ଖାଲି ମଇଦାନରେ ଖେଳାଯିବ ଭାରତ-ୱେଷ୍ଟଇଣ୍ଡିଜ ଦିନିକିଆ ମ୍ୟାଚ
ନୂଆଦିଲ୍ଲୀ: ଆସନ୍ତା ୬ ତାରିଖରୁ ଆରମ୍ଭ ହେବାକୁ ଯାଉଛି ଭାରତ-ୱେଷ୍ଟଇଣ୍ଡିଜ ଦିନିକିଆ ସିରିଜ । ଏହି ମ୍ୟାଚ ସହିତ ପ୍ରଥମ ଦେଶ ଭାବେ ୧୦୦୦ତମ ଦିନିକିଆ ମ୍ୟାଚ ଖେଳିବ ଭାରତ । କିନ୍ତୁ ଏଭଳି ଏକ ଐତିହାସିକ ମ୍ୟାଚ ପୂର୍ବରୁ ଭାରତୀୟ କ୍ରିକେଟପ୍ରେମୀଙ୍କୁ ଲାଗିଛି ଶକ୍ତ ଝଟକା । ତିନି ମ୍ୟାଚ ବିଶିଷ୍ଟ ଏହି ଦିନିକିଆ ସିରିଜରେ ଦର୍ଶକଙ୍କ ପାଇଁ ବନ୍ଦ ହୋଇଛି ଷ୍ଟାଡିୟମର ଦ୍ୱାର । ଏ ନେଇ ଗୁଜୁରାଟ କ୍ରିକେଟ ଆସୋସିଏସନ ପକ୍ଷରୁ ଘୋଷଣା କରାଯାଇଛି ।
We are all set to host West Indies Tour of India ODI Series 2022.
1st ODI on 6th of Feb will be a very special and historic match as India will be playing it's 1000th ODI. Indian team will be the first cricket team in the world to achieve this feat.@BCCI#INDvsWI #teamindia pic.twitter.com/OUD7nipQZr
— Gujarat Cricket Association (Official) (@GCAMotera) February 1, 2022
ଫେବୃୟାରୀ ୬ରୁ ହେବାକୁ ଥିବା ଭାରତ-ୱେଷ୍ଟଇଣ୍ଡିଜ ଦିନିକିଆ ମ୍ୟାଚରେ ଦର୍ଶକଙ୍କୁ ବାରଣ ହୋଇଛି । ଦେଶରେ କରୋନାର ସ୍ଥିତି ଏବଂ କଟକଣାକୁ ନଜରରେ ରଖି ଏଭଳି ଏକ ନିଷ୍ପତ୍ତି ନେଇଛି ଗୁଜୁରାଟ କ୍ରିକେଟ ଆସୋସିଏସନ । ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଏହି ସିରିଜ ଖେଳାଯିବାକୁ ଥିବା ବେଳେ ଦର୍ଶକଙ୍କୁ ମ୍ୟାଚ ଦେଖିବା ପାଇଁ ଅନୁମତି ଦିଆଯାଇ ନାହିିଁ । ସେପଟେ ଖେଳପ୍ରେମୀମାନଙ୍କ ଭାରତର ୧୦୦୦ତମ ମ୍ୟାଚ ଦେଖିବା ଆଶା ମଉଳି ଯାଇଛି । ତେବେ ଫେବୃୟାରୀ ୧୬ ତାରିଖରୁ ଇଡେନ ଗାର୍ଡେନରେ ହେବାକୁ ଥିବା ଟି-୨୦ ସିରିଜରେ ୭୦ ପ୍ରତିଶତ ଲୋକଙ୍କୁ ଅନୁମତି ମିଳିଛି । ଏହି ନିଷ୍ପତ୍ତି ପାଇଁ ବେଙ୍ଗଲ କ୍ରିକେଟ ଆସୋସିଏସନର ସଭାପତି ଅଭିଶେକ ଡାଲମିୟା ପଶ୍ଚିମବଙ୍ଗ ସରକାରଙ୍କୁ ଧନ୍ୟବାଦ ଦେଇଛନ୍ତି ।
