‘କେମ୍ ଛୋ ମଜା ମା’… ‘ହୁ’ ମୁଖ୍ୟଙ୍କ ଭିଡିଓ ହେଉଛି ଭାଇରାଲ…
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଗୁଜରାଟ ଜାମନଗରରେ ‘ହୁ’ ଗ୍ଲୋବାଲ ସେଣ୍ଟର ଫର ଟ୍ରାଡିସନାଲ ମେଡିସିନର ଉଦଘାଟନ କରିଛନ୍ତି । କାର୍ଯ୍ୟକ୍ରମରେ ‘ହୁ’ ମୁଖ୍ୟ ଟେଡ୍ରୋସ ଅଧନମ ଘେବ୍ରେୟସ ଶିଳାନ୍ୟାସ କରିଛନ୍ତି । ଏହି ଅବସରରେ ମରିସସର ପ୍ରଧାନମନ୍ତ୍ରୀ ପ୍ରବିନ୍ଦ କୁମାର ଜଗନ୍ନାଥ, ଗୁଜରାଟ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ଏବଂ କେନ୍ଦ୍ର ଆୟୁଷ ମନ୍ତ୍ରୀ ସର୍ବାନନ୍ଦ ସୋନୋବାଲ, ସ୍ୱାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭେୟ ମଧ୍ୟ ଉପସ୍ଥିତ ରହିଥିଲେ ।
ଭାରତ ସରକାର ଏବଂ ବିଶ୍ୱ ସ୍ୱାସ୍ଥ୍ୟ ସଂଗଠନ ସହଭାଗୀତାରେ ଗୁଜରାଟ ଜାମନଗରରେ ଆୟୁର୍ବେଦିକ କେନ୍ଦ୍ର ନିର୍ମାଣ କରାଯାଉଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ହୁ’ ମୁଖ୍ୟ ଗୁଜରାଟରେ ଗ୍ଲୋବାଲ ସେଣ୍ଟର ଫର ଟ୍ରାଡିସନାଲ ମେଡିସିନ(ଜିସିଟିଏ)ର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଟେଡ୍ରୋସ ତିନିଦିନିଆ ଗସ୍ତରେ ଭାରତ ଆସିଛନ୍ତି ।
ଏହି ଅବସରରେ ଘେବ୍ରେୟସ ନିଜ ଭାଷଣ ଆରମ୍ଭରେ ନମସ୍କାର କରିଥିଲେ ଏବଂ ପରେ ଗୁଜରାତୀରେ କେମ ଛୋ ମଜାମା ପଚାରି ଲୋକଙ୍କ ହୃଦୟ ମଧ୍ୟ ଜିତିଥିଲେ । ତାଙ୍କୁ ଗୁଜରାଟୀ କହିବା ଦେଖି ପ୍ରଧାନମନ୍ତ୍ରୀ ମଧ୍ୟ ତାଳି ମାରି ତାଙ୍କ ଭାଷଣର ସ୍ୱାଗତ କରିଥିଲେ, ଉପସ୍ଥିତ ଥିବା ଲୋକମାନେ ମଧ୍ୟ ତାଳି ମାରି ତାଙ୍କ ଭାଷଣର ସ୍ୱାଗତ କରିଥିଲେ । ଯାହାର ଭିଡିଓ ଏବେ ଲୋକଙ୍କୁ ଖୁବ୍ ପସନ୍ଦ ଆସୁଛି ।
ଶିଳାନ୍ୟାସ କାର୍ଯ୍ୟକ୍ରମ ଅବସରରେ ଘେବ୍ରେୟସ କହିଥିଲେ ଯେ ଭାରତ ସହ ମୋର ବିଶେଷ ସମ୍ପର୍କ ଅଛି । ମୁଁ ଭାରତରୁ ପାରମ୍ପରିକ ଔଷଧ ବିଷୟରେ ଶିଖିଛି । ଏଥିପାଇଁ ମୁଁ ଭାରତୀୟ ଶିକ୍ଷକଙ୍କ କୃତଜ୍ଞ । ସେ ଆହୁରି କହିଥିଲେ ଯେ ପାରମ୍ପରିକ ଚିକିତ୍ସା କୁ ମଜବୁତ କରିବା ପାଇଁ ବିଞ୍ଜାନ ଶକ୍ତିର ବ୍ୟବହାର କରିବା ଦ୍ୱାରା ସହାୟକ ହେବ । ଏହି ମହତ୍ୱପୂର୍ଣ୍ଣ ଆରମ୍ଭ କରିଥିବାରୁ ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ଦେଉଛି ।
#WATCH | WHO Director-General Dr Tedros Adhanom Ghebreyesus greets the public in Gujarati during the inaugural ceremony of the WHO-Global Centre for Traditional Medicine in Jamnagar. pic.twitter.com/Mexd6RUXLw
— ANI (@ANI) April 19, 2022
