ବିଶ୍ୱର ମହଙ୍ଗା ବ୍ଲଡ୍ ଗ୍ରୁପ୍, ଦୁନିଆରେ ମାତ୍ର ୪୩ ଜଣଙ୍କଠାରେ ଦେଖିବାକୁ ମିଳିଥାଏ
ନୂଆଦିଲ୍ଲୀ : ସାଧାରଣତଃ A , B, AB, 0+ ଏବଂ ନେଗେଟିଭ୍ ପରି ମଣିଷମାନଙ୍କଠାରେ ଅନେକ ବ୍ଲଡ୍ ଗ୍ରୁପ୍ ମିଳିଥାଏ। କିନ୍ତୁ ଗୋଟିଏ ବ୍ଲଡ୍ ଗ୍ରୁପ୍ ଅଛି, ଯାହା ବିଷୟରେ କେହି ଜାଣନ୍ତି ନାହିଁ। ଏହା ବହୁତ କମ୍ ଲୋକଙ୍କ ଶରୀରରେ ମିଳିଥାଏ। ଏହି କାରଣରୁ ଏହାକୁ ‘ଗୋଲଡେନ୍ ବ୍ଲଡ୍’ କୁହାଯାଏ। ଏହି ବ୍ଲଡ୍ ଯେକୌଣସି ଗ୍ରୁପ୍ର ବ୍ୟକ୍ତିଙ୍କୁ ଦାନ କରାଯାଇପାରେ। ଏହି ବ୍ଲଡ୍ ଗ୍ରୁପ୍ କେବଳ ସେହି ବ୍ୟକ୍ତିଙ୍କ ଶରୀରରେ ମିଳିଥାଏ, ଯାହାର Rh ଫ୍ୟାକ୍ଟର୍ ନଲ୍ (Rh-null) ଥାଏ।
ବ୍ଲଡ୍ ଗ୍ରୁପ୍ କୁହାଯାଉଥିବା Rh Null ବ୍ଲଡ୍ ଗ୍ରୁପ୍ ରେଡ୍ ବ୍ଲଡ୍ ସେଲ୍ସ(RBCs)ରେ କୌଣସି Rh ଆଣ୍ଟିଜେନ୍ସ (ପ୍ରୋଟିନ) ନାହିଁ। ଯଦି ଏହି ପ୍ରୋଟିନ ରେଡ୍ ସେଲ୍ସ (RBC)୍ରେ ଥାଏ। ତେବେ ଏହି ବ୍ଲଡ୍କୁ Rh ପଜିଟିଭ କୁହାଯାଏ। କିନ୍ତୁ ଏହି ବ୍ଲଡ୍ ଗ୍ରୁପ୍ର ଲୋକଙ୍କ ପାଖରେ Rh ଫ୍ୟାକ୍ଟର୍ ନଲ୍ ଅଛି ।
ବିଶ୍ୱବ୍ୟାପୀ ଏହା ଏକ ବିରଳ ବ୍ଲଡ୍ ଗ୍ରୁପ୍। କାରଣ ଏହା କେବଳ ୪୩ ଜଣଙ୍କଠାରେ ଦେଖାଯାଏ। ଯେଉଁମାନଙ୍କର ଏହି ବ୍ଲଡ୍ ଗ୍ରୁପ୍ ଅଛି, ସେମାନେ ଆମେରିକା, ବ୍ରାଜିଲ, କଲମ୍ବିଆ ଏବଂ ଜାପାନର ହୋଇଥାନ୍ତି। ଦୁନିଆରେ ଏହି ବ୍ଲଡ୍ ଗ୍ରୁପ୍ର ୯ ଜଣ ଲୋକ ଅଛନ୍ତି, ଯେଉଁମାନେ ବ୍ଲଡ୍ ଦାନ କରିପାରିବେ। ସେଥିପାଇଁ ଏହି ବ୍ଲଡ୍ ଗ୍ରୁପ୍କୁ ଗୋଲ୍ଡ ବ୍ଲଡ୍ କୁହାଯାଏ। ଏହା ଦୁନିଆର ସବୁଠାରୁ ମହଙ୍ଗା ବ୍ଲଡ୍ ଗ୍ରୁପ୍ ଅଟେ। ଏହି ବ୍ଲଡ୍ ଗ୍ରୁପ୍ ଦୁନିଆର କେବଳ ୪୩ ଜଣଙ୍କଠାରେ ଦେଖାଯାଏ, ଯେଉଁଥିପାଇଁ ଏହି ଗ୍ରୁପ୍ର ରକ୍ତଦାତା ଖୋଜିବା କଷ୍ଟକର।
