ହାଇସ୍କୁଲରେ ଗୁଳିମାଡ, 4ମୃତ
4 Dead In School Shooting In US's Georgia
ନୂଆଦିଲ୍ଲୀ: ଆମେରିକାରେ ଗୁଳି ଏବଂ ବନ୍ଧୁକ ରଖିବା ଏକ ପ୍ରକାର ମୁଣ୍ଡବ୍ୟଥାର କାରଣ ସାଜିଛି । ଆମେରିକାରେ ଗୁଳିମାଡ ନେଇ ଅନେକ ଖବର ସାମ୍ନାକୁ ଆସୁଥିବା ଆଜି ଆଉ ଏକ ସ୍କୁଲରେ ଆଖିବୁଜା ଗୁଳିମାଡ ହୋଇଥିବା ଖବର ସାମ୍ନାକୁ ଆସିଛି । ଗୁଳିମାଡରେ ଟଳିପଡିଲେ ଶିକ୍ଷକ ଏବଂ ଛାତ୍ର । ଆମେରିକା ଜର୍ଜିଆର ଏକ ହାଇସ୍କୁଲରେ ଏହି ଗୁଳିମାଡ ହୋଇଥିବା ସୂଚନା ରହିଛି । 2ଜଣ ଛାତ୍ର ଏବଂ 2 ଜଣ ଶିକ୍ଷକଙ୍କ ମୃତ୍ୟୁ ହୋଇଥିବା ବେଳେ 20ରୁ ଅଧିକ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଆହତମାନଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ଅନ୍ତର୍ଜାତୀୟ ଗଣମାଧ୍ୟର ରିପୋର୍ଟ ଅନୁସାରେ, ଏହି ଘଟଣା ଭାରତୀୟ ସମୟ ଅନୁସାରେ ରାତି 8ଟାରେ ହୋଇଥିଲା । ଖବର ପାଇ ପୋଲିସ ସଙ୍ଗେସଙ୍ଗେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ଗୁଳିଚଳାଇ ଥିବା ଆତତାୟୀକୁ ପୋଲିସ ଅଟକ ରଖିବା ସହିତ ପଚରାଉଚରା ଆରମ୍ଭ କରିଛି । ତେବେ ସବୁଠାରୁ ବଡ ଆଶ୍ଚର୍ଯ୍ୟକର ବିଷୟ ହେଇଛି ଗୁଳିମାଡ କରିଥିବା ଦୁର୍ବୃତ୍ତ ଉକ୍ତ ସ୍କୁଲର ଛାତ୍ର ବୋଲି ଜଣାପଡିଛି। କିନ୍ତୁ ପୋଲିସ ତରଫରୁ ଏନେଇ କୌଣସି ସ୍ପଷ୍ଟ ସୂଚନା ଦିଆଯାଇ ନାହିଁ ।
ତେବେ ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି । ସବୁ ସ୍କୁଲକୁ ବନ୍ଦ ରଖିବା ପାଇଁ ଆଦେଶ ଦିଆଯାଇଛି । ଏନେଇ ଜର୍ଜିଆର ଗର୍ଭର୍ଣ୍ଣର ଏକ୍ସରେ ପୋଷ୍ଚ କରି କହିଛନ୍ତି, “ମୁଁ ଜର୍ଜିଆବାସୀଙ୍କୁ ଅନୁରୋଧ କରି କହୁଛି ଯେ, ସ୍କୁଲରେ ରହିଥିବା ଲୋକଙ୍କ ସୁରକ୍ଷା ପାଇଁ ପ୍ରାର୍ଥନା କରନ୍ତୁ । ଆମେ ଏହି ବିପଦରୁ ମୁକୁଳିବା ପାଇଁ ସ୍ଥାନୀୟ ପ୍ରଶାସନ ସହିତ ମିଶି କାର୍ଯ୍ୟ କରୁଛୁ । “ ଅନ୍ୟପଟେ ଏନେଇ ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କୁ ମଧ୍ୟ ଅବଗତ କରାଯାଇଛି । ତେବେ ଅନେକ ହସ୍ପିଟାଲରେ ଭର୍ତ୍ତି ହୋଇଥିବା କାରଣରୁ ଆଗକୁ ମଧ୍ୟ ମୃତ୍ୟୁ ସଂଖ୍ୟା ବୃଦ୍ଧି ପାଇପାରେ ବୋଲି ଅନୁମାନ କରାଯାଉଛି ।
I have directed all available state resources to respond to the incident at Apalachee High School and urge all Georgians to join my family in praying for the safety of those in our classrooms, both in Barrow County and across the state. (1/2)
— Governor Brian P. Kemp (@GovKemp) September 4, 2024