ଅଯୋଧ୍ୟା: ରାମଲଲାଙ୍କ ପ୍ରାଣ ପ୍ରତିଷ୍ଠାରେ ସାମିଲ ହେବେ ୧୧ ହଜାର VIP ଅତିଥି, ଦିଆଯିବ ଖାସ୍ ଉପହାର, ଫଟୋ ଦେଖନ୍ତୁ
ନୂଆଦିଲ୍ଲୀ: ଜାନୁଆରୀ ମାସ ୨୨ ତାରିଖରେ ମର୍ଯ୍ୟାଦାପୁରୁଷ ପ୍ରଭୁ ଶ୍ରୀରାମ ଚନ୍ଦ୍ରଙ୍କ ପ୍ରାଣ ପ୍ରତିଷ୍ଠା ଉତ୍ସବ ଆୟୋଜିତ ହେବ । ରାମ ମନ୍ଦିରର ଏହି ଭବ୍ୟ ଉଦଘାଟନୀ ଉତ୍ସବକୁ ଅବିସ୍ମରଣୀୟ କରିବା ପାଇଁ ବଡ଼ ଜୋରସୋରରେ ପ୍ରସ୍ତୁତି ପ୍ରକ୍ରିୟା ଅନ୍ତିମ ପର୍ଯ୍ୟାୟରେ ପହଞ୍ଚିଛି । ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ କ୍ରମାଗତ ଭାବେ ପ୍ରସ୍ତୁତି ଜାରି ରଖିଥିବା ବେଳେ ରାମ ମନ୍ଦିରର ଏହି ମହାଯଜ୍ଞରେ ଦେଶର ପ୍ରତି ରାମ ଭକ୍ତ ନିଜକୁ ସମର୍ପିତ କରୁଛି ।
ଆସନ୍ତା ୨୨ ତାରିଖରେ ବହୁ ସନ୍ଥ, ମହାତ୍ମା, ଜୈନ ଭକ୍ତମାନେ ଅଯୋଧ୍ୟା ପହଞ୍ଚିବେ । ଜାନୁଆରୀ ୧୨ ତାରିଖରୁ ଅତିଥିମାନଙ୍କର ଅଯୋଧ୍ୟାକୁ ଯାତ୍ରା ଆରମ୍ଭ ହୋଇଯିବ । ରାମ ନଗରୀରେ ୧୧ ହଜାରରୁ ଅଧିକ ଭିଆଇପି ଅତିଥିଙ୍କୁ ସ୍ୱାଗତ କରିବା ପାଇଁ ବ୍ୟବସ୍ଥା କରାଯାଉଛି । ତେବେ ଅଯୋଧ୍ୟାରେ ପହଞ୍ଚିବା ପରେ ରାମ ଭକ୍ତମାନଙ୍କୁ ସନାତନ ସେବା ଟ୍ରଷ୍ଟ ତରଫରୁ ରାମ ଜନ୍ମଭୂମି ସହ ଜଡ଼ିତ ସ୍ମୃତି ଚିହ୍ନ ପ୍ରଦାନ କରାଯିବ । ପ୍ରଭୁ ରାମଙ୍କ ସହ ଜଡ଼ିତ ଏହି ସ୍ମୃତି ଚିହ୍ନ ବେଶ୍ ଖାସ୍ ହେବ ବୋଲି କୁହାଯାଉଛି ।
ଅତିଥିମାନଙ୍କୁ ଦୁଇଟି ବାକ୍ସ ପ୍ରଦାନ କରାଯିବ । ସେଥିମଧ୍ୟରୁ ଗୋଟିଏ ପ୍ରସାଦ-ଘିଅରେ ପ୍ରସ୍ତୁତ ବେସନ ଲଡଡୁ ଓ ପାରମ୍ପରିକ ଭଭୂତ ରହିବ । ଅନ୍ୟ ବାକ୍ସରେ ଭଗବାନଙ୍କ ରାମ ଜହ ଜଡ଼ିତ ବସ୍ତୁ ସାମିଲ କରାଯିବ । ମନ୍ଦିର ଗର୍ଭଗୃହର ମାଟି, ପ୍ୟାକେଟ ସରାୟୁ ଜଳ, ଏକ ପିତ୍ତଳ ଥାଳି ଓ ରାମ ମନ୍ଦିରର ଇତିହାସ ଓ ସଂଘର୍ଷର ପ୍ରତୀକ ଏକ ରୁପା ମୁଦ୍ରା ଆଦିକୁ ଏକ ବିଶେଷ ଭାବେ ପ୍ରସ୍ତୁତ ଜୁଟ ବ୍ୟାଗରେ ରଖାଯାଇଛି ।
ବହୁ ଦିନ ପୂର୍ବରୁ ସନାତନ ସେବା ଟ୍ରଷ୍ଟକୁ ଏହି ଦାୟିତ୍ୱ ଦିଆଯାଇଥିଲା । ଯେହେତୁ ୧୧ ହଜାରରୁ ଅଧିକ ବକ୍ସ ପ୍ରସ୍ତୁତି କରିବାର ଥିଲା, ତେଣୁ ଏହାର ପ୍ରସ୍ତୁତି ମାସାଧିକ ପୂର୍ବରୁ ଆରମ୍ଭ ହୋଇଥିଲା । ବିଭିନ୍ନ ସ୍ଥାନରୁ ଏହି ଅର୍ଡର ଅଯୋଧ୍ୟାରେ ପହଞ୍ଚୁଥିବା ବେଳେ ଅତିଥିମାନେ ଅଯୋଧ୍ୟାରେ ପହଞ୍ଚିବା କ୍ଷଣି ସେମାନଙ୍କୁ ରାମଲାଲ ସ୍ମୃତି ଚିହ୍ନ ପ୍ରଦାନ କରାଯିବ । ଏହା ମାଧ୍ୟମରେ ଭକ୍ତମାନେ ରାମଲଲାଙ୍କର ଦର୍ଶନର ସୌଭାଗ୍ୟ ପ୍ରାପ୍ତ କରିବା ସହିତ ପ୍ରଭୁ ରାମଙ୍କ ସହ ଜଡ଼ିତ ଜିନିଷକୁ ନିଜ ପାଖେ ସ୍ମୃତି ଭାବେ ରଖି ପାରିବେ ।
The grand inauguration of Ram Temple is all set to take place in Ayodhya on Jan 22. Special arrangements are being made to welcome over 11,000 VIP guests.
Guests will be provided with two boxes, one containing prasad – besan laddu made with ghee and the traditional 'bhabhoot'.… pic.twitter.com/oGln0LfWST
— IndiaToday (@IndiaToday) January 10, 2024
