ତାଲିବାନ ମାନଙ୍କ ବିରୋଧରେ ଲଢ଼ିବା ପାଇଁ ଅଫଗାନ୍ ସେନାରେ ଭର୍ତ୍ତି ହେବାପାଇଁ ପହଞ୍ଚିଲେ ୫ହଜାର ଯୁବକ-ଯୁବତୀ
କାବୁଲ: ଆଫଗାନିସ୍ତାନରେ ତାଲିବାନ ସହ ଚାଲିଥିବା ଯୁଦ୍ଧର ମୁକାବିଲା ପାଇଁ ଏବେ ଦେଶର ଯୁବକମାନେ ଆଗେଇ ଆସିଛନ୍ତି । ଏହି ପରିପ୍ରେକ୍ଷୀରେ ରବିବାର ଦିନ ସେନାବାହିନୀରେ ଯୋଗଦେବା ପାଇଁ କାବୁଲରେ ୫ ହଜାର ଯୁବକ ଓ ଯୁବତୀ ଉପସ୍ଥିତ ଥିଲେ। ଏମାନେ ରାଷ୍ଟ୍ରୀୟ ମିଲିଟାରୀ ଏକାଡେମୀ ପ୍ରବେଶିକା ପରୀକ୍ଷା ପାଇଁ ହାଜର ହୋଇଥିଲେ। ପରୀକ୍ଷାର୍ଥୀଙ୍କ ମଧ୍ୟରେ ଉଭୟ ଯୁବକ ଓ ଯୁବତୀ ଉପସ୍ଥିତ ଥିଲେ । କାବୁଲର ମାର୍ଶଲ ଫାହିମ ଜାତୀୟ ସାମରିକ ଏବଂ ପ୍ରତିରକ୍ଷା ବିଶ୍ୱବିଦ୍ୟାଳୟରେ ପରୀକ୍ଷା ଦେବା ପାଇଁ ଆସିଥିଲେ ।
ତେବେ ଗତକାଲି ଆଫଗାନିସ୍ତାନ ରାଷ୍ଟ୍ରପତି ଅଶରଫ ଗନିଙ୍କ ଏକ ବିବୃତ୍ତି ସାମନାକୁ ଆସିଥିଲେ । ଯେଉଁôତରେ ସେ କହିଥିଲେ ତାଲିବାନ ମାନଙ୍କ ବିରୋଧରେ ସମଗ୍ର ଦେଶ ବର୍ତ୍ତମାନ ଏକାଠି ହେବା । ଆଉ ଏହି ବୟାନ ପରେ ୫ ହଜାର ଯୁବକ ସେନାରେ ଯୋଗଦେବାକୁ ଆଗେଇ ଆସିଛନ୍ତି । ତେବେ ପରୀକ୍ଷା କେନ୍ଦ୍ରରେ ଆଫଗାନିସ୍ତାନ ସେନାର ମୁଖ୍ୟ ଜେନେରାଲ୍ ୱାଲି ମହମ୍ମଦ ଅହମ୍ମଦଜଇ ମଧ୍ୟ ଉପସ୍ଥିତ ଥିଲେ ଏବଂ ସେନାରେ ଯୋଗଦେବାକୁ ଆଗେଇ ଆସିଥିବା ଏହି ଯୁବକମାନଙ୍କୁ ପ୍ରଶଂସା କରିଥିଲେ।
