ନାବାଳିକା ଛାତ୍ରୀକୁ ଅସଦାଚରଣ ଅଭିଯୋଗ, ରଙ୍ଗିଲା ଟ୍ୟୁସନ ସାର୍ଙ୍କୁ ବାନ୍ଧିଲା ପୁଲିସ
ଡେଲାଙ୍ଗ (ଭାସ୍କର ନ୍ୟୁଜ୍): ଡେଲାଙ୍ଗ ଥାନା ଅଞ୍ଚଳରେ ଜଣେ ୯ ବର୍ଷର ୪ର୍ଥ ଶ୍ରେଣୀ ଛାତ୍ରୀକୁ ଅସଦାଚରଣ କରିଥିବା ଅଭିଯୋଗରେ ଟିଉସନ ମାଷ୍ଟରକୁ ଡେଲାଙ୍ଗ ପୁଲିସ ଗିରଫ କରିଛି । ଗିରଫ ହୋଇଥିବା ଅଭିଯୁକ୍ତ ହେଲେ ସେହି ଗ୍ରାମର ବିରେନ୍ଦ୍ର ମଙ୍ଗରାଜ (୨୧) । ନାବାଳିକା ମା’ର ଅଭିଯୋଗକୁ ଭିତିକରି ପୋକ୍ସ ଆଇନ ଅନୁଯାୟୀ ପୁଲିସ ଏକ ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଳଣ କରିଛି। ଜାମିନୀନାମଞ୍ଜୁର ହେବାରୁ ଅଭିଯୁକ୍ତକୁ ବିଚାର ବିଭାଗୀୟ ହାଜତକୁ ପଠାଯାଇଥିବା ନେଇ ଥାନା ଅଧିକାରୀ ଅନିଲ କୁମାର ମହାନ୍ତି ସୁଚନା ଦେଇଛନ୍ତି ।
ସୁଚନା ମୁତାବକ ଅଭିଯୁକ୍ତ ଟିଉସନ ଶିକ୍ଷକ ଛାତ୍ରୀକୁ ଟିଉସନ କରିବାକୁ ତାଙ୍କ ଘରକୁ ସବୁଦିନ ଆସନ୍ତି । ଅସଦାଚରଣ ସମ୍ପର୍କରେ ଛାତ୍ରୀ ଜଣକ ମା’କୁ ଜଣାଇଥିଲେ । ଏ ସଂକ୍ରାନ୍ତରେ ଛାତ୍ରୀର ମା’ ଅଭିଯୁକ୍ତ ଟିଉସନ ଶିକ୍ଷକଙ୍କ ଘରେ ଫେରାଦ ହେବାରୁ ସେମାନେ ପାଲଟା ଗାଳି ଗୁଲଜ କରିବା ସହ ଧମକ ଚମକ ଦେବାରୁ ପିଡିତାର ମା’ ଥାନାରେ ଅଭିଯୋଗ କରିଥିଲେ।
