ପଶ୍ଚିମ ଓଡ଼ିଶାରେ ଜାରି ରହିଛି ଗ୍ରୀଷ୍ମପ୍ରବାହ, ୪୩ଂ ତାପମାତ୍ରା ସହ ବୌଦ୍ଧ ଏବଂ ସୋନପୁର ସବୁଠୁ ଉତ୍ତପ୍ତ ସହର
ରାଜ୍ୟରେ ଗତ ଦୁଇ ଦିନ ଧରି କାଳବୈଶାଖୀ ପ୍ରଭାବରେ ତାପମାତ୍ରା ହାସ ପାଇଥିଲେବି ରାଜ୍ୟର ଅନେକ ସ୍ଥାନରେ ଜାରି ରହିଛି ଗ୍ରୀଷ୍ମପ୍ରବାହ । ଗୁରୁବାର ରାଜ୍ୟରେ ୪୩ ଡିଗ୍ରୀ ତାପମାତ୍ରା ସହ ବୌଦ୍ଧ ଏବଂ ସୋନପୁର ରାଜ୍ୟର ସବୁଠୁ ଉତ୍ତପ୍ତ ସହର ଭାବରେ ରେକର୍ଡ କରାଯାଇଛି । ସେହିପରି ୧୩ ଟି ସହରର ତାପମାତ୍ରା ୪୦ ଡିଗ୍ରୀରୁ ଅଧିକ ରେକର୍ଡ କରାଯାଇଥିବାବେଳେ ୫ ସହରରେ ତାପମାତ୍ରା ୪୨ ଡିଗ୍ରୀ ଉପରେ ରେକର୍ଡ କରାଯାଇଛି ।
ରାଜ୍ୟରେ ଝାରସୁଗୁଡ଼ାରେ ୪୨ଂ, ସମ୍ବଲପୁରରେ ୪୧.୨, ହୀରାକୁଦରେ ୪୦.୬ଂ, ଭବାନୀପାଟଣାରେ ୪୦.୫ଂ, ବଲାଙ୍ଗିରରେ ୪୨.୫ଂ, ଫୁଲବାଣୀରେ ୪୦.୭ଂ, ଟିଟଲାଗଡ଼ରେ ୪୨.୨ଂ, ଦେଓଗଡ଼ରେ ୪୧.୨, ନୂଆପଡ଼ା-ନୟାଗଡ଼ରେ ୪୦.୫, ପାରଳାଖେମୁଣ୍ଡିରେ ୪୦ଂ ତାପମାତ୍ରା ରେକର୍ଡ କରାଯାଇଛି । ଭୁବନେଶ୍ୱରରେ ଏବଂ କଟକରେ ୩୬.୨ଂ ତାପମାତ୍ରା ରେକର୍ଡ କରାଯାଇଛି ।
