ସୋମବାର ସନ୍ଧ୍ୟାରେ ଏପରି କରନ୍ତୁ ମହାଦେବଙ୍କ ପୂଜା, ଭୋଲେନାଥ ଖୁସି ହୋଇ ଦେବେ ଅଭୟ ବରଦାନ

ନୂଆଦିଲ୍ଲୀ:  ହିନ୍ଦୁ ଧର୍ମରେ ପ୍ରତ୍ୟେକ ତିଥି ଏବଂ ଦିନ ଭିନ୍ନ ଭିନ୍ନ ଦେବା ଦେବୀଙ୍କ ପାଇଁ ସମର୍ପିତ। ତନ୍ମଧ୍ୟରୁ ସୋମବାରଟି ଭୋଲେନାଥଙ୍କ ପାଇଁ ସମର୍ପିତ। ଭଗବାନ ଶିବଙ୍କ ବିଷୟରେ କୁହାଯାଏ ଯେ ଯଦି କେହି ଶିବଲିଙ୍ଗ ଉପରେ ପାଣି ଓ ବେଲପାତ୍ର ଅର୍ପଣ କରନ୍ତି, ତେବେ ବାବା ଖୁସି ହୋଇ ଭକ୍ତଙ୍କ ମନପସନ୍ଦର ବର ପ୍ରଦାନ କରନ୍ତି।

ଭଗବାନ ଶିବଙ୍କୁ ପ୍ରସନ୍ନ କରିବା ଏବଂ ତାଙ୍କର ଆଶୀର୍ବାଦ ପାଇବା ପାଇଁ ଭକ୍ତମାନେ ସୋମବାର ଦିନ ଉପବାସ ଏବଂ ପୂଜା କରନ୍ତି। ଏହି ଦିନ ଶହ ଶହ ଭକ୍ତ ଶିବ ମନ୍ଦିରରେ ଭଗବାନ ଶିବଙ୍କ ପୂଜା କରନ୍ତି।

ହେଲେ ଯଦି ଏହି ଦିନ ସନ୍ଧ୍ୟାରେ ଠିକ୍ ଭାବରେ ମହାପ୍ରଭୁ ଭୋଲେନାଥଙ୍କର ପୂଜା କରାଯାଏ, ଏବଂ କିଛି ବିଶେଷ ପଦକ୍ଷେପ ନିଆଯାଏ ତେବେ ଭକ୍ତଙ୍କ ମନବାଞ୍ଛା ପୂରଣ ହୁଏ ବୋଲି କୁହାଯାଏ।

ସକାଳ ପୂଜା:  ସୋମବାର ଦିନ ବ୍ରହ୍ମ ମୁହୂର୍ତ୍ତରେ ଉଠି ସ୍ନାନ ସାରନ୍ତୁ। ପରେ ପୂଜା ଘର ସଫା କରନ୍ତୁ। ଏହାସହ ଗଙ୍ଗାଜଳ ସିଞ୍ଚନ କରି ମନ୍ଦିରକୁ ପବତ୍ର କରନ୍ତୁ।  ତା’ପରେ ଭୋଲେନାଥଙ୍କୁ କ୍ଷୀର, ଜଳ, ଗଙ୍ଗାଜଳ ଇତ୍ୟାଦିରେ ସ୍ନାନ କରାଅ ଏବଂ ସୂର୍ଯ୍ୟ ଦେବତାଙ୍କୁ ଜଳ ଅର୍ପଣ କର।

ଏହା ପରେ, ଭୋଲେନାଥଙ୍କୁ ବେଲପତ୍ର, ସମୀପତ୍ର, ଦୁବ, କୁଶ, କମଳ, ନୀଳକମଳ, ଜବାଫୁଲ କାନେର, ରାଇ ଫୁଲ ଇତ୍ୟାଦି ଅର୍ପଣ କର ଏବଂ ଭଗବାନ ଶିବଙ୍କୁ ଧ୍ୟାନ କର। ଏହା ପରେ, ଭଗବାନ ଶିବଙ୍କ ବୀଜ ମନ୍ତ୍ର ‘ଓମ୍ ନମଃ ଶିବାୟ’ ୧୦୮ ଥର ଜପ କର।

ସନ୍ଧ୍ୟା ପୂଜା:  ଭକ୍ତ ସୂର୍ଯ୍ୟାସ୍ତ ପୂର୍ବରୁ ସ୍ନାନ କରିବା ଉଚିତ। ଯଦି ଆପଣ ଅସୁସ୍ଥ ଅଛନ୍ତି କିମ୍ବା କୌଣସି କାରଣରୁ ସ୍ନାନ କରିପାରୁନାହାଁନ୍ତି, ତେବେ ଆପଣଙ୍କ ଶରୀରକୁ ପାଣିରେ ପୋଛି ଦିଅନ୍ତୁ ଏବଂ ତା’ପରେ ନିଜ ଉପରେ ଗଙ୍ଗାଜଳ ଛିଞ୍ଚନ୍ତୁ।

ଏବେ ଶିବଲିଙ୍ଗରେ ଅଭିଷେକ କରନ୍ତୁ। ଯଦି ସମ୍ଭବ ହୁଏ ତେବେ ପଞ୍ଚାମୃତ ସହିତ ଭୋଲେନାଥଙ୍କ ଅଭିଷେକ କରନ୍ତୁ। ଏହା ପରେ ଶିବଲିଙ୍ଗରେ ଚନ୍ଦନ ଲେପ ଲଗାନ୍ତୁ ଏବଂ ବେଲପତ୍ର, ଧଳା ଫୁଲ, ଧାତୁରା ଇତ୍ୟାଦି ଅର୍ପଣ କରନ୍ତୁ।

ଏହା ପରେ, ଭଗବାନ ଶିବ ଏବଂ ମାତା ପାର୍ବତୀଙ୍କ ଧ୍ୟାନ କରନ୍ତୁ ଏବଂ ମୂର୍ତ୍ତି ସମ୍ମୁଖରେ ଘିଅ ଦୀପ ଜାଳନ୍ତୁ। ଏବେ ଶିବ ଚାଳିଶା କିମ୍ବା ମହାମୃତ୍ୟୁଞ୍ଜୟ ଜପ କରନ୍ତୁ ଏବଂ ଭଗବାନ ଶିବ ଏବଂ ମାତା ପାର୍ବତୀଙ୍କ ଆରତୀ କରନ୍ତୁ।

ଏହା ପରେ, ଭଗବାନଙ୍କୁ ଖୀର, ଫଳ ଏବଂ ମିଠା ଅର୍ପଣ କରନ୍ତୁ। ତା’ପରେ ଆପଣଙ୍କ ଆଖପାଖର ଲୋକଙ୍କ ମଧ୍ୟରେ ପ୍ରସାଦ ବଣ୍ଟନ କରନ୍ତୁ।

ଆପଣଙ୍କୁ ଜଣାଇ ଦେଉଛୁ ଯେ ସନ୍ଧ୍ୟା ସମୟରେ ସୂର୍ଯ୍ୟାସ୍ତ ପୂର୍ବରୁ ଗୋଟିଏ ଘଣ୍ଟା ଏବଂ ସୂର୍ଯ୍ୟାସ୍ତ ପରେ ଗୋଟିଏ ଘଣ୍ଟା ସମୟ ଶିବ ପୂଜା ପାଇଁ ଅତ୍ୟନ୍ତ ସ୍ୱତନ୍ତ୍ର ବୋଲି ବିବେଚନା କରାଯାଏ। ଏହାଦ୍ୱାରା ଅନେକ ରିଷ୍ଟ ଖଣ୍ଡନ ହୁଏ।