୩ ବର୍ଷରେ ରାମ ମନ୍ଦିର ନିର୍ମାଣ ପାଇଁ ୯୦୦ କୋଟି ଟଙ୍କା ଖର୍ଚ୍ଚ, ତଥାପି ଟ୍ରଷ୍ଟ ଆକାଉଣ୍ଟରେ ..
ନୂଆଦିଲ୍ଲୀ: ଶ୍ରୀ ରାମ ଜନ୍ମଭୂମି ତିର୍ଥ କ୍ଷେତ୍ରର ଟ୍ରଷ୍ଟ ଫେବୃଆରୀ ୫ ୨୦୨୦ ରୁ ମାର୍ଚ୍ଚ ୩୧ ୨୦୨୩ ପର୍ଯ୍ୟନ୍ତ ମନ୍ଦିର ନିର୍ମାଣ ପାଇଁ ୯୦୦ କୋଟି ଟଙ୍କା ଖର୍ଚ୍ଚ କରିଛି ଏବଂ ଟ୍ରଷ୍ଟର ବ୍ୟାଙ୍କ ଆକାଉଣ୍ଟରେ ୩୦୦୦ କୋଟି ଟଙ୍କା ରହିଛି । ଏନେଇ ଟ୍ରଷ୍ଟ ଅଧିକାରୀମାନେ ଶନିବାରକୁ ଏହି ସୂଚନା ଦେଇଛନ୍ତି ।
ଶନିବାର ସକାଳେ ଟ୍ରଷ୍ଟ ଅଧିକାରୀଙ୍କ ତିନି ଘଣ୍ଟିଆ ବୈଠକ ପରେ ଟ୍ରଷ୍ଟ ସଚିବ ଚମ୍ପତ ରାୟ କହିଛନ୍ତି ଯେ, ଫେବୃଆରୀ ୫ ୨୦୨୦ ରୁ ମାର୍ଚ୍ଚ ୩୧ ୨୦୨୩ ପର୍ଯ୍ୟନ୍ତ ମନ୍ଦିର ନିର୍ମାଣ ପାଇଁ ମାତ୍ର ୯୦୦ କୋଟି ଟଙ୍କା ଖର୍ଚ୍ଚ ହୋଇଛି ଏବଂ ୩୦୦୦ କୋଟିରୁ ଅଧିକ ଟଙ୍କା ଏପର୍ଯ୍ୟନ୍ତ ଟ୍ରଷ୍ଟଙ୍କର ବ୍ୟାଙ୍କ ଖାତାରେ ରହିଛି । ରାୟ ବୈଠକରେ କହିଛନ୍ତି ଯେ, ବୈଦେଶିକ ମୁଦ୍ରାରେ ଦାନ ଗ୍ରହଣ କରିବାର ଆଇନଗତ ପ୍ରକ୍ରିୟା ସହିତ ୧୮ଟି ପଏଣ୍ଟ ଉପରେ ଆଲୋଚନା କରାଯାଇଥିଲା ଏବଂ ଟ୍ରଷ୍ଟ FCRA ଅଧୀନରେ ଅନୁମତି ପାଇଁ ଆବେଦନ କରିଛି।
ରାୟ କହିଛନ୍ତି ଯେ, ସାରୁ କୂଳରେ ଅବସ୍ଥିତ ରାମ କଥା ସଂଗ୍ରହାଳୟ ଏକ ଆଇନଗତ ଟ୍ରଷ୍ଟ ହେବ ଏବଂ ରାମ ମନ୍ଦିରର ୫୦୦ ବର୍ଷର ଇତିହାସ ଏବଂ ୫୦ ବର୍ଷର ଆଇନଗତ ଦଲିଲ ଏଥିରେ ରଖାଯିବ। ଟ୍ରଷ୍ଟ ଆବେଦନ କରିଛି ଯେ, ପ୍ରାଣ ପ୍ରତିଷ୍ଠା ସମାରୋହ ଦିନ ସୂର୍ଯ୍ୟୋଦୟ ସମୟରେ ଦେଶର ନାଗରିକମାନେ ନିଜ ଘର ଆଗରେ ପାଞ୍ଚଟି ଦୀପ ଜାଳନ୍ତୁ । ଜାନୁଆରୀ ୨୨ ରେ ଅନୁଷ୍ଠିତ ହେବାକୁ ଥିବା ଏହି ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଦେଶର ପ୍ରାୟ ୧୦,୦୦୦ ବ୍ୟକ୍ତି ଯୋଗଦେବେ ବୋଲି ରାମ ମନ୍ଦିର ନିର୍ମାଣ କମିଟିର ଅଧ୍ୟକ୍ଷ ଶ୍ରୀପେନ୍ଦ୍ର ମିଶ୍ର କହିଛନ୍ତି ।