ପାକିସ୍ତାନ ବିପକ୍ଷ ମ୍ୟାଚରେ ଉପବାସ କରିଥିଲେ ଲତା: କିନ୍ତୁ ଧୋନୀଙ୍କ ଏହି କାମ ଉପରେ ରାଗିଗଲେ ଦିଦି
ମୁମ୍ବାଇ: ସୁର ସମ୍ରାଜ୍ଞୀ ଲତା ମଙ୍ଗେସକରଙ୍କ ଦେହାନ୍ତରେ ସାରା ଦେଶରେ ଖେଳିଯାଇଛି ଶୋକର ଛାୟା । କିନ୍ତୁ ମୃତ୍ୟୁ ପରେ ତାଙ୍କର ଅନେକ ଅକୁହା କଥା ସାମନାକୁ ଆସୁଛି । ଏବେ ଏମିତି ଏକ କଥା ଶୁଣିବାକୁ ମିଳିଛି । ଦିନେ କ୍ୟାପଟେନ କୁଲ ଏମ.ଏସ ଧୋନୀଙ୍କର ଏକ କାମ ଉପରେ ଖୁବ ରାଗି ଯାଇଥିଲେ ଲତା । ତାଙ୍କ ଟ୍ୱିଟର ପେଜରେ ଏକ ପୋଷ୍ଟ କରି ନିଜ ବିରକ୍ତିଭାବ ମଧ୍ୟ ସେ ପ୍ରକାଶ କରିଥିଲେ ।
ଲତା ଦିଦିଙ୍କର କ୍ରିକେଟ ପ୍ରତି ଥିବା ଦୁର୍ବଳତା ସହିତ ପ୍ରାୟ ସମସ୍ତେ ପରିଚିତ । କ୍ରିକେଟ ସହିତ ତାଙ୍କର ଥିବା ଦୁଇଟି ମୁହୂର୍ତ୍ତ ଏବେ ସମାନାକୁ ଆସିଛି । ୨୦୧୧ ଦିନିକିଆ ବିଶ୍ୱକପ ସମୟ ସେମି ଫାଇନାଲରେ ଭାର ଭେଟିଥିଲା ଚିର ପ୍ରତିଦ୍ୱନ୍ଦି ପାକିସ୍ତାନକୁ । ଏହି ମ୍ୟାଚରେ ଭାରତର ବିଜୟ ପାଇଁ ଲତା ଦିଦି ଉପବାସ ରଖିଥିଲେ । ତେବେ ବୋଧହୁଏ ସେଦିନ ଲତା ଦିଦିଙ୍କ ପ୍ରାର୍ଥନା କାମ ଦେଇଥିଲା । ଆଉ ପାକିସ୍ତାନକୁ ହରାଇ ବିଶ୍ୱକପ ଫାଇନାଳରେ ପ୍ରବେଶ କରିଥିଲା ଭାରତ । ମ୍ୟାଚରେ ବିଜୟ ପରେ ହିଁ ଦିଦି ତାଙ୍କ ଉପବାସ ଭାଙ୍ଗିଥିଲେ ।
ସେହିପରି ଲତା ଦିଦି ଏବଂ କ୍ରିକେଟକୁ ନେଇ ଆଉ ଏକ ଘଟଣା ମଧ୍ୟ ସାମନାକୁ ଆସିଛି । ଏ ଘଟଣା ହେଉଛି ୨୦୧୯ ଦିନିକିଆ ବିଶ୍ୱକପ ସେମି ଫାଇନାଲ ସମୟର । ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କର ଲତା ଦିଦି ଥିଲେ ଜଣେ ବଡ ପ୍ରଶଂସକ । କିନ୍ତୁ ସେମିଫାଇନାଲରେ ନ୍ୟୁଜିଲାଣ୍ଡ ପାଖରୁ ପରାସ୍ତ ହେବା ପରେ ଧୋନୀ କ୍ରିକେଟରୁ ଅବସର ନେବା କଥା ସାମନାକୁ ଆସିଥିଲା । ଏହା ଶୁଣି ବିଚଳିତ ହୋଇ ଉଠିଥିଲେ ଲତା । ଧୋନୀଙ୍କୁ ଅବସର ନ ନେବା ପାଇଁ ସେ ଟ୍ୱିଟରରେ ଏକ ଅନୁରୋଧର ବାର୍ତ୍ତା ମଧ୍ୟ ପୋଷ୍ଟ କରିଥଲେ ।
Namaskar M S Dhoni ji.Aaj kal main sun rahi hun ke Aap retire hona chahte hain.Kripaya aap aisa mat sochiye.Desh ko aap ke khel ki zaroorat hai aur ye meri bhi request hai ki Retirement ka vichar bhi aap mann mein mat laayiye.@msdhoni
— Lata Mangeshkar (@mangeshkarlata) July 11, 2019