ବଦଳୁଛି କର୍ମଚାରୀଙ୍କ ପସନ୍ଦ, ୭୮ ପ୍ରତିଶତ ଭାରତୀୟ କର୍ମଚାରୀ ଏବେ ଅଫିସକୁ ଆସିବାକୁ କରୁଛନ୍ତି ପସନ୍ଦ କରନ୍ତି
ନୂଆଦିଲ୍ଲୀ: ମହାମାରୀ ପରେ ପରେ ଏବେ କାର୍ଯ୍ୟାଳୟ ଗୁଡି଼କରେ ୱାର୍କଫର୍ମ ହୋମ ସାରିଛି। କିନ୍ତୁ ଆପଣ ଜାଣନ୍ତି କି ବର୍ତ୍ତମାନ କର୍ମଚାରୀ କାହାକୁ ଅଧିକ ପସନ୍ଦ କରୁଛନ୍ତି। ଘରେ ରହି କାମ କରିବା ନା ଅଫିସ ଆସିବାକୁ ପସନ୍ଦ କରୁଛନ୍ତି । ଏକ ରିପୋର୍ଟରେ ଦର୍ଶାଯାଇଛି ଯେ ୭୮ ପ୍ରତିଶତ ଭାରତୀୟ କର୍ମଚାରୀ ଅଫିସକୁ ଆସିବାକୁ ପସନ୍ଦ କରୁଛନ୍ତି।
୧୦ ଜଣ କର୍ମଚାରୀଙ୍କ ମଧ୍ୟରୁ ୮ ଜଣ ଅନୁଭବ କରନ୍ତି ଯେ ସେମାନେ ସହକର୍ମୀମାନଙ୍କ ସହିତକାର୍ଯ୍ୟ କରିବାକୁ ପସନ୍ଦ କରୁଛନ୍ତି । ରିପୋର୍ଟ ଅନୁଯାୟୀ, ଯେଉଁ କର୍ମଚାରୀମାନେ ସାଧାରଣତଃ ଅଫିସକୁ ଆସିବାକୁ ପସନ୍ଦ କରନ୍ତି ସେମାନେ ଏଥିରେ ଅନେକ ସୁବିଧା ଦେଖନ୍ତି । ଏହି ପରିପ୍ରେକ୍ଷୀରେ, ଲିଙ୍କଦିନ ଦେଶର ପ୍ରାୟ ଏକ ହଜାର କର୍ମଚାରୀଙ୍କ ମତାମତ ନେଇଥିଲେ। ୮୬ ପ୍ରତିଶତ ଉତ୍ତର ଦେଇଛନ୍ତି ଯେ ପୂର୍ବ ବର୍ଷ ତୁଳନାରେ ସେମାନେ କାମ କରିବାକୁ ଅଧିକ ସକାରାତ୍ମକ ଅନୁଭବ କରୁଛନ୍ତି। ଏହି ସର୍ଭେ ୨୮ ଫେବୃଆରୀରୁ ୬ ମାର୍ଚ୍ଚ ୨୦୨୩ ପର୍ଯ୍ୟନ୍ତ ୧୮ ବର୍ଷରୁ ଅଧିକ ଲୋକଙ୍କ ମଧ୍ୟରେ କରାଯାଇଥିଲା।
ପ୍ରାୟତଃ ପ୍ରଶ୍ନ ଉଠେ ଯେ ୱାର୍କଫର୍ମ ହୋମ ମଡେଲରେ କାମ କରିବା ଏବଂ ଅଫିସରେ କାମ କରିବା କ୍ୟାରିୟର ଉପରେ ପ୍ରଭାବ ପକାଇବ କି? ସର୍ବେକ୍ଷଣରେ, ୬୩ ପ୍ରତିଶତ କର୍ମଚାରୀ ପ୍ରତିକ୍ରିୟାରେ କହିଛନ୍ତି ଯେ ସେମାନେ ଘରୁ କାମ କରି ନିଜ କ୍ୟାରିୟରରେ କୌଣସି କ୍ଷତି ଦେଖନ୍ତି ନାହିଁ। ତଥାପି, ବହୁ ସଂଖ୍ୟକ କର୍ମଚାରୀ ଅନୁଭବ କଲେ ଯେ ଯଦି ସେମାନେ ଅଫିସକୁ ଅଧିକ ଯାଆନ୍ତି ନାହିଁ, ତେବେ କ୍ୟାରିୟରରେ ଉନ୍ନତିର ସୁଯୋଗ କମ୍ ହୋଇପାରେ।
-କିଛି କର୍ମଚାରୀ ଏପରି ଅଛନ୍ତି ଯେଉଁମାନେ ନିଜ ଡେସ୍କ ରେ କାମ କରିବା ପସନ୍ଦ। ଏହା ସହ ସହକର୍ମୀଙ୍କ ଡେସ୍କକୁ ଯାଇ କଥା ହେବା ମଧ୍ୟ ତାଙ୍କୁ ପସନ୍ଦ ।
କିନ୍ତୁ ୱାର୍କଫର୍ମ ହୋମରେ ଏଭଳି କିଛି ସମ୍ଭବ ହୁଏ ନାହିଁ ।
-ପ୍ରାୟ ୬୦ ପ୍ରତିଶତ କର୍ମଚାରୀ କହିଛନ୍ତି ଯେ ଯେତେବେଳେ ମ୍ୟାନେଜର ପଳେଇ ଯାଆନ୍ତି ସେତେବେଳେ, ସେମାନେ ଏକ ସୂଚନା ପାଇଥା’ନ୍ତି ଯେ ବର୍ତ୍ତମାନ ସେମାନେ ମଧ୍ୟ କାମ ବନ୍ଦ କରିବା ଉଚିତ୍ । ଏହା ମାଧ୍ୟମରେ କର୍ମଚାରୀମାନେ ସେମାନଙ୍କର କାର୍ଯ୍ୟ ଏବଂ ଜୀବନର ଅନ୍ୟାନ୍ୟ ପ୍ରାଥମିକତା ମଧ୍ୟରେ ସନ୍ତୁଳନ ଆଣନ୍ତି ।
୭୨ ପ୍ରତିଶତ କର୍ମଚାରୀଙ୍କ କହିବାନୁସାରେ, ସେମାନେ ଘରୁ କାମ କରୁଥିବା ବେଳେ ଅଫିସ୍ ଚା ’ବ୍ରେକ୍ କୁ ବହୁତ ମାନେ ପକାନ୍ତି । କୁହାଯାଇଛି, ଚା ’ବ୍ରେକ୍ ରେ କେବଳ ଚା’ ପିଇବା ନୁହେଁ, ସହକର୍ମୀଙ୍କ ସହିତ ବହୁତ ହସ ଏବଂ ଥଟ୍ଟା ମଧ୍ୟ ସାମିଲ ଥାଏ । ନିଜ ବିଷୟରେ ଏବଂ ସେମାନଙ୍କର କାର୍ଯ୍ୟ ଏବଂ ବ୍ୟକ୍ତିଗତ ଜୀବନ ବିଷୟରେ କଥାବାର୍ତ୍ତା କରାଯାଏ । ଏହି ସବୁ ଦିଗ ପ୍ରତି ଦେଖିଲେ ବର୍ତ୍ତମାନ କର୍ମଚାରୀ ମାନେ ୱାର୍କଫର୍ମ ହୋମ ରୁ ଏକ ଦମ ବିରକ୍ତି ହେବା ସହ ପୁଣି ଥରେ ଅଫିସ ଆସିବାକୁ ପସନ୍ଦ କରୁଛନ୍ତି।
