ନିଶାସକ୍ତ ଅବସ୍ଥାରେ ପୋଲିସ ଷ୍ଟେସନର ପାର୍କିଂ ଉପରେ କାର୍ ଚଢ଼ାଇଲେ ମହିଳା, GPS ସିଷ୍ଟମକୁ ଦେଲେ ଦୋଷ

ୱାଂଶିଟନ୍: ଆମେରିକାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି, ଯାହାକୁ ଶୁଣି ଆପଣ ବି ଚକିତ ହୋଇଯିବେ । ଜଣେ ମହିଳା ନିଶାସକ୍ତ ଅବସ୍ଥାରେ ଗାଡ଼ି ଚଳାଇଥିବା ପୋଲିସ ଅଭିଯୋଗ କରିଛି । ମହିଳାଙ୍କ କହିବା ମୁତାବକ, ସେ କେବଳ ଜିପିଏସ୍ ଫଲୋ କରୁଥିଲେ, ଯାହାଫଳରେ ଦୁର୍ଘଟଣା ହୋଇଗଲା । ତେବେ ମହିଳା ଜଣକ ପୋଲିସ ଷ୍ଟେସନର ପାର୍କିଂ ଉପରେ ଚଢ଼ାଇ ଦେଇଥିଲେ ।

ପୋର୍ଟଲ୍ୟାଣ୍ଡ ମେନ୍ ପୋଲିସ ଡିପାର୍ଟମେଣ୍ଟ ନିଜର ଫେସବୁକ୍ ପେଜରେ ଦୁର୍ଘଟଣାର ଫଟୋ ସେୟାର କରି ଏହାର ସୂଚନା ଦେଇଛି ।  ଏଥିରେ କୁହାଯାଇଛି ଯେ, ମହିଳା ନିଜ ଗାଡ଼ିକୁ ପୋର୍ଟଲ୍ୟାଣ୍ଡ ପୋଲିସ ବିଭାଗର ଗ୍ୟାରେଜ ଓ ପାଦଚଲା ଜୋନରେ ବି ପୂରାଇଦେଇଥିଲେ ।

ମହିଳା ଜଣକ ମଦ୍ୟପାନ କରି ଗାଡ଼ି ଚଳାଇଥିବା ପୋଲିସ ବିଭାଗ ଅଭିଯୋଗ କରିଛି । ଅନ୍ୟପଟେ ମହିଳା ଜଣକ ଏହାକୁ ବିରୋଧ କରି ଦାବି କରିଛନ୍ତି ଯେ, ସେ ଜିପିଏସ ସିଷ୍ଟମକୁ ଫଲୋ କରୁଥିବା କାରଣରୁ ସେଠାରେ ଫସିଯାଇଥିଲେ । ଏହା ସହ ସୂଚନା ମିଳିଛି ଯେ, ମହିଳା ଜଣକ କୌଣସି ଲୋକ ଉପରେ ଗାଡ଼ି ଚଳାଇନାହାନ୍ତି । କେବଳ ପୋଲିସ ବିଭାଗର ସମ୍ପତ୍ତିକୁ କିଛି କ୍ଷତି ହୋଇଛି । ଘଟଣାକୁ ନେଇ ପଚରାଉଚରା ଜାରି ରହିଛି ।