ସେଭିଂ ପରେ କଳା ଦେଖାଯାଉଛି କି ମୁହଁ? ଆପଣାନ୍ତୁ ଏହି ଟିପ୍ସ, ଚମକିଯିବ ଚେହେରା
କିଛି ପୁରୁଷ ଦାଢ଼ି ରଖିବାକୁ ପସନ୍ଦ କରୁଥିବା ବେଳେ ଆଉ କିଛି ପୁରୁଷ କ୍ଲିନ୍ ସେଭ୍ କରିବାକୁ ପସନ୍ଦ କରନ୍ତି । କିଛି ଅଫିସରେ କ୍ଲିନ୍ ସେଭ୍ କରିବାକୁ ଅତ୍ୟନ୍ତ ଜରୁରୀ ହୋଇଥାଏ ଓ ଏପରି ପରିସ୍ଥିତିରେ ପୁରୁଷଙ୍କୁ ପ୍ରତିଦିନ ସେଭିଂ ହେବାକୁ ପଡିଥାଏ । ରେଗୁଲାର ସେଭିଂ କରିବାରୁ ସ୍କିନ୍ ଉପରେ ଖରାପ ପ୍ରଭାବ ପଡ଼ିଥାଏ । ମୁହଁ ଶୁଖିଯିବା ସହ ଜଳିବା ଭଳି ଅନୁଭବ ହୋଇଥାଏ ।
ପ୍ରତିଦିନ ସେଭିଂ କରିବା ଦ୍ଵାରା ମୁହଁ କଳା ପଡିବା ହେଉଛି ସବୁଠାରୁ ବଡ଼ ସମସ୍ୟା । ଏହା ବ୍ୟତୀତ ବି ଅନେକ ସାଇଡ୍ ଇଫେକ୍ଟ୍ ରହିଛି । ଏସମସ୍ତ ସମସ୍ୟାରୁ ମୁକ୍ତି ପାଇବାକୁ ଚାହୁଁଥିଲେ ସେଭିଂ ପରେ କିଛି ଟିପ୍ସ ଆପଣେଇବାକୁ ପଡିବ । ଏହି ଟିପ୍ସ ଦ୍ୱାରା ସେଭିଂ ପରେ ମୁହଁରେ ଆସୁଥିବା ସମସ୍ୟା ଦୂରେଇ ଯିବା ସହ ଆପଣଙ୍କ ଚେହେରା ଆହୁରି ଚମକିବ ।
କଞ୍ଚା କ୍ଷୀର :-
ସେଭ୍ କରିବା ପରେ ମୁହଁରେ କଞ୍ଚା କ୍ଷୀର ଲଗାନ୍ତୁ । ଏହାକୁ ଲଗାଇବା ପାଇଁ ଗୋଟିଏ ପାତ୍ରରେ ପାଞ୍ଚରୁ ଛଅ ଚାମଚ କଞ୍ଚା କ୍ଷୀର ନେଇ ସେଥିରେ କଟନ୍ ବୁଡ଼ାଇ ମୁହଁରେ ଲଗାନ୍ତୁ । ଏହାକୁ ୧୦ ରୁ ୧୫ ମିନିଟ୍ ପର୍ଯ୍ୟନ୍ତ ମୁହଁରେ ଲଗାଇ ଛାଡିଦିଅନ୍ତୁ । ଏହା ପରେ ମୁହଁକୁ ଥଣ୍ଡା ପାଣିରେ ଧୋଇ ଦିଅନ୍ତୁ । ଫଳରେ ସେଭିଂ ପରେ ମୁହଁ କଳା ହେବାର ସମସ୍ୟା ଦୂରେଇ ଯିବ ।
କଞ୍ଚା ଆଳୁ :-
କଞ୍ଚା ଆଳୁ ତ୍ୱଚା ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ । ସେଭିଂ ପରେ ମୁହଁରେ ଆପଣ କଞ୍ଚା ଆଳୁ ଲଗାଇ ପାରିବେ । ଏହାକୁ ପ୍ରୟୋଗ କରିବା ପାଇଁ ଏକ କଞ୍ଚା ଆଳୁକୁ ଘସିକରି ଏହାର ରସ ବାହାର କରନ୍ତୁ । ଏହାର ରସକୁ କଟନ୍ ସହିତ ମୁହଁରେ ଲଗାନ୍ତୁ । ଏହାକୁ ୧୦-୧୫ ମିନିଟ୍ ପର୍ଯ୍ୟନ୍ତ ମୁହଁରେ ଶୁଖିବାକୁ ଦିଅନ୍ତୁ ଏବଂ ତା’ପରେ ଥଣ୍ଡା ପାଣିରେ ମୁହଁ ଧୋଇ ଦିଅନ୍ତୁ । ଏହାଦ୍ୱାରା ଚେହେରାର କଳାପଣ ଓ ଜଳିବା ସମସ୍ୟା ଦୂରେଇ ଯିବ ।
ଭଣ୍ଡା:-
ଭଣ୍ଡା ତ ସମସ୍ତେ ପସନ୍ଦ କରନ୍ତି । ଭଣ୍ଡା ସ୍ୱାସ୍ଥ୍ୟ ପାଇଁ ଯେତିକି ଲାଭଦାୟକ, ତ୍ୱଚା ପାଇଁ ମଧ୍ୟ ସେତିକି ଲାଭଦାୟକ । କ୍ଲିନ ସେଭ୍ ପରେ ମୁହଁରେ ଭଣ୍ଡା ଲଗାଇଲେ ମୁହଁରୁ ଶୁଖାପଣ ଦୂର ହୋଇଥାଏ ।
