ଚଳନ୍ତା ଗାଡ଼ିରେ ମହିଳାଙ୍କୁ ଦୁଷ୍କର୍ମ: ଅଭିଯୁକ୍ତ ଗିରଫ

ଗ୍ୱାଲିୟର, ୨୩ା୨: ମଧ୍ୟପ୍ରଦେଶରେ ଜଣେ ମହିଳାଙ୍କୁ ଚଳନ୍ତା ଗାଡ଼ିରେ ଦୁଷ୍କର୍ମ କରାଯାଇଛି । ମହିଳାଙ୍କୁ ଜଣେ ଯୁବକ ମିଛରେ ବାହାନା କରି ଗାଡ଼ିରେ ବସାଇବା ପରେ ଦୁଷ୍କର୍ମ କରିଥିଲେ । ପରେ ମହିଳାଙ୍କୁ ଅଭିଯୁକ୍ତମାନେ ହୋଟେଲକୁ ମଧ୍ୟ ନେଇ ଦୁଷ୍କର୍ମ କରିଥିବା ମହିଳାଜଣକ ଅଭିଯୋଗ କରିଛନ୍ତି ।

ପୀଡ଼ିତା ମହିଳା ଜଣଙ୍କ ମଧ୍ୟପ୍ରଦେଶର ଗ୍ୱାଲିୟର ଜିଲ୍ଲାର କୁଲୈଥ ଗ୍ରାମର ନିବାସୀ ବୋଲି ଜଣାପଡ଼ିଛି । ମହିଳା ଜଣଙ୍କ ଦୁଷ୍କର୍ମ କରିଥିବା ଯୁବକ ଓ ସହଯୋଗ କରିଥିବା ଡ୍ରାଇଭରଙ୍କ ନାମରେ ଏହି ଆରୋପ ଲଗାଇଛନ୍ତି । ମହିଳାଙ୍କ ଅଭିଯୋଗକୁ ଭିତ୍ତିକରି ଅଭିଯୁକ୍ତଙ୍କୁ ଗିରଫ କରାଯାଇଥିବା ପୋଲିସ ସୂତ୍ରରୁ ପ୍ରକାଶ ।