WPL 2024: ଘୋଷଣା ହେଲା ସିଡ଼୍ୟୁଲ, ଜାଣନ୍ତୁ କେଉଁଠି ଖେଳାଯିବ ଫାଇନାଲ ମ୍ୟାଚ୍…
Advertisement
ନୂଆଦିଲ୍ଲୀ: Women’s Premier League(WPL)2024ର ସିଡ୍ୟୁଲ ପ୍ରକାଶ ପାଇଛି । ଫେବୃଆରୀ ୨୩ରେ ଆରମ୍ଭ ହେବାକୁ ଥିବା WPLରେ ମୋଟ୍ ୨୨ଟି ମ୍ୟାଚ ଅନୁଷ୍ଠିତ ହେବ । WPLର ଶେଷ ମ୍ୟାଚ୍ ମାର୍ଚ୍ଚ ୧୭ରେ ଦିଲ୍ଲୀର ଅରୁଣ ଜେଟଲୀ ଷ୍ଟାଡ଼ିୟମରେ ଖେଳାଯିବ । ସମସ୍ତ ମ୍ୟାଚ୍ ସନ୍ଧ୍ୟା ୭ଟା ୩୦ରେ ଆରମ୍ଭ ହେବ । ତେବେ ମାର୍ଚ୍ଚ ୧୫ରେ ଏଲିମିନେଟର ମ୍ୟାଚ୍ ଖେଳାଯିବ । ଗତ ସିଜିନ୍ ପରି WPL 2024ରେ କୌଣସି ହୋମ୍ ଆୱେ ଫର୍ମାଟ ରହିବ ନାହିଁ ।
WPL 2024ର ପ୍ରଥମ ମ୍ୟାଚ୍ ବେଙ୍ଗାଲୁରୁର ଚିନ୍ନସ୍ୱାମୀ ଷ୍ଟାଡ଼ିୟମରେ ଖେଳାଯିବ । ଗତ ବର୍ଷର ଚମ୍ପିଆନ୍ ମୁମ୍ବାଇ ଇଣ୍ଡିଆନ୍ସ ଏବଂ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ପ୍ରଥମ ମୁକାବିଲା ହେବ । ଚଳିତ ସିଜିନରେ କେବଳ ଦିଲ୍ଲୀ ଆଉ ବେଙ୍ଗାଲୁରୁରେ ମ୍ୟାଚ୍ ଅନୁଷ୍ଠିତ ହେବାକୁଥିବା ବେଳେ WPL 2024ର ଫର୍ମାଟ ଗତ ବର୍ଷର ଫର୍ମାଟ ପରି ଅପରିବର୍ତ୍ତିତ ରହିବ । ଏହି ମ୍ୟାଚର ଲିଗ୍ ରାଉଣ୍ଡରେ ୩ଟି ଦଳ ପ୍ଲେ ଅଫ୍ ପାଇଁ କ୍ୟୁାଲିଫାଇ କରିବେ । ପଏଣ୍ଟ ଟେବୁଲରେ ଶୀର୍ଷରେ ଥିବା ଦଳ ସିଧା ଫାଇନାଲ ମ୍ୟାଚ୍ ପାଇଁ କ୍ୟୁାଲିଫାଇ କରିବ । ସେହିପରି ୨ୟ ଏବଂ ୩ୟ ସ୍ଥାନରେ ରହିଥିବା ଦଳ ମାର୍ଚ୍ଚ ୧୫ରେ ଏଲିମିନେଟର ମ୍ୟାଚ୍ ଖେଳିବେ । ଚଳିତ ସିଜିନ୍ ଅଧିକ ରୋମାଞ୍ଚକର ହେବ ବୋଲି ଆଶା କରାଯାଉଛି । କାରଣ ଏଥର କିଛି ନୂଆ ଖେଳାଳୀଙ୍କୁ ମଇଦାନରେ ଦେଖିବାକୁ ମିଳିବ ।
🚨 BREAKING: NEWS 🚨
The schedule for the second edition of WPL is now out.
The tournament will start in Bengaluru and finish in New Delhi.
Start on February 23, final to be played on March 17.#WPL2024 #CricketTwitter pic.twitter.com/PROW0f1ISQ
— Female Cricket (@imfemalecricket) January 23, 2024