ଏମିତି ବି ଆସେ ମୃତ୍ୟୁ ! ଚପଲ ପାଇଁ ଲିଭିଗଲା ଗୋଟିଏ ପରିବାରର ୪ ଦୀପ

ଗାନ୍ଧୀନଗର: ଗୁଜୁରାଟରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଏକକାଳୀନ ଗୋଟିଏ ପରିବାରର ୪ ଜଣଙ୍କ ଜୀବନ ଚାଲିଯାଇଛି । ଏମାନଙ୍କ ମୃତ୍ୟୁର କାରଣ ଜାଣିଲେ ଆପଣଙ୍କୁ ମଧ୍ୟ ଆଶ୍ଚର୍ଯ୍ୟ ଲାଗିବ । ମାତ୍ର ଗୋଟିଏ ଚପଲ ପାଇଁ ପରିବାରର ୪ ଜଣଙ୍କ ମୃତ୍ୟୁ ଘଟିଛି । ମୃତ ପରିବାରର ପ୍ରକୃତ ଘର ରାଜସ୍ଥାନ ଅଲୱରସ୍ଥିତ ଲକ୍ଷ୍ମଣଗଡ଼ରେ । କିନ୍ତୁ ସେମାନେ କପାସ ଜମିରେ କାମ କରିବା ପାଇଁ ସପରିବାରେ ଗୁଜୁରାଟ ଆସିଥିଲେ ।

ପ୍ରକୃତ ଘଟଣା କିଛି ଏମିତି ଥିଲା, ସେମାନଙ୍କ ସାଥିରେ ଥିବା ଏକ ଛୋଟ ପିଲା କେନାଲରେ ବୁଢ଼ିଯାଉଥିଲା । ଏହାଦେଖି ପରିବାର ଜଣେ ମହିଳା ପିଲାଟିକୁ ପାଣିରୁ ଉଦ୍ଧାର କରିଆଣିଲେ । କିନ୍ତୁ ଏତିକିବେଳେ ମହିଳାଙ୍କ ଚପଲ ପାଣି ଭିତରେ ଫସି ରହିଯାଇଥିଲା । ଯାହାକୁ ଆଣିବା ପାଇଁ ପରିବାରର ଜଣେ ପାଣି ମଧ୍ୟକୁ ଯାଇଥିଲେ । ଏହାପରେ ସେ ବୁଢ଼ିଯିବାର ଦେଖି ଆଉ ଜଣେ ସମାନ ପ୍ରକାର ତାଙ୍କୁ ଉଦ୍ଧାର କରିବାକୁ ଯାଇ ଜଣ ଜଣ କରି ୪ ଜଣ ପାଣିରେ ବୁଡ଼ି ପ୍ରାଣ ହରାଇଥିଲେ । ଗୁଜୁରାଟ ସରକାର ଘଟଣାର ସୂଚନା ରାଜସ୍ଥାନ ସରକାରଙ୍କୁ ଜଣାଇଛନ୍ତି । ପରିବାରର ମୃତୁ୍ୟରେ ସମବେଦନା ଜଣାଇ ଗୁଜୁରାଟ ସରକାର ସେମାନଙ୍କ ସାହାର୍ଯ୍ୟ କରିବେ ବୋଲି ପ୍ରତିଶୃତି ଦେଇଛନ୍ତି ।