳିପାରେ । ଏହା ଫିଲ୍ମକୁ ଆହୁରି ମଜାଦାର କରିବ ବୋଲି ଆଶା କରାଯାଉଛି । ତେବେ ଏ ନେଇ କୌଣସି ସ୍ପଷ୍ଟ ସୂଚନା ଦେଇ ନାହାନ୍ତି ଫିଲ୍ମ ମେକର୍ସ କିମ୍ବା ଆକ୍ଟର ।